الخميس، 19 نوفمبر 2009

امتحان علي الهامش

بماتفسر؟

سفر المشجعين الجزائريين للسودان علي متن طائرات حربيه جزائريه للسودان؟

شراء كل هذه الاسلحه البيضاء من السوق السوداني من قبل المشجعين الجزائريين دون ان يلفت ذالك نظر الامن او الشعب السوداني؟

دخول المشجعين الجزائريين الاستاد ومعهم هذا الكم من الاسلحه البيضاء؟

خروج المشجعيين الجزائريين من الاستاد وفتح بوابات الاستاد لهم قبل الموعد المحدد لهم؟

الانفلات الامني اللي حصل امس؟

رفض الحكومه الجزائريه السماح لرحلات طيران اضافيه للعوده بالعماله المصريه مع الوضع في الاعتبار ان ده مش تصرف من الحكومه المصريه لاسمح الله بل تصرف فردي من الشركات المصريه اللتي تعمل هناك وتستثمر الاموال المصريه هناك ويعمل لديها جزائريين ايضا؟

تغيير لغة الخطاب من الكذب للصراحه المدهشه مع عمرو اديب من قبل المسؤلين المصريين

مع ان السؤال علي الفضائيه المصريه وعلي اوربت واحد ولكن الاجابه مختلفه؟

حد يدلني علي الاجابات

وسلام كبيرررررررررررر جدا للوحده العربيه والقوميه والمهلبيه

هناك 51 تعليقًا:

أحمد الصعيدي يقول...

ما زلنا نعاني بخس ثمن المواطن المصري علي المستوي العربي والعالمي ولا أعلم إلي أحد حد تصل بنا الحكومات فأقل ما يمكن أن يكون .. قطع العلاقات الدبلوماسية مع الجزائي والمطالبة الفورية بالتحقيق في ما حدث في السودان وقطع لاعلاقات اذا ثبت تواطؤهم أو ادانتهم

لنا الله يا كل الشعب

لنا الله
السلام عليكم

أحمد الصعيدي يقول...

وحيث اني قليل جدا لما اكون أول تعليق أحب كمان أقول أن المنتخب عنل اللي عليه ةاتخيلوا ازاي ممكن نلعب وسط جمهور ماسك سكاكين وسنط ومطاوي وسطور


السلام عليكم

Sweet Violet يقول...

ان السودان دولة شقيقة و ان الجزائر دولة شقيقة
ده مش كلامى ده كلام المثكفين بتوعنا
يتهان شعب بلد بالكامل علشان كورة و المفروض الشعب ده مش بنطق حرف علشان الوحدة العربية و دول عرب و مش معقول ياجدعان نعمل كده علشان مجرد كورة لكن هما يعملوا اللى هما عايزنوا
على الفيس الجزائرين اعترفوا ان اللى هيروح السودان الهمج منهم لان اللى راح مصر ناس نضيفه و عاقله و بردو مصممين المثكفين بتوعنا يقولوا لا بلاش تقولوا عليهم همج الله ماهما اللى قالوا ياعالم
لا ازاى هما يقولوا و يعملوا و يشتموا فينا لكن احنا نسكت
اصل مصر هى الاخت الاكبر اصل مصر السياسة بتاعتها اساسها المطيبة
بجد بجد حسبى الله و نعم الوكيل فى المثكفين بتوعنا قبل اى دولة تانيه

حلم بيعافر يقول...

مفيش حد محترم يقدر ينكر ان اللى حص ده كان قلة ادب من جمهور الجزائر وفيه مجموعة من المثقفين الجزائريين اصدروا بيان استنكروا فيه اللى حص من جماهيرهم
بس اقولك حاجة
احنا كوادرنا اللى بتقود (بتكلم كعرب )البلد اعلاميا ورياضيا وسياسيا هتودينا فى ستين داهية قريب جدا

Cute Kitty **sookra يقول...

نو كومنت لان دمى محروق على المهانه اللى احنا فيها لاوايه يقولولك ان مبارك عمل اجتماع طارق وهو كان على راس الاجتماع دا واصدر رساله رسميه
والنبى تتلهوا اكتر ماانتوا
حسبى الله ونعم الوكيل

غير معرف يقول...

بعيدا عن الكرة قليلا
أهديها لزملائك الأطباء
بالتوفيق
http://www.echojournal.org/video/198/LA-mass

blue-wave يقول...

