الأربعاء، 28 أكتوبر 2009

اعمل ايه انا

مساااااااااااء الخير

-----------------

 بعد اسبوع عماله رايحه جايه داخله مدونه طالعه من التانيه تايهه احيانا مش عارفه انا كنت فين ومنين يودي علي فين .. عماله اقرا تدوينات جميله ومفنجله عيني مدهوشه ولا القروي السازج .. بجد كانت رحله جميله اتعرفت فيها عليكم 

وعايزه اشكر المدونين اللي دخلوا مدونتي في اول بوست وشجعوني ونوروني واسعدوني بترحبهم بيه وعملتلهم قائمه لوحدهم .. وقعدت قلت يابت يادنيا تكتبي ايه ايه بعد كل اللي قريتيه ده وضرب لك دماغك اكتر ماهي ضربه ..

قلت طيب ماانا اقول لهم الاول انا عملت المدونه دي ليه الحقيقه والواقع علي الخيال هههههه انا كنت ومازلت في حاله نفسيه صعبه حبتين مرض علي وحده علي خيبت امل علي كلاكيع استيراد الخارج علي مشاكل حاجه كده نقاوه كومبليكس فعلا

 واحده صحبتي وحبيبتي قالت لي اعملي مدونه واكتبي هتضيع الوحده اللي عندك وهيتبعها كل اخوتها اللي فوق دول ..  فاااااااااارحت عامله المدونه وبلياكم بيه وان شاء الله هكتب بوستات كتير

اللي كان معطلني ان كل مدونه ادخلها اقعد فيها لحد ما علي قدر المستطاع اقراها علشان اعرفكم اكتر .. وكنت فهمه ان انا الوحيده اللي حاسه بكل الكلام اللي فوق ده لاقيت كتير منكم حاسسهم بس يا بيداري يا بيقاوح يا خلاص المدونه ملت له الوحده دي

 وعلي فكره الوحده غير الفراغ ممكن حد يكون مشغول علي طول وفي وسط ناس كتير جدا بس وحيد ووحيد جدا كمان

  

*تحياتي

هناك 100 من التعليقات:

Sweet Violet يقول...

اول تعليق فى تانى بوست عن دووووونيا

نيهاهاهاها
هقرا و ارجع
^_^

Sweet Violet يقول...

و تانى تعليق كمان
علشان بعد القرايه يكون التالت
و يبقى التالته تابته

^_^

Sweet Violet يقول...

مين قال ان الوحدة معناها انك بعيده عن الناس
دى اصعب وحدة لما تكونى بين الناس فعلا
v_v

و عموما انا بشكرصاحبتك جدااا لانها خلتك تعملى المدونة
و تنضمى لعائلة بلوجر
و ان شاء الله هتكونى سعيده معانا و مش هتحسى بالوحدة ابداااااا

و هتخرجى من كل الحالات اللى انت قولتى عليها دى

و الف سلامة عليك من المرض و ان شاء الله يتمم شفاك على خير

^_^

miroooo يقول...

السلام عليكم
انا جايه انهارده علشان اشجعك تكتبى مواضيع كتير جميله اصل انا كنت محتاجه حد يشجعنى زيك فى اول طريقى فى المدونات والحمدلله لاقيت اللى يشجعنى وكتاباتى الى حد ما كويسه بجد التدوين شىء جميل جدا وهيضيع الوحده خاالص اتمنى اقرالك بوست جميل زيك كده وياريت تزورينى دمتى بالخير دائما

miroooo يقول...

احب اقولك كمان ان انتى هيكون ليكى اصدقاء كتير جدا بس مع الوقت اكيد اتمنى انك تقبلينى صديقه ليكى

miroooo يقول...

اه نسيت اقولك اوعى تنسى تزورينى لا زم تزورينى برضاكى او كان غصب عنك هههههههههههههههه حبيت اهزر معاكى

أحمد الصعيدي يقول...

مرحبا بك في ذلك العالم الغامض

أخت لنا جميعا

الشعب لابد له من حكومه تشكمه يقول...

يامرحب يامرحب منوره بلوجر والله:)
عيشى باه واكتبى كل ساعتين بوست وعيشى ياجميله.

Cute Kitty **sookra يقول...

كلنا على فكره عاملين كدا زيك
بندخل مدونات ونحس ونتعلم وقلبنا يوجعنا ونحب اصحابها ونعتبرهم اهل ونعيش معاهم نفرح معاهم نحزن معاهم نبكى معاهم
عموما ياقمر هنستنى بوستاتك وربنا يوفقك يارب
تقبلى مرورى

romansy يقول...

