الخميس، 12 نوفمبر 2009

الحب عند اوشو

ازيكم وحشتوني معلش انا كنت تعبانه وكمان ماكنش في نت وبشكر المدونين اللي سألوا عليا ورديت علي تعليقاتكم في البوست اللي فات

و طبعا انا قولت فى البوست اللى فات اننا هنشوف رأى الاخ اوشو عن الحب .. و لان الموضوع طويل فأنا هنزله على جزأين .. و دلوقتى تعالوا نشوف قال ايه عن الحب

images

الحب منحنا الحرية من كل ارتباط .. فعندما تحب تكون في وفاق و اتفاق مع كل ما حولك .. ترتبط به ارتباطا دون ان تربط . و لكن ارتباطنا بالحب صار انحطاط ...فالمرأة تحط من شأن الحب عندما تقيد حبها للرجل و كذلك الرجل على حد سواء...

الحرية في الحب ما بين المرأة و الرجل أصبحت عبودية...فالحب تاج يتوج المرأة و الرجل في كيان واحد ..و يجعل منك و مع من و ما تحب كيانا واحدا... فالحب توحيد يوحدك في إطار واحد.. و سنرى معا كيف للحب أن يسمو بنا في علاقاتنا , و عند الجنس و كذلك في نمونا الروحي..و كيف لنا أن نتجاوز الجنس تجاوزا تأمليا ..برؤية مقدسة لا مدنسة.

 نعم فالحب يمنحنا حرية لا نتقيد بها تحت أي عبودية ، يوحدنا و لا يجردنا يربطنا مع كل ما نحب دون أي رابط .. توحيد دون أي تقييد .. و كذلك الأديان رأت في الحب الرابط الوحيد للتوحيد.. الحب يربطنا بكل شيء دون أي رابط و ارتباط .. و لكن يتوجب علينا تفهم ماهية الارتباط..

 لماذا نتعلق بالأشياء لدرجة الانحطاط ؟؟

فتعلقنا بالأشياء هو نتيجة لشعورنا بالخوف من فقدان هذا الشيء..اما خوفا من أن يسرق أو أن يعدم و ينعدم لاحقا.. أو غدا.

و هل يمكن لأحد بأن يثق في الغد ؟؟

الحب ما بين الرجل و المرأة على حد سواء إما أن يوحد أو أن يشتت .. قد يغرب و قد يقرب.بالتوحيد مع الحب لا يصبح هناك أي فاصل بين المحبين .. الأجساد تبقى في طي التعداد و لكن قلوبهم أصبحت قالبا و قلبا واحدا توحد تحت شعار الحب .. و قلب المحب يرى فيمن يحب ذاته .. و نشوة الحب هو كالغيمة التي تظل المحبين بظلها...و لا يبقى هناك أي أجساد أو أبعاد بل فناء في الحب و إحياء بالحب..و بذلك الفناء لن تتقيد تحت أي غطاء .

عندما تتوحد مع الحب يزدهر حينها و يسمو بك دون أن يقيدك..و تتلاشى كل مخاوفك من الغد.. و لن يكون هناك أي ارتباط و لا تعلق زواج و لا أي عقد و إنما ستعلو بحرية تسمو بك عن العبودية...

 و لكن كيف للحب بان يعلو و يسمو بنا و نحن نهينه .. و نغلفه بقوانين.. نعدمه و لا ندعمه... كيف للحب بان يكون في أوراق رسمية موسمية تتبدل في كل موسم .. فهذه جريمة في حق الحب لا يمكن أن تغفر .. لا يمكن وضع الحب تحت أي قانون فالحب قانون في حد ذاته..

و القانون لأولئك الذين لا يعرفون كيف يحبون.. و القانون ليس الا ستار تستر يجلب التوتر .. فالقانون لمن لا يتناغم مع قلبه و إنما مع عقله.. و مثل هذه القيمة العظيمة التي يجب أن تفهم بعمق و ليس على السطح ... لا ثقافيا و لا عاطفيا ..

