الأحد، 1 نوفمبر 2009

اوشو الهندي

اوشو ده مفكر من اصل هندي وقع في ايدي كلام عنه في بيت السلام بتاع مريم نور

لاقيته كلام جميل وكلام معقول مااقدرش اقول حاجه عنه

تعالوا نشوف كده بيقول ايه

غضَبٌ وَ حُبّ

من قال لك أن الغضب عيب؟

الغضب خفقة في القلب مثل الحب

الغضب هو الليل، والنهار هو الحب

من دون الغضب يذهب الحب

ومن دون الحب يذهب الغضب

بغياب نار الغضب يتجمد القلب..

فكيف يمكنه عندها أن يحب؟

المشكلة تبدأ عندما تغضب من غضبك

وكذلك عندما تتعلق بحبك ومحبوبك...

الغضب والحب رقصة بين عاشقين طائرين

أعلى من الفكرين المتفقين أو المتقاتلين...

وفي القلب دائماً متلاقيين...

ما أجمل الغضب عندما يخرج من قلب طفل

وهو أجمل بكثير من حب مزيف عند كهل

القلب الحي يخفق وبالحق ينطق

لا يهتم كثيراً بالمسايرة والمنطق

 

الفكر يعرف الانفعال كالغضب والحرب أو المسايرة و"الحب"

لكن القلب يعرف التجاوب الجريء بالرحمة، وهي أصل الحب

 

غضبك صديقي صار صادقاً أكثر من حبك

فلا تطفئ غضبك ولا تلطّفه.. بل راقبه

اجعله وسيلة ولا تكن في يده وسيلة...

تأمل هذا الشعور.. هذه الطاقة المنفجرة بغرور

هل يا ترى يمكن أن تتحول إلى سلام وسرور؟

الغضب مجرد موجة بحر عاتية وعالية

راقبها من بعيد وسوف تذوب لوحدها على رمل الشاطئ

الأمواج دائماً صعود وهبوط... والانفعالات في قلبك مثلها

فقط راقبها بلطافة... وستجدها فوراً ترقص مع بعضها

هل أنت غاضب الآن؟

في لحظة الغضب اصفع وجهك بدل وجه الآخر

وراقب ماذا يحصل....

ستصدم بهذا آلية الغضب عندك

وهكذا لن تسيطر عليك مجدداً...

هل راقبتَ أن الغضب هو حالة تعيشها أنت

وليست علاقة مرتبطة بالآخر؟

هل لاحظتَ أن الآخر مجرد عذر لكي تغضب؟

تأتي من المكتب غاضباً فتقفز على زوجتك وتضربها!

تذهب من البيت غاضباً فتفرغ الشحنة في زملائك...

إذا حللتَ حالات فكرك وانفعالاتك...

ستجد أنها تنتمي إليك، سواء كنتَ فرحاً أم حزين...

أنت تعيش في عالمك... وتسقطه على الآخرين...

الحب فعلاً يقتلك ويجعلك فارغاً...

فارغاً من الغيرة والمنافسة والغضب والغرور

فارغاً من كل هذه الفضلات... مليئاً بالسرور

 

كل السلبيات التي تسلبك من ذاتك كالغضب والغيره والطمع والاهواء......... تتشابه وتشترك في شيء واحد.... انك اذا استطعت مراقبتها ستبدأ بالاختفاء ... المراقبه كافيه, وغير مطلوب منك اي عناء.

 

*تحياتي

هناك 58 تعليقًا:

Sweet Violet يقول...

نحجز الاول
تالت بوست
و للمرة 3 اول تعليق
نيهاهاهاهاهاهاهاها

^_^

م/ الحسيني لزومي يقول...

من اجل
وطن آمن مستقر...حياة افضل.
من اجل
محاربة الفساد....مقاومة التزوير
من اجل
ان تكون مقدرات هذا الوطن بأيدينا
شارك في الحملة الشعبيه للقيد بالجداول الانتخابية
ضع شعار الحملة علي مدونتك
عذرا علي عدم التعليق علي البوست

خواطر شابة يقول...

تحياتي لك
شكرا على الموضوع معك حق الغضب شعور انساني طبيعي لكن علينا ان لاننساق وراءه وأن نتحكم فيه فكم من مهالك وقع فيها الانسان بسبب الغضب
تمنياتي لك بيوم سعيد

غير معرف يقول...