وحيد وحيد وحيد
شريد شريد شريد
تايه تايه تايه
كلنا كده يا دنيا
انا عن نفسى عملت مدونتى لما لقيت نفسى مش لاقى الشئ اللى بتمناه واحد صاحبى برضه عمالى المدونه
والحمد لله الواحد اتعرف على اخوات كتير

donya يقول...

sweet violet
------------

اهلا بيكي في اول تعليق للمره التانيه
ههههههه

واهلا بيكي في تاني تعليق كمان
هههههه

واهلا بيكي في تالت تعليق بجد لايق عليكي التالت كمان

ههههههههه

فعلا اصعب وحده لما تكوني وسط الناس وحاسه قمة الوحده

انا كمان ممتنه ليها جدا انها دفعتني دفع للعالم ده
وان شاء الله اكون فعلا سعيده معاكم
والبدايه جميله اهو بيكم كلكم وتشجيعكم ليه

وشكرا ليكي جدا


*تحياتي

donya يقول...

miroooo
-------
اهلا بيكي
منوره
وكلامك صح الصح

وكمان طبعا اهلا بيكي صديقه لطيفه
وزرت مدونتك الجميله

وهستناكي دايما وهضيفك للقايمه علشان ابقي اعرف بوستاتك الجديده

*تحياتي

donya يقول...

احمد الصعيدي
---------------
شكرا لك علي ترحبيك بي
بس ليه سميته العالم الغامض

ده هو ده سر سحره

وبشكرك علي كلمة اخت لنا جميعا


*تحياتي

donya يقول...

الشعب لابد له من خكومه تشكمه
--------------------------
اهلا بيكي
وبجد عجبني اسم مدونتك جدا
ويارب تكوني بخير

مستنياكي دايما


*تحياتي

donya يقول...

saso
----
اهلا بيكي ياساسو
يارب تكوني بخير واحسن دلوقتي
بوستك الاخير قوي جدا

وعندك حق فعلا انا تفاعلت مع كل بوست قريته

نورتيني

*تحياتي

صوت من مصر يقول...

اقولك على مثل صغير
انا اول ما فتحت المدونه سبتها سنه من غير كلام
كنت شغال صحفى اتخنقت مع المدير ونزلت اول بوست ليا فيها
بعد كده اصبحت المدونه هى صوتى فعلا
بتعبر عن اى حاجه عاوز اقولها لاى حد لنفسى حتى بقولها فيها
اهلا بيكى فى عالم التدوين
وشكرا لانك قولتى فى اول بوست علقتى فى عندى انها مدونه ساخنه

donya يقول...

romansy
-------
اهلا بيك
صديقك عمل خير
بصراحه قصايدك جميله جدا



*تحياتي

شفـقــة و إحســــان يقول...

مبروك على المدونة .... وفعلا بجد هى بتضيع الوحدة والاكتئاب وبتقدرى تكونى منها صداقات كويسة لا بأس بها
مرحبا بكى فى عالم التدوين ومستنين بوستاتك
شفقة

donya يقول...

صوت من مصر
-----------
اهلا بيك

ومدونتك جميله وجريئه حبتين تلاته
وفي مدونه تانيه لاقيتها مهجوره ليه ياتري؟؟؟؟؟؟

نورتني ومستنياك تاني

*تحياتي

صوت من مصر يقول...

مهجوره عشان محتاجه حد معايا

donya يقول...

شفقه واحسان
-----------
اهلا وسهلا ومرحبا

انازرت مدونتكم الجميله بس واضح اني هقضي فيها وقت شويه

فكرتها جميله ربنا يبارك لكم فيها

واتمني دوام التواصل

*تحياتي

donya يقول...

صوت من مصر
-----------
لكن فعلا في ناس معاك ماحدش نزل صور جديده من وقت طويل

لو كل واحد منكم نزل بوست هتبقي جميله جدا

غير معرف يقول...

اشكرك جدا علي اعجابك بالبوست بتاعي في قهوه عربي وارجو لكي المزيد من التالق هذه اول زياره واتمني ان تتكرر
لكي تحياتي.الباشا

donya يقول...

الباشا(غير معرف)
----------------
اهلا وسهلا بيك في مدونتي الوليده المتواضعه

والحقيقه انا قريت معظم بوستاتك في قهوه عربي
وماشاء الله كلها فكر وقضايا مهمه معروضه
بطريقه بسيطه سهلة الفهم
بدون تعقيد

شكرا علي الزياره
*تحياتي

Che يقول...