الحب هو الحرية الوحيدة الذي حررنا من كل ارتباط.. لأنه عند الحب تحيا و تحيي الحب و لا شيء عدا الحب.. و كل لحظة تحمل في طيها حبا عظيما قد يكون في .. رقصة , مجدا أو أغاني تتجدد و تتواجد مع كل لحظة في الحب .. و حتى إذا كان المحبين ليس على اتفاق و وفاق و تفرقوا حتى لا يكون هناك نفاق ..

فالحب يسمو و يعلو دائما كما هو.. الحب ليس له أي ارتباطات لأنه الحب ليس تنازلا و إنزالا للكرامة... بل الحب هو الاحترام و الشرف ذاته. و لكن كل زيجات الزواج كقطرات من الندى.. بينما الحب هو كالنهر يتدفق و ينهر حبا.. و لكن الحب في يومنا هذا ليس قادرا على ارواء عطش أي شخص.. فهو كالقطرات مقارنة بما هو عليه محيط الحب...

و الحب بهجة و فرح يملئ الوجود و لا يدعوا بعض الأفراد للاحتفال به و إنما الحب هو رقصة الوجود من نجوم, زهور و طيور و العالم أجمع صديق صادق و متصادق مع هذا الحب.

و ما أن تتفهم الحب فلن يكون هناك أي رابط أو ارتباط.. و سيكون هناك عالما مختلفا كليا و ستتعايش فيه الحرية بحرية .. فقط إذا تفهم الإنسان بأنه مهما كان كبير فهو لا يزال .. كالطفل الذي يلعب على الشاطئ و يجمع الأصداف و الأحجار و يتمتع بكل ما هو صغير في الحياة... و عندها سيصبح العالم عالما منعما بنوعية خاصة من الجمال يحمل لمعانا و بريقا يتعاظم في كل قلب يحترق حبا.. فنيران الحب تنمو مثل الأشجار.. و نيران الحب تجلب الزهور و الثمار كما تجلبها الأشجار….

و ده كان الجزء الاول من كلام اوشو عن الحب اللى انا شخصيا بختلف معاه فى بعض النقاط  .. يلا بقى اراكم فى الجزء التانى على خير و اروح انا اشوف ايه جديدكم

*تحياتى

 

                                                                 

هناك 80 تعليقًا:

Sweet Violet يقول...

اوووووووووووووووول تعليق
نيهاهاهاهاهاهاهاها
^_^

ميمى واحمد يقول...

ايه الغيبة دى كلها

كده بردوا احسان عبد القدوس زعل منك


احمد بس جاى فى هيئة تانية


فى عيد ميلاد زواج نوارة عايزنكم تحتفلوا معانا

Unknown يقول...

ههههههههههه
الحب ده توريطه
اساساً
و اوشو ده فايق و رايق
و بيقول الحب يحررك من اى ارتباط
ده باين عليكوه سايكوه

Sweet Violet يقول...

أولا حمدلله على السلامة ليك و للنت
^_^

نيجى بقى للأستاذ اوشو
اللى بيتكلم عن الحب
و كلامه اللى خلانى ابعت رساله لابو العيال عبارة عن كلمه بحبك بس
و الصراحة ماكدبش خبر اتصل على طووول يقولى مالك يا ام العيال انتى عيانة !!!
ايوة ماهو يادنيتى دلوقتى اللى يحب بطريقة اوشو يااما يكون عيان او مجنون او عايش فى الاحلام
لان دلوقتى كلمه بحبك لما تتقال لازمن ولا بدن يكون فى مناسبة
امال ايه ده حتى بيقولوا الحب من غير سبب خطر على العقل
^_^

اممممممممممممم
انا اتفق معاه فى جزء ان الحب يحرر من اى ارتباط
لكن
لما يكون الانسان نفسه يقدر يتحمل مسؤولية الحب
لان الحب مسؤولية اكبر من كونه حرية الحرية زى ما اوشو بقول

بس سؤال بقى هو اوشو عدو الزواج ولا حاجة ؟؟

ليس فقيرا من يحب يقول...

الواد اوشو ده اهبل

هههههههههههههههههههههههههههه

ربنا يسعدك يا جميل

اوعى اوشو يأثر على تفكيرك ههههههههه

فى حفظ الله

نوادر يقول...