حلو الموضوع ده

فعلا الحب بيسمو بينا فوق كل المشكلات والانفعالات السيئه

تحياتي

الشعب لابد له من حكومه تشكمه يقول...

اوشو؟؟؟؟؟؟؟؟؟؟؟؟
دا اسم الدلع بتاعى هو واوشى..
طلع هندى:)

Cute Kitty **sookra يقول...

دنيا
كلام جميل وكلام معقول مقدرش اقول حاجه عنه
تسلمى على النقل الرائع


الغضب ياسيدتى نار تأكل كل اخضر ويابس
وصدق الرسول الكريم حين قال"القوى من يملك نفسه عند الغضب"
وانا ابقى اضعف الكائنات فى الموضوع دا
تحياتى

اسماء واحلام فى وجدانى يقول...

دائما وانا ارى الغضب يرتدى رداءه الاسود اما انتى فجعلتيه بثوب ابيض

اسماء واحلام فى وجدانى يقول...

كلامك عن الحزن واضح ومنطقى اوى
بس للاسف وضعه معايا مختلف شوية
مش يمكن الحبيب اللى مشى ده يكون غصب عنه ومش بايده انه يفضل موجود
او يمكن انا اللى اتسببت فى انه يبعد عنى وممكن تقولى تمسكى بالاحزان لانى عايز اعاقب نفسى فى احتمالات كتير اوى لحزنى على فراق الاحزان بس طبعا مهما قلت فانا لازم اقول كلام منطقى عشان تقتنعى به
لكن اللى عايز اقوله انه احساس عابر مش اكتر بشخص ما ، يمكن اكون انا او غيرى بس احساسى بالكلام حقيقى على اد ما تقدرى توصلى ،

Sweet Violet يقول...

انا جيييييييييييييييت
معلش حجزت اول تعليق و جيت اعلق جالى مشوار ضرورى و نزلت
v_v

المهم بقى نيجى عند الاستاذ الغضب
عارفة رغم معرفتى ان الغضب بيضر الانسان الغاضب اكتر من انه بيضر اللى كان سبب الغضب الا ان مافيش فايدة فيا
v_v

Unknown يقول...

جميل الكلام
----------
نصيحة من اخ
اعتقد انه اكبر منك
حسب توقعى لسنك الصغير

حاولى متلفيش فى مدونات كثير
و اخرجى للحياة ده افضل
و المدونات يبقى ليها وقتها معين
عشان الإنترنت بصفة عامة
مخاطره كثيرة و صعبة
و انا واحد من اللى عانوا بسببه
و دلوقتى بعيد توازن حياتى
----
سلام

الحسين محمود يقول...

قال رسول الله صلى الله عليه وسلم : "ليس الشديد بالصرعة ، إنما الشديد الذي يملك نفسه عند الغضب ."

فعلاً التحكم في مشاعر مثل الغضب و الغيرة و غيرهم صعب ولكن ما أن يفعل ذلك حتى يشعر بقوة تتملكه .. تعطيه نوع خاص من الطمأنينة ...

أوشو ده راجل لذيذ..

هو دهـ أسمه الحقيقي ولا الدلع بتاع ؟؟
:D

islam يقول...

اهلا وسهلا بيكى فى عالم المدونات

عاشق الجنة من الإخوان صلى على النبى يقول...

هو الحب أجمل حاجة في الدنيا طبعاً
بس انا مش معاكي إن الغضب قرين الحب
في انتظار تشريفكم لنا بالزيارة
صلي علي النبي

donya يقول...

Sweet Violet
--------------
البوست والمدونه تحت امرك

نورتي

*تحياتي

donya يقول...

خواطر شابه
-----------
اهلا بيكي
الغضب لايجلب لصاحبه غير الهم
وتجنب الناس له

*تحياتي

donya يقول...

فتاة من الصعيد
---------------
اهلا بيكي
الحمد لله ان الموضوع عجبك

المفروض ان الحب يسمو فعلا
بس للأسف مش مع كل الناس


*تحياتي

donya يقول...