مبروك على المدونه و معلش انها جايه متأخره فى تانى بوست بس عذرى انه دى اول زياره ليا و مش هتكون اخر زياره ان شاء الله
كل اللى انتى قلتى عليه فعلا كلنا بنحس بيه بدرجه او بأخرى
مبروك علينا اننا كسبنا مدونه جديده و مستنين بوستاتك

حياه بلا عنوان يقول...

السلام عليكم ورحمه الله وبركاته
البوست جميل والمدونه بردو جميله ماشاءالله وبعدين عادى ولا تعملى اى حاجه كلنا بندخل وبنشوف وبنتعلم الحمدلله شكرا لزيارتك لمدونتى
تحياتى

الكلمة نور يقول...

الكل بيقاوح
كله كله
منتظرين
تحياتى

قلم رصاص يقول...

السلام عليكم

مرحبا بيكي أختنا الكريمة دنيا بين شعب بلوجر الطيبيبن

وان شاء الله تكوني سعيدة بدخولك هذا العالم الجميل الذي من خلاله ستشعرين بقيمة نفسك وعن تجربه ان شاء الله

اتمنى لك التوفيق

وننتظر تدويناتك الجديدة

دمتم في حفظ الله

Mafrousa يقول...

انا جيت
و الله يا ااخت دنيا
هيه الدنبا كده تبقى فى وسط عالم و تحسي بالوحدة
و تبقى ساعات لوحدك و مس حاسة بيها
الفراخ بقا حاجة تانية خالص
الفراخ ده اللى بناكله سيادتك هههههههههه
المهم نورتي مدينة البلوجرية
وواضح ان اللاسعين زادو واحده ههههههههههه
ايون اومال ايه
ما هو اللى فى المدينة العجيبة ديه
تلاقيهم مفروسين على طهقانين على موحودين على مكلكعين هههههههههه حاجة كده على رأيك نقاوة ههههههههههه
اهلا بيكي و نورتي

donya يقول...

che
---
اهلا بيك وسهلا
شكرا علي ترحيبك
وان شاء الله نتواصل


ومش مهم ان تكون جيت في اول بوست المهم انك جيت ونورتني


*تحياتي

donya يقول...

حياة بلا عنوان
---------------
وعليكم السلام ورحمته وبركاته

الشكر ليكي انك نورتيني

وانت كمان لازم تكتبي بوستات كتير
مدونتك عجبتني جدا


*تحياتي

donya يقول...

الكلمه نور
-------------

ايوه كله بيقاوح

انت اهو بتقاوح وبتقول لي كله كله
ههههههههههههه

بس ماتخوفنيش وتقول لي منتظرين انا مرعوبه اصلا

ربنا يستر هروح وسطكم فين انا


*تحياتي

donya يقول...

قلم رصاص
--------
وعليكم السلام ورحمته وبركاته

اهلا بيك
وشكرا علي كلمات التشجيع

يارب اكون عند حسن ظنكم

*تحياتي

donya يقول...

واحدة مفروسه
-------------

اهلا ومرحبا بك في مدونة دنيا المفروسه جدا زيك

جميل انك معترفه زي ان البلوجر عامل زي الدكتور النفساااااوي
بيحاول يعالجنا
عارفه عامل زي العلاج الجماعي كده

بنحاول نخرج من الوحده خروج جماعي

نورتيني
ومستنياكي دايما


*تحياتي

Aиgel يقول...


دنياااا

أولاً مساء الورد
ثانياً أهلا بيكي في عالمنا
عالم ننشأه بذاتنا وباختيارنا

منورة ويارب نقرأ لك بوستات كتييييير أوي

وتبعدي عن وحدتك أو على الأقل تتناسيها ولو لوهلة من الزمن
(:

Angel love

rovy يقول...

السلام عليكم
اولا مبروك على المدونه .. و مبروك علينا انضمامك لنا فى التدوين ..
اعتذر لتأخيرى و اشكرك جداا لمرورك الكريم فى مدونتى و تعليقك الطيب

عاوزه اقولك ان صاحبتك عندها حق لما قالت لك تعملى مدونه لانها فعلا حتفيدك جداا و كفايه انك تقدرى تفضفضى فيها و تتواصلى معانا و تأكدى انك حتلاقى اخوه و اخوات كثير حلوين جداا و اكيد معرفتهم حتساعدك كثير
اهلا بيكى فى عالم التدوين و ربنا يوفقك فى كل حياتك ياارب ..
ارق تحياتى لكى

مدحت محمد يقول...