انت يادندونة ديما بتكلمينا عن مواضيع مهمة جدا بانسبالنا لكن اوشو اجهل حاجة مهمة جدا ان احنا مش فى زمن الحب الافلاطونى احنا فى زمن الواقع المرير اللى فية الحب عبارة عن اشياء حسية ومادية وغير ادامية كمان وعلى فكرة انا مش بتكلم من ناحية الراجل وبس لا انا بتكلم من ناحية الست كمان مبقاش الحب لة قدسيتة زى الاول لكن بقة وسيلة لاشياء كثيرة تحقق المصالح لاحدى الطرفين وبس واتمنى من الله ان يخرجنا منها على خير

زهور الامل يقول...

اولا حمدالله على السلامة
وانا سعيدة اوي بزيارتك ليا وبرضو بزيارتي ليكي


ثانيا ايه حكاية الحب اليومين دول
الكل عمال يتكلم عن الحب

هي طفرة ولا ايه

بس تعرفي اوشو ده انا متفقة معاه في معظم كلامه ويمكن كل كلامه

تحياتي

يساري نوبي يقول...

احنا مش قبل كدا قلنا الرجل دا مجنون و مايحدش يسمع كلامه عشان هايجننا و احنا اصلا مش ناقصين...اكيد كلامه دا هو اللي تعبك و قطع النت عندك
الف سلامه عليكي و يارب التعب يروح من عندك و يدخل ف اوشو

سجود يقول...

حمدا لله علي سلامتك
وبرده علي سلامه النت
واتمني مش تغيبي تاااااااااااااني

Dr. Ibrahim يقول...

الحب تناسب نفوس وطبائع واخلاق والحب يعتبر سر من اسرار رحمة الله..
ولكن ليس الحب الذى نراه هذه الأيام!!

Cute Kitty **sookra يقول...

قلت امسى واجى تانى اعلق بالتفصيل بعد مااقراه بتمعن كدا

micheal يقول...

عليا النعمة الراجل ده بيقول كلام زي الفل
:)
~أنتي جبتيه منين
هل له كتب؟؟
بتكلم جد
:)
خيش معايا بشكل غير عادي
:)
هاتيلنا تاني
تحياتي

أحمد الصعيدي يقول...

يا سيدتي

الحب سم لذيذ يموت به كل من يحرص علي بقائه

أسعدك الله
السلام عليكم

وردشان smilyrose يقول...

السلام عليكم

ما احلاه حبا

ليتنى احيا فى زمنه

لكى انقذ بقايا قلب تحطم

فى زمن فقد الحب معانيه

اسماء واحلام فى وجدانى يقول...

حمدلله على سلامتك يا دنيا


و لكن الحب في يومنا هذا ليس قادرا على ارواء عطش أي شخص

ده بيناقض نفسه ولا ايه

الحرفين دول ح ب


عايزين مجلدات وبردوا محدش يقدر يوصل لمعانيهم الصح

غير معرف يقول...

دماغ اوشو ده

بجد كلماته جميله .... بس فيلسوف زياده :)

تحياتي

طوبه فضه وطوبه دهب يقول...

هو تعبير جميل ولكنه ليس دقيق فى بعض النقاط اللى بيبعده فيها عن الدين اللى سما بالروح وقدس العلاقه بالزواج فهو يرى الحب شىء والزواج شىء اخر ولكنهم فى النهايه طريق لنهايه واحده بشكل مقنن ومحترم ماعدا ذلك فانا اوافقه فى كل معانى الحب التى قالها ووصفها لكى تحياتى وسلمى لنا على اوشو

Tamer Moghazy يقول...

بصي يا ستي ببساطةكل الناس (بتحاول) تفهم معنى الحب..لكن هو موش بيتفهم..بيتحس وبس
زديما واحد بيحب التاني اكتر..وواحد بيتظلم اكتر.
انا عندي حكمة من تاليفي بتقول:
فيه ناس بتحب تحب...اكتر ما تحب تتحب..
وناس تحب تتحب...اكتر ما تحب تحب..
فهمتي حاجة..؟
;)

مدحت محمد يقول...