هيا اجابه واحدة
كل ما حدث كان مدبرا من قبل الجذم الجزائريين
وهانرد
والله العظيم هانرد

قلم رصاص يقول...

طب وبعدين هنعمل ايه بقى

لنا الله فهو حسبنا

صوت من مصر يقول...

افسر ذلك برئيس نايم وحكومه جعلتنا مثل الفئران مع اننا اعظم جنود الارض

سجود يقول...

مش لاقيه كلام اقوله غير ان الحزن مالي قلبي
زعلانه ع العرب والعروبه وتشميت اعدائنا فينا وانا تقريبا مش في حالتي الطبيعيه فكفايه الكلام ده
وشكرا

romansy يقول...

وحده عربيه ايه بس
دول شعب مش عارفين مالهم
احنا عملنا ليهم ايه
المفروض نسحي كل الاستمارات بتاعتنا
ونعمر فى بلدنا
وبس
مش نروح نستمر فلوسنا فى بلد بيكرهنا ويقول علينا يهود

الحسين محمود يقول...

أنا أعذر الأمن السوداني .. لأن

المبارة كانت ضغط كبير أظن أن الأمن السوداني - على ما أظن - لم يقابل مثل هذا الضغط ..


لذا عن نفسي أشكر الأخوة السودانين حكومة و شعباً.

لكن اللوم أولاً على شعب لم يتعلم

التحضر .. على شعب يبعت مرتزقته و

بلطجيته ليصبح جمهوراً للرياضة ..

و سنرد

Tamer Nabil Moussa يقول...

بجد اللى حصل دة قلة ادب وعدم احترام ولازم يكون فى حساب وتصرف من الحكومة المصرية

مع خالص تحياتى

خوخه يقول...

الاجابه
نظرا للعقول السطحيه والهمجيه ووسائل الاعلام التي تقوم بتصوير الاشخاص ذات العقول التافهه التي لا تجدي نفعا ابدا
وفي معتقدي ان هذه مجرد مباراه
فقط مباراه بالمعني لعبه ياتصيب ياتخيب

مواطن مصري يقول...

دي مؤامرة صهيو جزائرية

ل ايقاع مصر و السودان في صراع و قتل المصرين

لا بد من طرد السفير الجزائري الارهابي

amirelhob يقول...

لا مع احترامى بجد لكن البوست لسه ناقصو اساله لسه ناقص نعرف دم الناس اللى اضربت دا فى رقبت مين لسه ناقص نعرف مين هيحيمنا ومين هيرفع رايتنا لسه ناقص اجابات لشعب عاشر اليهود ونال من طباعهم السفاله ونكر الجميل

اسف لو كلامى جارح واسف كمان لو هيزعل حد بس دا لان دمى محروق بجد بوست يجنن ورغم انو صغير بس ليه معانى كبيره جدااااااااا ومن قلبى بتمنى انى اجى هنا تانى اوزور المدونه دى وبتمنلك كل خير وسعاده وصحه وتوفيق وفرح وابتسامه تدوم يا رب طول العمر

د. ياسر عمر عبد الفتاح يقول...

لو لقيتي حد عارف إجابة الأسئلة دي
ابعتيه على المدونة بتاعتي
علشان عاوز نسخة من الإجابة

donya يقول...

احمد الصعيدي
-----------
وعليكم السلام
ماحدش هيجيب لنا حقنا غير دماغتنا وايدينا
لازم يكون في تصرف شعبي
النقابات فين الاحزاب اللي مالهاش اي فايده فين
فين اتحادات العمال والطلبه
الناس اللي راجعه ماعملتش بلاغات ليه
وفين البيج بوص اتحاد الكوره

لو مااتحركناش صح وبتنظيم هنضيع
وهتضيع هيبتنا في وسط العرب والعالم

شوف المنتخب واضح انه كان بيلعب وهو خايف
انا ماشفتش الماتش علي الهواء لكن شفته مسجل لدواعي صحيه
حسيت ان اللاعيبه بيلعبوا خايفين بالرغم انهم كانوا مالكين الملعب

تحياتي
تحياتي

donya يقول...

Sweet Violet
-------------
الموضوع مش كوره الموضوع اكبر من كده
الموضوع من كتر ماتهاونا في حقنا خلاص
الناس افتكرتنا لقمه سهله
نفسي اعرف نقابة الصحفيين فين من اللي اتكتب في الجزائر علي صفحات جرائدهم الصهيونيه

ونقابة المحاميين من الناس اللي راجعه متهانه
لازم كله يصحي لازم كله يفوق

donya يقول...