متقعديش تقرى مدونات كتير ورا بعض ريحى شوية عشان متصدعيش

واهلا بيكى فى عالم التدوين

donya يقول...

angel
-----
اهلا بيكي
مساء الخير

وشكرا علي ترحيبك

نورتيني

*تحياتي

donya يقول...

rovy
------
وعليكم السلام ورحمته وبركاته

اهلا وسهلا بيكي
وشكرا علي كلامك وتشجيعك

ومدونتك فعلا جميله جدا

نورتيني

*تحياتي

donya يقول...

مدحت محمد
----------
اهلا بيك
الحقيقه مش قادره مااقراش المدونات

الناس في البلوجر كاتبه كلام جميل جدا
كله من جواها من قلبها

شكرا للنصيحه

نورتني

*تحياتي

mimi يقول...

بجد أنتي نورتي عالم التدوين

ولما تفضلي فيه أكتر

هتحبيه أكتر وهتلاقي نفسك في مدونتك

تحياتي

د. ياسر عمر عبد الفتاح يقول...

أهلاً بيكي في كفر الحاج بلوجر
إن شاء الله تبقي مدونتك إضافة قوية لبلوجر كله

وعلي فكرة أنا مهجرتش مدوتتي ولا حاجة
دي بس كانت شوية ظروف منعاني من الدخور بانتظام
والحمد لله اوشكت علي الإنتهاء

micheal يقول...

بصي يا دنيا..دي مدونتك..اكتبي فيها اللي أنتي عاوزاه
طلعي كل المشاعر اللي جواكي
عبري عن أفكارك-رغباتك-مواهبط طالما ده لا يسيء للاخريين
وأنا في كل الأحوال حتابعك
:)))
تمنياتي بالتوفيق
تحياتي

ياسمين يقول...

محتاجة استفسار منكم من فضلكم
اتفضلوا عندى فى المدونة
ضرورى وشكرا

donya يقول...

mimi
-----
اهلا وسهلا بيكي
عالم التدوين منور بيكم وبتدويناتكم الجميله

شكرا علي ترحيبك بي

نورتيني

*تحياتي

donya يقول...

د/ياسرعمرعبد الفتاح
---------------------
اهلا وسهلا ومرحبا

حمد الله علي السلامه
نورت مدونتك ومدونتي طبعا

والحمد لله ان الظروف راحت خلاص
بجد مدونتك من المدونات اللي عجبتني جدا
وخصوصا مقالاتك الهزليه لرؤيا
وكله كوم ياعمده وبوست الامتحانات كوم
عجبتني طريقة المذاكره
وعجبني صبر اهلك عليك
المهم انك اتخرجت مبروك

شكرا علي تشجيعك لي وزيارتك


*تحياتي

donya يقول...

micheal
---------
اهلا بك سيادة العميد
شكرا علي كلامك
لكن انت عايز تولع في مدونتي الصغنونه النونو دي ليه عملت لك ايه؟؟؟
ده انا لوطلعت اللي جوايا هتولع هي والمدونات اللي جنبها واللي جنبها

هههههههههههه

شكرا علي نتبعتك وتشجيعك
لا
عميد عميد يعني

*تحياتي

donya يقول...

ضحكه مجروحه
------------
اهلا بالضحكه المجروحه
وحالا توا هروح اشوف في ايه

تاكسي تاكسي


*تحياتي

kmt يقول...

السلام عليكم ورحمة الله ةبركاته

دنيا
ان شاء الله مش اخر زيارة
وشكرا جدا لمرورك الجميل
سعيده بلقائك
تحياتي

Unknown يقول...

وعلي فكره الوحده
غير الفراغ ممكن حد
يكون مشغول علي طول
وفي وسط ناس كتير جدا
بس وحيد ووحيد جدا كمان
صح كلام ممهما كان حواليك
من البشر لكن حاسة انك
وحدانية حتفضلى حاسة
الاحساس دا!للاسف

Yusuf يقول...