الشعب لابد له من حكومه تشكمه
---------------------------
اهلا بيكي
شفتي بقي علشان تعرفي ان اسم الدلع بتاعك انترناشيونال
وبم انه طلع اسم دلع هندي
هاتي فيل بقي
هههههههه


*تحياتي

donya يقول...

Saso
------
اهلا بيكي

اهم حاجه ان الانسان يعرف العيب اللي فيه انا كمان لما بغضب بكون غريبه
لكن مابغضبش بسرعه
علشان كده لما بيحصل بيكون صعب

*تحياتي

donya يقول...

اسماء واحلام فى وجدانى
------------------------اهلا بيك
بصراحه مش انا اللي جعلته اوشو هو اللي جعله بس عارف اقتنعت بكلامه جدا

بالنسبه للحزن
الاحساس بالحزن او اي مشاعر اخري بتختلف من انسان للتاني بيتحكم في الاختلاف ده عوامل كتير زي التجربه مثلا اللي مر بيها الشخص وعوامل تانيع كتير مش هينفع الكلام عليها في تعليق
دي عايزه بوست لوحدها

والفراق فراق مهما كانت الاسباب
يعني
تعددت الاسباب والموت واحد ياصديقي
في النهايه فراق وعذاب وخلاص

*تحياتي

donya يقول...

Sweet Violet
--------------
اهلا بيكي
اناكمان قلت ايه الموضوع راحت فين

الغضب بيضر الاتنين صحيح
لكن كان اعتقادي ان اظهار الغضب بيريح صاحبه

لكن اتضح ان في ناس حتي اظار الغضب سوري خساره فيهم التجاهل لهم افضل

*تحياتي

اسماء واحلام فى وجدانى يقول...

والفراق فراق مهما كانت الاسباب
يعني
تعددت الاسباب والموت واحد ياصديقي
في النهايه فراق وعذاب وخلاص

انتى قلتى بنفسك اهو

وقلتى كمان انه عايز بوست لوحده
من اسمى المشاعر الانسانية رغم قسوتها هى الحزن لانه بيقدر يخلى القلب يحس اكتر باللى حواليه ويقدر يحس بشخص حتى لو بعيد عنه

donya يقول...

بدراوي
-------
اهلا بيك
حاولت زيارة مدونتك لاقيتها غير متاحه خير ان شاء الله

بالنسبه للف علي المدونات
انا بلف شويه واقرا شويه واتفرج علي التليفزيون شويه حيث اني في الفتره دي الازم الفراش لدواعي صحيه
وان شاء الله لما ارجع للخروج تاني طبعا هخصص وقت للمدونه والبلوجر

شكرا علي النصيحه الغاليه

*تحياتي

donya يقول...

الحسين محمود
------------اهلا بيك

الحديث جميل لكن كم من احاديث للنبي الكريم لايعمل بها

لا اوشو ده اسمه حاولت اعرف معناه ماعرفتش خالص
هههههههه

*تحياتي

donya يقول...

islam
-------
اهلا وسهلا ومرحبا
وشكرا علي الزياره والترحيب


*تحياتي

اسماء واحلام فى وجدانى يقول...

مادام الحزن اتوجد يبقى مفيش مكان اكيد للامل لانهم طبيعتين فى الانسان غير متوافقان بالمرة

وشىء طبيعى مادام كتبت عن الحزن يبقى لازم اقتل الامل
معادلة صعبة شوية

donya يقول...

عاشق الجنة من الإخوان صلى على النبى
-----------------------------------
اهلا بيك

البوست مش انا اللي كتباه
حتي تختلف معي
انا اعرضه بكل امانه

حتي نتبادل مانقراء
ونتبادل الافكار ونتناقش فيها ربمانخرج بفكر نتفق عليه

*تحياتي

donya يقول...

اسماء واحلام فى وجدانى
-------------------------
اهلا بيك
انا قلت ايه بس انا قلت كل خير

ان الفراق فراق بيجلب الحزن
والحزن شئ سئ
انت اللي قلت ان الحزن طيب

وهو يعني القلب لازم يحزن علشان يحس باللي حواليه
ماينفعش يكون قلب سعيد او حتي مستقر او حساس
وبرضه يحس باللي حواليه


والانسان الحزين اكيد مابيبقاش عنده امل
الامل والحزن مابيجتمعوش خالص مع بعض
لكن الانسان المحارب للحزن الامل عنده بيطرد الحزن شر طرده

*تحياتي

اسماء واحلام فى وجدانى يقول...