الحب يسلب لايعطى

miroooo يقول...

السلام عليكم
البوست جميل اوى يا دندونه بجد الحب ده اجمل شىء فى الدنيا كلها بيعطى معنى للحياه واسالى مجربه هههههههههه بس الراجل ده اللى اسمه اوشو بيخرف شويه هو شايف ان الحب حاجه والجواز حاجه تانيه خالص وده مش صح مفيش مانع يكون حب وبعدين يتوج بالزواج لكن اللى هو بيقول عليه ده مش تمام خالص مستنيه الجزء التانى دمتى بكل الخير

donya يقول...

Sweet Violet
-------------
اهلا بيكي دايما منوره اول تعليق
منوره من غير نيهاهاهاهاهاها المرعبه اوي دي
ههههههههههههههههه

تحياتي

donya يقول...

ميمي واحمد
----------
اهلا اهلا ياحمد
شكرا علي السؤال
انا مااقدرش ازعل احسان عبد القدوس خالص مني
انا رحت هناك عند نواره مالقيتش احتفال خالص والا انا رحت متأخرده
مش عارفه

تحياتي

donya يقول...

بدراوي
------
براوي عندنا يامرحبا يامرحبا
ماله اوشو
فايق ورايق وماله اهو في حد فايق ورايق بيكتب لنا كلام نقراه يانتفق يانختلف معاه
الراجل حبيب ودي وجهة نظره
وطبعا انا معاك ان الحب ساعات كتير بيبقي توريطه وكارثه عظمي
ربنا ينجيك منه ياخويا
قول امين
ماسمعتش قولها من قلبك
ايوه كده
*تحياتي

donya يقول...

Sweet Violet
-------------
الله يسلمك

(دلوقتى اللى يحب بطريقة اوشو يااما يكون عيان او مجنون او عايش فى الاحلام)

كلام زي الفل ياسوستي ونبي

واضح انك مافهمتيش حتت الزواج دي
هو مش ضد الزواج ولكن هو معترض ان الزواج يكون هو التعبير عن الحب وبعد كده بعد الزواج مايكنش في حب
بيقول ان الحب اكبر من الورقه
يعني بالبلدي كده مايبقاش الانسان بعد الزواج يحس انه خلاص دي النهايه لا المفروض انه يدوم وان الزواج يحرر الحب ده من محبسه فيكون اكبر واعمق اقري الحته دي تاني

نورتيني
*تحياتي

donya يقول...

ليس فقيرا من يحب
-----------------
اهلا اهلا
ليه بس اهبل ليه الراجل بيقول كلام زي الفل
وماتخفوش عليا والا عشرين زي اوشو يأثروا علي عقلي والا قلبي
علشان انا اصلا مش عارفه ااثر عليهم
هههههههههههه

تحياتي

donya يقول...

نوادر
--------
اهلا اهلا
جااااااااااااااااااااااااااااااامده
جداااااااااااا

هو ده الكلالالالالالالالالالالام اللي زي الفل

مش اوشو

الحب بقي سلعه ومين يضحك علي التاني اكتر وهيحقق ايه من وراه اكتر
متعه وقتيه

نورتينيييييييييي

donya يقول...

زهور الامل
-----------
اهلا بيكي ومرحبا
انتي اللي منوراني

عمر الناس ماهتبطل تتكلم عن الحب
علشان هو كان نبض الحياه وجوه الناس وبيدوروا عليه مهما قالوا عكس ده
حتي اللي بيكفر بيه كفره ده دليل وجوده
واللي بيكفر بيه ده لو ربنا اراد له انه يقابل اللي هيحبه مش هيقدر يقاوم والا يرفض

تحياتي

قلم رصاص يقول...


تحية لحضرتك من جنابي على هذا البوست

ونحن نبدي ثناءا على مايقوله الاخ اوشو

ولكن حذاري مما يقول .. إزاااااااااااي

معرفش ههههههههههههههه

دمتم في حفظ الله

^ ^
-



donya يقول...