دنيا

نورتي العالم الوهمي

اللي كلنا بنحاول فيه

نقتل

الهموم

والألم

والوحدة

بالكلمة

اتمني دايماً

اني أقرا عندك

أحلي الكلام

تحياتي

donya يقول...

kmt
---
وعليكم السلام ورحمته وبركاته

اهلا وسهلا بيكي
اسعدتني زيارتي لمدونتك جدا
واسعدتني زيارتك لي الان

ان شاء الله نتواصل

*تحياتي

donya يقول...

norahaty
---------
اهلا بيكي
الوحده دي غول بيخوف اللي ينادمه
بس للأسف غول ماحدش بيختاره هو بيفرض نفسه علي الانسان كده
هو في حد بيختار وحدته بنفسه

*تحياتي

donya يقول...

yusuf
-----
اهلا وسهلا بيك
نورتني بزيارتك
واتمني تتكرر

وشكرا لكلامك

*تحياتي

مواطن مصري يقول...

اهلا البوست الثاني متابع متجدد

مستني ردك ع الميل

حروف يقول...

بصي اولا نورتي البلوج كلة
واهل البلوج
ونورتيني بزيارتك

مش كل الذكريات عايزين نفتكرها في ذكريات بنتناسها

مستنية بوستاتك
دمتي بخير

ست البنات يقول...

الله أكبر
تاني بوست وكل دول ناس :)
بصراحة تتحسدي يا شابة :)))))

ربنا يكرمك ويجعله خالصا لوجهه الكريم

يساري نوبي يقول...

طب انتي مخنوقه ومتضايقه و حاسه بالوحده تيجي تضايقينا احنا
الحياه مش ناقصه
عامة مرحب بيكي و اهو اتلم المتعوس علي خايب الرجا....اكيد هايعملوا حاجه كويسه
اتمني لك التوفيق ف تدويناتك و التي تبدو انها ستكون رائعه جدا

غير معرف يقول...

مبرووووك المدونه .... ويارب تبقا احلى دنيا

تحياتي

دعاء مواجهات يقول...

وعلي فكره الوحده غير الفراغ ممكن حد يكون مشغول علي طول وفي وسط ناس كتير جدا بس وحيد ووحيد جدا كمان

الكلمتين دوول صح بشكل غير عاادى بجد

نورتينى ..

donya يقول...

مواطن مصري
----------
اهلا بيك
ماعلقتش علي البوست؟؟

رديت علي الميل

*تحياتي

donya يقول...

*حروف
------
اهلا ومرحبا بك
نورتيني واسعدتني زيارتك

كلامك عن الذكريات حلو جدا

وكلامك صح

البلوج منور بيكي

شكرا علي ترحيبك بيا

*تحياتي

donya يقول...

ست البنات
---------
اهلا بيكي نورتي ياست البنات

الحمد لله كان ياماكان كانت جدتي بتدعي لي ربنا يحبب فيكي خلقه يادنيا وانت كمان تحبي الناس كلها
وبصراحه الناس هنا كلها جميله

وهستناكي دايما وهروح ازور مدونتك حالا بالا

*تحياتي

donya يقول...

يساري نوبي
------------
ههههههههههه
اهلا اهلا
انت جاي ومش طايقني ليه بس
ماانا معترفه بخط كي بوردي ان انا جايه ابليكوا بيه
لو معترض الم الكمبيوتر وارحل
بس انت نوبي وطيب اصل مش بمزاجك هو كده اهل النوبه كلهم طيبين واصله وكرمه
واجمل ناس ممكن تشوفهم في حياتك

وعارف قاعده مش ماشيه ايه رأيك
هههههههههه

نورتني

*تحياتي

donya يقول...

فتاه من الصعيد
--------------------
اهلا وسهلا بيكي

ان شاء الله هتبقي احلي دنيا بيكم ومعاكم

نورتيني

*تحياتي

donya يقول...

دعاء مواجهات
-------------
اهلا وسهلا ومرحبا

شكرا علي كلامك

مدونتك كانت من المدونات اللي قعدت فيها كتير جدا
بجد مدونه قيمه لك ان تفخري بها


نورتيني

تحياتي

أحــوال الهـوي يقول...

مرحبا بك في عالم التدوين
عالم التعبير عن الذات
عالم مرافقة اصحاب الفكر و المواهب
عالم ينمي المشاعر الانسانيه بين نخبة مميزة من البشريه

عالم لن تكوني فيه لوحدك
انه ليس لاضاعة الوقت و ملئ الفراغ
انه حياة اخري تنمي فيه مشاعرك و تعلو بذاتك فوق مستوي الانا

تشاركين الراي و تسمعين الاخرين و احرصي ان تقولي رايك بصراحه لانك تزيدي احترامك لنفسك و تكتسبي احترام الاخرين

تحياتي

مصطفى ريان يقول...