مش شرط انى اكون عايش الحالة دى من الحزن ممكن اوى تكون خاطرة عابرة

بس اكيد كلامك مفيد وبيوضحلى خبايا للحزن مش واخد بالى منها

donya يقول...

اسماء واحلام فى وجدانى
-----------------------
اكيد طبعا كلامك صح
والا كان نزار عاش كل القصص دي وده مستحيل طبعا منطقيا

والا كان احسان عبد القدوس واحده ست لما كان هو اصدق من كتب عن مشاعر المراه

الموهبه ان الانسان الموهوب بيتفاعل مع حاله ويكتب عنها ممكن يكون فيلم اتفرج عليه او قصه قراها او حكايه سمعها
مش شرط يكون هو اللي عاش التجربه بنفسه
ولو ان يبقي اصدق الشعر التجربه الشخصيه

بس هو ورث من زمان من ايام الشعر الجاهلي اللي اخدناه في الثانوي
ان الشاعر لما يكتب عن الحب يبقي لازمن ولابدن يكون هو الحبيب

*تحياتي

صوت من مصر يقول...

هو الراجل ده عرف يكتب عربى ازاى

donya يقول...

صوت من مصر
-----------
اهلا اهلا منوررررررر

اكيد مترجم طبعا
زي ما كل رباعيات الخيام مترجمه
الووووووووووو ياهندزه


المهم الكلام اللي الراجل ده قاله اخباره ايه معاك

الفكر اللي طرحه عمل فيك ايه
رأيك الشخصي

*تحياتي

Unknown يقول...

سلامتك ألف سلامة
ازاى مش متاحة
ياريت تفهمينى
لأن معظم الناس بيخشوا عليها
و انا كمان بخش عليها لما ببقى مش عامل
log in

مواطن مصري يقول...

الغضب والحب رقصة بين عاشقين طائرين
أعلى من الفكرين المتفقين أو المتقاتلين...
وفي القلب دائماً متلاقيين...


اييية حكم

انا اضافتك و بعتلك

dr.lecter يقول...

مش كل الناس تقدر تعمل كده عاوزه اراده قويه

الحب زي مابيقتل الحاجات الوحشه ساعات لما بيتحول مجراه لمكان تاني بيربي حاجات اوحش

donya يقول...

بدراوي
-------
الله يسلمك
لا بجد كل مااحاول ادخل المدونه بلاقي لوحة غير متاح للزوار

اكيد في حاجه غلط

*تحياتي

donya يقول...

مواطن مصري
------------اهلا بيك
اول مره اعرف موضوع الرقصه ده
بس عجبني فعلا
وعايزه اشكرك جدا

*تحياتي

donya يقول...

dr.lecter
-----------
اهلا بيك
الحب لما بيجب بيصالحك علي الدنيا
ولما الطرف التاني بيخزلك
مش بس بتخاصم الدنيا لا انت بتخاصم حتي نفسك وطبعا نفسك دي تشمل قلبك روحك كل الخلطه بتاعت العجينه السحريه اللي انت مخلوق منها

*تحياتي

اسماء واحلام فى وجدانى يقول...

لازمن ولابد

جميلة اوى الجملة دى
بس هو فعلا لازمن ولابد وبعدين اصلا مفيش حد بيمر بفترة معينة الا ويكون بيحب فيها حتى لو حب خيالى من طرف واحد بس هيعيشه يعنى مفيش حد بيكتب اى حاجة من فراغ

اما عن نزار فهو فعلا كان عاشق بكل لغات العشق وربما ما نسمعه عنه يكون حقيقة والله اعلم

اما احسان فقربه من امه هو من جعله يكتب عن المراة بهذا الشكل
امه روز اليوسف

donya يقول...

اسماء واحلام فى وجدانى
------------------------
اهلا اهلا يامرحب

طبعا مافيش حد بيكتب حاجه من فراغ
لكن مش كل التجارب دي يعني كده نزار وغيره من الشعراء مابيعملوش حاجه غير انهم يحبوا ويهجروا ويتهجروا واللي بعده واللي بعده

اما احسان مهما كان قربه من امه برضه مايكتبش كل هذه التجارب والمشاعر المتضاربه عند المراه

وخصوصا انها ماكنتش قعده معاه ليل ونهار كانت برضه مشغوله بالمسرح والمجله ومعاركها

نورت

*تحياتي

Unknown يقول...