يساري نوبي
-----------
اهلا اهلا

هههههههههه
مش عارفه انت خايف من اوشو ليه احنا مش اتفقنا في البوست السابق اننا اصلا مجالنين
طيب يبقي خلاص خايفين ليه انه يجننا مااحنا في الاصل مجانين

هههههههههه

وشكرا علي دعائك ليه دعاء جميل بجد

ربنا يكرمك

تحياتي

donya يقول...

سجود
------
اهلا اهلا
شكرا ليكي الله يسلمك
ويارب النت ماينقطعش تاني

نورتيني
تحياتي

donya يقول...

Dr Ibrahim
------------
اهلا اهلا يادكتور
نورتني في اول زياره
كلامك مظبوط
الحب اللي ربنا خلقه مش هو الموجود دلوقتي
اللي موجود دلوقتي الانسان شوهه زي ماشوهه اي شئ جميل ربنا خلقه له

تحياتي

donya يقول...

sookra
-------
اهلا ويهلا بيكي في اي وقت
وتنوري

تحياتي

donya يقول...

micheal
--------

اهلا اهلا بعمدة العمداء المتقاعدين
مش كده ونبي الراجل ده بيقول كلام زي الفل مش عارفه الاخوه الزمله ليه زعلانين منه يااخ ميشو

وبما انك من المؤيدين زي لبعض كلام الاخ اوشو هديك اللينك
وطبعا هنكمل مع الاخ اوشو لحد مانقضي عليه
ههههههههههه

http://www.baytallaah.com

وده اللينك بتاع بيت الله بتاع مريم نور
اللي حاطه كتب الاخ اشو

تحياتي

donya يقول...

احمد الصعيدي
------------
اهلا اهلا
اوجزت فاانجزت
احب الصعايده الريقين

كلامك صح الصح وربنا
هههههه


تحياتي

donya يقول...

smilyrose
----------
وعليكم السلام
اهلا بيكي

احنا فعلا في زمن تحول فيه الحب لأي شئ غير اللي خلقه ليه ربنا

اتظلم الحب مع الناس


تحياتي

donya يقول...

اسماء واحلام فى وجدانى
---------------------
اهلا اهلا
ازيك
الله يسلمك
فعلا ماحدش هيعرف يوصل لمعاني الحب الحقيقي الا اللي ربنا هيبعت له الحب الحقيقي

تحياتي

donya يقول...

فتاة من الصعيد
--------------
اهلا اهلا بيكي ومرحبا

كل واحد بيتكلم في موضوع الحب ده من وجهة نظره

واللي حسه واللي المفروض يكون عليه
لكن المتفق عليه ان لابد ان يجلب الحب الصفاء والسعاده

تحياتي

donya يقول...

طوبه فضه وطوبه دهب
---------------------
اهلا وسهلا بيكي يادكتوره
ارجوا ان تقري ردي علي سويت فيوليت علشان مااكررش الكلام
هو مش ضد الزواج بالعكس فهو يقدس الحب في ظل الزواج وبيعتبره المحرر الاكبر للحب اللي المفروض يحافظ عليه

تحياتي

donya يقول...

Timo..
---------
اهلا اهلا
وماله خير ان شاء الله

بس في ناس تحب تتحب بالظبط بالظبط زي مابتحب
لااكتر والا اقل
انت بقي بتحب ايه

هههههههه
تحياتي

donya يقول...

مدحت محمد
---------
اهلا بيك
الحب بياخد كل حاجه وهو ماشي مابيسبش اي حاجه
عامل زي الجرا لما ينزل علي غيط يدخله اخضر يسيبه لاحياة فيه

تحياتي

donya يقول...

miroooo
-----------
اهلا اهلا بيكي
ربنا يديم عليكي نعمة الحب الحقيقي
وياريت تقري ردي علي سويت فيوليت
هو مش ضد الزواج خالص الراجل بيقدسه
تحياتي

donya يقول...

قلم رصاص
---------
اهلا اهلا
تصدق
كلامك وربنا وربنا زي الفل
وصح الصح


نورتني
تحياتي

لاسع افندى يقول...

والله اوشو ده كلامه جميل

تخيلى المفروض يفتح مدونه


تحيه لاسعه زى اوشو

well يقول...

الف مبروك لمصر والحمد لله ...