دنيا
بصي عاسيز اقولك حاجه مهمه اكتبي اللي
اللى انت حاسه بيه اكتبى اللي ف قلبك مش مهم بقى غيرك كتب ايه ماتحيريش نفسك
اما احساس الوحده اللي بين الناس فكتير قوي بيحسو بيه وانا واحد من الكتير دول .. يعنى انت مش لوحدك
بس هقولك حاجه مهمه بلاش تخلى التدوين ياكل وقتك كله واصحابك الافتراضين يشغلوكى عن اصحابك الحقيقين
تحياتى لك

أحساس لسه حى...كلام من جوه روح لكل روح يقول...

عزيزتى

اول حاجه مبروك على المدونة

تانى شئ

التدويين شئ جميل اوى انى اعرض فكرى واحساس واشوف افكار غيرى واحساسهم

وانى اخرج اللى جوايا اقصد مكبوت جوايا واشوف غيرى ايه بيكبتهم

بصراحه عجبنى انك بتخشى المدونة وتقرى فى بعض موضوعتها علشان تعرفى افكار صاحب المدونة

بس الموضوع ده بيحتاج وقت طويل

ولو عملتى كده معايا هتحتاجى سنه علشان تخلصى مدوناتى اصلهم 5 علشان الحسد

على العموم اتمنا ترتاحى فى التدوين ويديكى شئ كان ناقصك يسعد

ان شاء الله

تحياتى

سلام

سمكه واحده يقول...

الله ينور عليكي يا دنيا هانم
فعلا الوحده غير الفراغ ممكن الانسان يبقي مشغول جدا جدا وحوليه ناس كتير بس حاسس انه لوحدك
عندك حق طبعاااااااااا
اولا احب اباركلك علي المدونه اللي ان شاء الله متأكده هتبقي جميله ومليانه مشاعر واحساسي وكلام كتير من القلب

ان شاء الله متحسيش باي وحده كمان عاوزه اقلك
تلت تربع المدونين عملوا مدونه بنفس طرقتك بظبط
اصحابهم قالولهم عليها كمان عارفه بتشغل وفقتك كله وتحسي بمشاعر جميله وانك فعلا وسط اهلك وناس بتحبك لله في الله من غير ما تشوفك او يكون بينهم اي مصلحه
وافضل حب هو الحب في الله
ربنا يسعدك ياستي ويجعلها وشها حلو عليكي
نورتينا ومستني منك الجديد
ياله بقي بلاش كسل متتأخريش علينا
سمكه جايه تقول عواف عليهم

ميمى واحمد يقول...

دنيا ..
برجاء قرااءة هذا الموضوع
شكرا

ميمى واحمد يقول...

ندعوك لقراءة موضوع للاهمية

شوكولاتة يقول...

أهلا أهلا بيكي ومنورة البلوجر يادنيا ويارب تلاقي سعادتك معانا بس خلي بالك إن ممكن التدوين يقلب حياتك فقد يكون أحيانا سلاحا مدمرا

إن شاء الله يادنيا تملي حياتك بالتدوين وتتكلمي عن كل اللي نفسك فيه

تحياتي

حاول تفتكرنى يقول...

اولا مبروك المدونة ، وأن شاء الله تكون صفحة بيضاء تترجم كل ما تريدي بصدق

ربما يشعر الأنسان بالوحدة حين يقرر انه وحيد

تحياتي

نوادر يقول...

على فكرة يادونيا مش انتى بس اللى حاسة بدة وضيفى علية كمان نسيان من اللى حوليكى ونكران لجميلك عليهم واهمالهم ليكى بس كلة بيعدى ولازم الدنيا تمر بس تفتكرى المدونة دى ممكن تحل محل كل اللى احنا بنحس بية دة ولا هايبقى سطرين بيتكتبوا وخلاص وعموما انا مش عايزة ابوظ فرحتك بالمدونة بتاعتك واقولك الف مبروك ويارب تحققلك اللى نفسك فية وتسد الفراغ اللى عندك وعندى وعند كل اللى زينا وشكرا

أحساس لسه حى...كلام من جوه روح لكل روح يقول...

خدى بالك

الفيديوا شغال

واكيد ناقص عندك برنامج خلاه ميشتغلش

بصراحه مش عارف اى برنامج

فلاش تقريبا او فلاش براير

او النت عندك فيه حاجه

بس الفيديوا حلو اوى وبيه معلومات مهمه

خواطر شابة يقول...