قصدك البروفيل
لما تضغطى على اسمى فى اللينك
ده بروفيلى غير متاح للزوار
و ده غير المدونة
المدونة متاحة روحى جربى
و حطى تعليق كمان عشان بس اشوف
لو فيه مشكلة
ماشى

اسماء واحلام فى وجدانى يقول...

العلاقة بين الام وابنها او بنتها

الام عموما يعنى بتكون بينهم علاقة داخلية محسوسة اوى وملموسة بردوا اوى وبعدين هى كانت كل حاجة بالنسبة له وهى الاثر اللى خلاه كده
على ما فى اعتقادى
وكمان انا سمعت حكاية والدته اكتر من مرة من خلال كذا برنامج ،، انا مش بايد كلامى بالبرامج لكن فعلا اى ابن بيكون قريب من والداته بتحسى ساعات انه بيميل فى احساسه وممكن تحسيه انه منك بجد
اصل اكيد فى شىء فى حياته هو اللى عمل فيه كده طبعا الله اعلم بيها

والكلام ده كله بمضمونه مجرد وجهة نظر خاصة بيا يعنى مش امر مسلم به طبعا


حاجة كمان نجيب محفوظ كانت اجمل جلساته مع امه واصدقائها ياما قعد وسمع وكتب من سن 11 سنة الى ان توفها الله

الام بتاثر يااااااااااا دنيا

donya يقول...

بدراوي
------
اخيرا اخيرا
قدرت ادخل المدونه وسبت تعليق

فعلا انا دخلت من القايمه الجانبيه عندي
شكرا ليك

تحياتي

donya يقول...

اسماء واحلام فى وجدانى
------------------------
مساء الخير
طبعا العلاقه بين الابناء سواء بنات او صبيان مهمه جدا
الام هي اول مدرسه الابناء بيتعلموا فيها ومنها كل حاجه
والخمس سنين الاولي من حياة الانسان همه اهم مرحله اللي بتشكل شخصية الانسان
وبالتالي لما بيتقال ان الام مدرسه مش غلط
لو تم اعداد البنت جيدا وتم تربيتها جيدا
هيطلع جيل علي راي عادل امام زي الفل

يعني الرسول لما قال ان اللي يربي بناته كويس وفي طاعة الله يدخل الجنه ده تحفيز وتأكيد علي دور البنت لما تكبر في المجتمع المسلم

*تحياتي

الكلمة نور يقول...

يانهار ابيض مين ده؟
دا جبار
مفترى
قادر

Unknown يقول...

فلا تطفئ غضبك ولا تلطّفه
.. بل راقبه
اجعله وسيلة
ولا تكن في يده وسيلة
........
عجبنى أوى اوى
السطرين دول
فعلاً اغضب فى أعتدل
وأجعله حافزاً لك للتقدم
كــــــــلام جميــــــــــــــل

donya يقول...

الكلمه نور
------------
اهلا اهلا
مين ده اللي قادر وجبار ومفتري!!!؟؟؟
هههههه


*تحياتي

donya يقول...

norahaty
----------
اهلا اهلا ومرحبا
اهلا بيكي يادكتوره

كنت هزعل لو ماجيتيش وشوفتي البوست

وكنت هروح واندهلك


كلام جميل لكن عايز قوة اعصاب ودي مافيش اصلا وقوة اراده ودي كمان راحت مع اللي راحوا

لكن هنحاول
حضرتك لو دخلتي علي بيت السلام بتاع مريم نور هتلاقي حاجات جميله وغريبه جداهناك

*تحياتي

Unknown يقول...