مواطن مصري يقول...

موضوع حلو لكن انا بشوف أن الحب الي فية غير او حب امتلاك يعني تكون الواحدة تحب تعرف كل حاجة و تسيطر عليك دة مش حب دي عبودية

مع ان انا شايف ان في زمنا دة معدتش فية حب حقيقي

تحياتي

غير معرف يقول...

ليكي تاج عندي

وتاج يعني تاخدي الاسئله اللي في البوست بتاعي وتجاوبي انتي عليها

يلا تعالي خديه

لينك المدونه الجديده في بوست على المدونه القديمه

دوسي عليه وادخلي اقريه واستلمي

تحياتي

غير معرف يقول...

http://a7walnaaa.blogspot.com/

غير معرف يقول...

نسيت اقولك انا احمد
اسماء واحلام فى وجدانى
وده رابط الاحتفال بنوارة عندنا

http://a7walnaaa.blogspot.com/
بس فى حاجة غلط هنا مش عارف ادخل باسمى

Aиgel يقول...


مبرووووووووووك يا دنيا
مبروك لمصر كلها
يارب تكمل فرحتنا على يااااااااااارب

Angel love

blue-wave يقول...

الحب
لا تعريف له
ولكن من وجهة نظرى المتواضعه
فالحب هو ما وقر فى القلب
وصدقه العقل
تحياتى

غير معرف يقول...

ربنا يسعدك دايما يارب,ويكتب ليكي,كل خير:)

iHibo يقول...

الحب له مفاهيم كثيرة وكل ومنظوره وكل يفهمه بشكل


سلام

البروفيسير يقول...

السلام عليكم
كلامك رائع تحياتى
احمد سمير
ان شاء الله يستمر التواصل بينا

donya يقول...

لاسع افندي
----------
اهلا وسهلا بيك في اول زياره للمدونه
جميل ان اوشو عجبك

والتحيه اللاسعه دي بيردوا عليها ازاي
حصلنا الحريقه
ههههههه

نورتني

*تحياتي

donya يقول...

well
-----
اهلا اهلا
الف مبروك وعقبال يوم الاربع ان شاء الله
*تحياتي

donya يقول...

مواطن مصري اهلا بيك
-------------------
اهلا بيك
الحب تحرر مش عبوديه
والمفروض مايكنش في اسرار بين اللي بيحبوا بعض
في بعض الخصوصيه او كي لكن مش اسرار

ودلوقتي الموجود ده مش حب خالص
ولكن انه اغلبه غلط او خداع يبقي الحب مش موجود
لا الحب موجود بس نادر جدا جدا

نورتني

*تحياتي

donya يقول...

فتاة من الصعيد الجواني
----------------------
اهلا اهلا بيكي
تااااااااااااج
حاضر بس كده
ربنا يستر

*تحياتي

donya يقول...

اسماء واحلام في وجداني
--------------------
اهلا اهلا
معرف غير معرف انت تنور في اي وقت
وبأي اسم
وحاضر هروح الاحتفال
حالا

تحياتي

donya يقول...

Angel
-----
اهلا اهلا
فعلا الفرحه حلوه اوي
مبروك

تحياتي

donya يقول...

blue-wave
-----------
اهلا بيك في اول زياره للمدونه
كلمة جميله
بس ده تعريف الايمان اعتقد

نورتني
تحياتي

donya يقول...

samamasr
--------
اهلا وسهلا ومرحبا في اول زياره
وشكرا علي الدعاء
المدونه نورت
تحياتي

donya يقول...

⊰Ĥ!bØ11⊱
----------
اهلا اهلا في اول زياره للمدونه
كلامك صح
كل واحد بيتكلم عن الحب من منطلق تجربته الشخصيه
تحياتي

donya يقول...

البروفيسير
----------
اهلا وسهلا ومرحبا
شكرا علي كلامك
وان شاء الله يدوم التواصل

نورتني
تحياتي

micheal يقول...

شكرا ع اللينك
حتسلى عليه النهاردة بالليل
:)
تحياتي

donya يقول...

micheal
--------
انت تؤمر يا سيادة العميد
:)


تحياتي

شفـقــة و إحســــان يقول...