اهلا بك مدونة جديدة ولو أنني مثلك مازلت أحبو في هدا العالم دخلته من قبل رمضان الماضي لكن صراحة هدا العالم جميل دائما هناك جديد فرصة دائما للتعرف على أخرين على افكارهم وارائهم وفرصة للتعبير عن انفسنا ودواتنا ايضا
اتمنى لك التوفيق وفي انتظار جديدك تقبلي تحياتي

donya يقول...

احوال الهوي
-----------
اهلا بيك
اسعدتني كلماتك
فهي نصائح غاليه قيمه
اشكرك عليها
ويارب اكون علي مستوي كلماتك

*تحياتي

donya يقول...

مصطفي ريان
-----------
اهلا بك
شكرا علي كلماتك الصادقه جدا
وفعلا هعمل بنصيحتك ولكن اصبحنا واصبح الاصدقاء الحق قليلين جدا

شكرا لك

*تحياتي

donya يقول...

احساس لسه حي...كلام من جوه روح لكل روح
---------------------------------

اهلا بك
بالرغم ان عنوان مدونتك سطر بحاله
لكن عجبني
ان الانسان يكون احساسه لسه حي ويتكلم من روحه ويخاطب كل روح
ده انا بعتبره تفاؤل نادر في الوقت اللي انا عيشاه دلوقتي

وطبعا الخمس مدونات ولا حسد في منتهي الروعه
حاولت اتصفحهم كده علي الماشي لحد مااقدر اقراهم علي القاعد

وشكرا علي ترحيبك بي وكلامك

*تحياتي

donya يقول...

سمكه واحده
-----------
اهلا اهلا ومرحبا
بجد مدونتك دمها خفيف جدا

وشكرا علي كلامك وتشجيعك
وفعلا انك تحب انسان في الله من غير ماتشوفه كده من غير غرض شئ جميل فعلا


ربنا يديم الحب والصفاء في البلوجر كله

*تحياتي

donya يقول...

ميمي واحمد
----------
اهلا اهلا
انا فعلا رحت وعاقت كمان
هو انا اقدر اتأخر يافندم

*تحياتي

donya يقول...

شوكولاته
-------

اهلا بيكي انت ياشوكولاته

كلامك خوفني شويه يعني ايه ممكن يقلب حياتي
حياتي مقلوبه اصلا مش محتاجه التدوين يقلبها
ياريت توضحي وجهة نظرك

نورتيني

*تحياتي

donya يقول...

حاول تفتكرني
-------------
اهلا ومرحبا
شكرا علي الكلمات الصادقه جدا
وان شاء الله نتواصل

*تحياتي

donya يقول...

نوادر
------
ليه بس الكلام اليائس ده
ان شاء الله خير
وانا ابتديت احس خير مش عارفه ليه بالرغم ان الدنيا حواليا بتقول عكس كده

*تحياتي

donya يقول...

احساس لسه حي
---------------
نووووووووو
الفديو مش شغال عندي
وكمان عندي كل برامج تشغيل الفديوهات
مافيش برنامج ناقص انت اخر مره جربته امتي

عموما هروح اجرب تاني


شكرا علي اهتمامك

*تحياتي

donya يقول...

خواطر شابه
-----------
اهلا اهلا ومرحبا
شكرا علي الكلمات الجميله
وان شاء الله نتواصل كلنا معا
ونطلع كل اللي جوانا

نورتيني

*تحياتي

z!zOoOo يقول...

السلام عليكم

يارب تكوني بخير

اهلا بيكي في عالم بلوجرز الي هو جهازنا التنفسي الاحتياطي

اتبسط جدا لما قولتي إنك بتتابعي مدونات الناس وبتحاول تقري اكتر الي موجود فيها

لأن بجد فيه ناس من زمايلنا المدونين مدوناتهم ماشاء الله عليها

أما بالنسبه للبوست

الفراغ ده ليه حلول كتير

من اهمها إنك ماتسيبيش نفسك للفراغ ده

يعني إعملي اي حاجه تقتل الفراغ ده

يعني مثلا اعملي اي حاجه في بيتك تكون مفيده نضفي الاوضه بتاعتك ساعدي والدتك اقري كتاب او قرأن

ساعدي حد اشتركي في اعمال خيريه وتطوعيه

ثقفي نفسك .. اقعدي مع عيلتك

اي حاجه مفيدهتلاقي فيها إفاده هتقتل الفراغ ده

اما بالنسبه للوحده فده شيء تاني

حاولي تشوفي ايه سبب الوحده ديه

وياتري السبب ده من عندك ولا من عند الاخرين

بس الوحده والفراغ كلنا بنحسهم كتير

مبروك علينا إنضمامك لجمهور المدونين

وربنا ينفع بيكي وبينا الناس

وتبقي مدونتك من اكبر المدونات

معلش بقي علي الرغي

ربنا يوفقك

:)

تحياتي

شاب فقرى يقول...