مريم نور!
اللى بتيجى
فى تليفزيون
لبنان وكدهـ؟
طيب ممكن الرابط
او اسم الموقع ؟
_____________
ولمّا يبقى فى تدوينة
جديدة اندهيلى وانا
اجى جررررررررررى
ومعلش للتـأخير
لان النت الايام
اللى فاتت كان
بعافية شوية !
لأ شووووووويات:)

donya يقول...

norahaty
-----------
من عينيه
حضرتك لو كتبتي مريم نور بالعربي او الانجليزي ودوستي بحث
هتلاقي كل حاجه
ده بير مريم نور عامله بير مالوش
قرار
حاجات ممكن تتفق مع العقل وحاجات
لما تقريها لأول مره تتخضي لكن بعد
شويه تلاقي بعضها منطقي
وده الينك
http://www.mariamnour.com

تحياتي

يساري نوبي يقول...

فلا تطفئ غضبك ولا تلطّفه.. بل راقبه

اجعله وسيلة ولا تكن في يده وسيلة

اجمل حاجه ف كلام الرجل المجنون دا
شكرا ع كلام المجانين الجامد جدا دا

يساري نوبي يقول...

علي فكرة رديت عليكي ع موضوع الشيوعين الكفار علي المدونه هناك
شكرا لاهتمامك

donya يقول...

يساري نوبي
----------
اهلا بيك

مجنون حته واحده
ده حتي المجانين دول اجدع ناس
حد طايل يبقي مجنون رسمي في الزمن ده

واديني بعمل بالمثل القائل
خدو الحكمه من افواه المجانين

نورت

وشكرا علي ردك في جرنال مصر

*تحياتي

يساري نوبي يقول...

هو رسمي صعب
بس عامة ماحدش بقا عاقل اليومين دول....الناس ماشيه بتكلم روحها ف الشارع
و انا واحد منهم بامانه ساعات و انا ماشي ف الشارع بكتشف اني كنت بكلم نفسي بقالي 5 دقايق
بحاول اخد شهاده رسميه بالجنان عشان بعد كدا اقول علي نفسي عبقري بس لاسف مش عارف...بقيت مجنون و بس

micheal يقول...

حتصدقيني لو قلتلك أن ده أجمل بوست قرأته من فترة
بجد يسلم لسانك يا أوشو
أنا حقتبس بعض من كلام أوشو بعد إذنك وأحطه عندي ع الفيس بوك
:)
تحياتي

donya يقول...

يساري نوبي
************
اهلا اهلا
هو حد طايل يبقي مجنون

مش مهم رسمي والا لا
المهم اللقب علشان الناس تكبر معاك
ومايدوشوش دماغك بجدلهم العقيم
جدل بس للجدل

تحياتي

donya يقول...

micheal
************

اهلا بيك
معقول سيادة العميد بيستأذن المدونه واللي فيها تحت امر سعادتك
ولو دخلت علي جوجل وكتبت بيت السلام او بيت الله او مريم نور او اوشو هتخبط في الاخ اوشو علي طول كده

ولسه ده انتم هتشوفوا ايام علي ايدي بسبب اوشو ده
ربنا يعينكم بقي
هههههههه



*تحياتي

نوادر يقول...

جميلة جدأ فعلا يادونيا انت فعلا حسرتى كل انواع الغضب لكن نسيتى غضب مهم اوى مثل غضب المكتوم للمرأة سواء كانت بنت او ست لاانها فى الحلتين لا تملك من امرها شىء وبتعتبر الجناح المكسور فى المجتمع المريض فأنها تسلم من الاب الى الزوج الذى يمارس عليها عقدة وعقد تربيتة
واعتقد ان الغضب دة اصعب غضب ممكن يمر بة الانسان لانه عندما يحدث يكون كارثة محققة نتيجة الظلم الواقع عليها والقهر المستمر لها والذى ينتج عن الانفجار .
والذى لم يزكرة كثير من المجتمع ان اصلاح احوال المرأة هو اصلاح للمجتمع كلةسواء فى البيت والاولاد والزوج فى الداخل او اصلاح فى العمل والزملاء فى الخارج ،واللهم اصلح احوال المسلمين جميعا

غير معرف يقول...

ما بعرف انتو شو معتقدكن بس أنا مسلمة وأفتخر بتعاليم الرسول الذي أتبعه والذي يحذر من الغضب ومن تبعاته، كلنا طبعاً نغضب لكن الغضب من الشيطان ويجب تجنبه بشتى الوسائل ولن يستطيع 10000 متل هذا اللي ما بعرف ىشو بتسموه رح يخليني غيّر من هذا المعتقد :P :P
:P