الحب اجمل واحلى شىء فى الوجود
البوست حلو اوى وكلامه خلى الواحد استرجع ذكريات كانت راحت بعد الجواز
تحياتى

blue-wave يقول...

هو تحريف للتعريف ليتناسب مع الموقف:)
تحياتى

صوت من مصر يقول...

اظن الحب بيختلف من بنى ادم لاخر يا دنيا
انا مفيش حد فاهم الحب زى حالى وانتى كمان واوشو صاحبك ده
اظن ان الحب كوكب فى مجره الملائكه ترى النهر والكورنيش وبتاع ورد بيخدموا الموزز
صح

د. ياسر عمر عبد الفتاح يقول...

أولاً حمد الله علي السلامة

لا والله الأخ أوشو بيقول كلام زي الفل
يعني طبعاً هو مكبر الموضوع شوية ,, وعاملي فيها اسامة منير
لكم برضه قال كلمتين دخلوا دماغي

donya يقول...

شفقه واحسان
------------
اهلا وسهلا ومرحبا
المدونه نورت
راحت ليه بعد الجواز
اوشو بيقول ان الحب اقدس من انه يضيع بعد الزواج
ده اوشو اللي بيقول
ههههههه

تحياتي

donya يقول...

blue-wave
-----------
اهلا بيك
ماانا فهمت كده برضه
نورت
تحياتي

donya يقول...

صوت من مصر
-----------
اهلا بيك
يعني الموزز بس هي اللي بتحب علي الكورنيش
لكن يااخي انا شفت بتوع الكرنيش دول مالاقيتهمش كده خالص
يابني البنت اللي بجد مابتحبش علي الكرنيش
تحياتي

donya يقول...

د. ياسر عمر عبد الفتاح
----------------------
اهلا وسهلا يادكتور
مش كده اوشو بيقول كلام زي الفل
بس وحياة الدكتره اللي انت واخدها
ان اسامه منير هو اللي عامل فيها اوشو
هههههههه
تحياتي

حلم بيعافر يقول...

الاخ اوشو ده شيوعى وهيودينا ف ستين داهية
مش كفاية علينا حدتو؟
هههههههههه
البلوجر مش ناقص تعددية زيادجة عن كده عموماهو له كام حلو ومعقول وكلام مش قد كده
تقبلى مرورى

غير معرف يقول...

يعجبني تصميم المدونة و خاصة فنجال القهوة على الجانب
تحياتي لك

Unknown يقول...

الف سلامة عليكِ
وعلى النت كمان :)
مستر أوشو كتر خيره قال
كلام حلو اوى لكن ارجع
اقولك الحب لا يتفسر ولا
يتحلل ولا يتعلل :
قضاء وقدر ينزل
على البنى أدم
من حيث لا
يعلم ولا
يدرى!

Unknown يقول...

(الحب هو الحرية
الوحيدة الذي
حررنا من كل
ارتبـاط..)
دا على رأى
بـــدراوى
توريطة!
ومن عندى
اكبر توريطة
وتدبيسة وحبسة
وخنقــــــة كمــان

donya يقول...

حلم بيعافر
اهلا اهلا
اوشو شيوعي هههههههههههه
طب وطي صوتك لحدو يسمعك

اوشو مش شيوعي ده حبوبي
حبيب قديم يعني

هههههههههههه

وماتخافش

وبعدين الراجل سايب السياسه وبلاويها
وبيتكلم في القلوب والكلاوي
هههههههههههه

المدونه نورت

تحياتي

donya يقول...

Sonnet
--------
اهلا وسهلا
شكرا
وجميل ان فنجان القهوه عجبك
ياريت تتفضلي معانا
تحياتي

donya يقول...

norahaty
--------
اهلا وسهلا يادكتوره
الحقيقه الاسطي اوشو واضح انه خبير كبير
في القلوب
ههههه

والحب نوعه بيتوقف علي الحبيبين
ياكان خنقه وورطه

ياكان كارثه ومصيبه

ياكان..
ولا بلاش علشان مانعقدش الخلق
من الحب
الطيب احسن

نورتيني

تحياتي