وصل فى أمان الله فى تمام الساعة والتاريخ المدون أدناه الفقرى الكبير شاب فقرى

وقد أعجبه المدونة وحماس صاحبة المدونة

وترك تعليقا فى البوست التانى

داعيا وراجيا المولى تبارك وتعالى أن يوفقك يا دنيا يا بنت حوا وآدم ويخرجك من أى هم عايشة فيه


لكى منا كل التحية

شاب فقرى

اسماء واحلام فى وجدانى يقول...

المعادلة مش صعبة ولا حاجة
بس هو دايما فى حاجات بتبقى جوة الانسان الانسان نفسه مش بيقدر يعبر عنها ولو كان مين

حاجات تتحس وبس


النفس البشرية مازالت مبهمة للانسان نفسه

beautiful mind يقول...

اهلا بيكي يا دنيا
وان شاء الله تقدري تكسري وحدتك لما تدخلي العالم الجميل دا
وتتعرفي فيه علي ناس كتير
اكيد هتحبيهم وهيحبوكي
وانا يشرفني اني اكون مووجود هنا
تقبلي مني خالص التحيات

اسماء واحلام فى وجدانى يقول...

كلامك صح طبعا مليون فى المية
بس الشخص المذكور حقيقة او خيال فالاحساس دا حقيقى وهو يستاهل اكتر من كده كمان

توضيح بسيط مش عارف ممكن يكون حصل سوء تفاهم فى مضمون البوست

الموضوع ان الاحزان هى اللى تعبت منى وعايزة ترحل بعيد عنى من كتر حبى للشخص دا ولانها حست انه يستاهل وانى هافضل حزين دايما طول ما هو بعيد
لدرجة انها عايزة تدور عليه معايا




شوفتى الاحزان طيبة اد ايه

Tamer Nabil Moussa يقول...

تعرفى يادنيا

لما يكون الانسان وحيد حاسس بضعف او عندة ملل او مخنوق احسن حاجة ورق وقلم ويكتب على الورق اكيد هيحس براحة واللى يشغل وقتة فى حاجة مفيدة.

ولاننسى القرب من ربنا بينور طريق الانسان

مع خالص تحياتى

donya يقول...

z!zo0o0
---------
وعليكم السلام ورحمة الله وبركاته
و
اهلا وسهلا ومرحبا
شكرا علي الزياره الجميله
شكرا علي الاهتمام
شكرا علي النصايح الغاليه
ان شاء الله استفيد منها

وارغي براحتك
ماهو المفروض نرغي مع بعض

نورتني وان شاء الله نتواصل

*تحياتي

donya يقول...

شاب فقري
---------
تهنئه بسلامة الوصول
نزلت سهلا وحللت اهلا

نورت المدونه
وشكرا علي ترحيبك والدعاء
ان شاء الله خير
انا رحت البوست السابق مالاقيتش اي تعليق منك ولا انت تقصد عندك في مدونتك انا افتكرت في بوست الافتتاح بتاع بيرم

*تحياتي

donya يقول...

اسماء واحلام في وجداني
-----------------------
اهلا بيك انا رديت هناك في البوست
يعني البكاء فين.......
علي راي المثل

نورتني
واسعدني النقاش معك

تحياتي

donya يقول...

beautiful mind
---------------
اهلا وسهلا
نورتني بالزياره
والشرف لي ان تزرني
وان شاء الله ازور مدونتك

والحقيقه انا مبسوطه جدا ان انا دخلت العالم الخيالي الجميل ده


*تحياتي

donya يقول...

Tamer Nabil
------------
اهلا بيك
عندك حق الانسان لو فضفض باللي جواه وطلعه بيحس بالراحه فعلا
وذكرالله طبعا خير شئ للراحه والهدوء النفسي

تحياتي

الحسين محمود يقول...

دوووووووونييييييا

من تاني بوست بسم الله ما شاءالله ..

أقدر أقولك بالمعدل دهـ من الردود مش هتحسي بالوحدة أبداً ..

و أنا حطيت مدونتك في القائمة عندي

واحدة بواحدة بقى ..
D:

donya يقول...

الحسين محمود
-------------
اهلا اهلا بيك
نورت

ربنا يخليكم ليا وحدة ايه وانتوا منورين المدونه


*تحياتي