حلم بيعافر
------------
البيان اللي اصدروه المثقفين الجزائريين
ادان الطرفين مش الجزائريين بس
ده مش بيان ده مغالطه تحسب عليهم مش ليهم
ومااصدرهوش غير لما لاقوا انهم هيتقطعوا فنيا وثقافيا
قالوا نهدي
بس علشان اغبيه عملوها غلط

اما من ناحية ان اللي ماسكين البلد هيودونا في داهيه
انت عايز داهيه اكبر من كده ايه
دي مصررررررررررررر

donya يقول...

sookra
--------
كلنا دمنا محروق
بس لازم نفوق لازم نعمل حاجه
كفايانا زوق بقي

donya يقول...

Sonnet
-------
شكرا علي اللينك
بس انا مالييش زملاء اطباء

واتفرجت عليها هو ده بيبي متصور ثلاثي الابعاد
صح

تحياتي

donya يقول...

blue-wave
-------------
طبعا مدبر ماخلاص الصوره اتضحت خلاص
وايوه ان شاء الله هنرد
لكن ياريت نرد صح

donya يقول...

قلم رصاص
-------------
وبعدين دي في ايدين ربنا
ومن بعد المشيئه
في ايدينا
لازم نعمل حاجه
كل واحد في نقابه يعمل حاجه
نهدد اي مجلس نقابه مش هيعمل حاجه ماينتخبش تاني
هي النقابات دي اتعملت ليه
كل مواطن راح السودان اكيد ينتمي لحزب او نقابه او اتحاد
ولو ماينتميش ينتمي لمصر
يرفع قضيه واتنين وتلاته
مانسكتش

donya يقول...

صوت من مصر
------------
كمان يتفسر بسفير نايم علي ودانه في السودان
ماقدمش تقرير باللي حصل
والا نبه علي الناس في مصر
مش نبعت الافنديه للحرب
ونولول بعدها
ايوه حلاب دي مش كوره ده اعتداء منظم علي المصريين

donya يقول...

سجود
-------
ماخلاص
البسي اسود
دي جنازة العروبه والقوميه العربيه وخلافه

donya يقول...

romansy
--------
لاقوميه والا عروبه
خلاص يارومنسي

ياريت كل واحد في موقعه يعمل حاجه

donya يقول...

الحسين محمود
---------
كلامك كله صح
ولكن عايزين تحرك من الشباب
الاحزاب تفعل دورها شويه تعمل منظر

يخربيت كده

donya يقول...

Tamer Nabil
------------
كلامك جميل
بس الحكومه مش هتعمل
عايزين احنا نعمل الشعب يعمل
النقابات الاتحادات مراكز الشباب

علشان نعرف نرد صح

donya يقول...

مواطن مصري
----------
عندك حق لكن كمان لازم نتحرك
علي المستوي الشعبي
لازم يكون في دور بعيد الدبلوماسيه والمهلبيه
كل واحد في موقعه

donya يقول...

amirelhob
---------
اهلا بيك في اول زياره كان نفسي تكون في ظروف احسن

لكن تتعوض

دم الناس دي في رقبة سفير مصر في السودان
في رقبة الاعلاميين اللي كانوا عارفين باللي بيحصل في السودان وماحدش قال ماحدش يروح
في رقبة الامن والمخابرات المصريه اللي كانوا نايمين علي ودانهم
في رقبة اتحاد الكوره اللي لما المنتخب اتبهدل في الجزائر مارفعوش مذكره بده
في رقبة الحكومه اللي بعتت الافنديه
ومابعتتش الجمهور الحقيقي للكوره المصريه
اللي كان مولع استاد القاهره
اقول كمان والا كفايه كده

تشرفني في اي وقت
تحياتي

donya يقول...

د. ياسر عمر عبد الفتاح
------------------------
صدقني يادكتور
كلنا عارفين الاجابه زي مانعرف اسامينا بالظبط
بس بنستهبل
وعارفين الحلول بس عشق المصري فن اللولوله والبكاء
والتسامح
دون ان يفعل شئ

م/ الحسيني لزومي يقول...

لا كرامه لمصري خارج وطنه ان لم تكن له كرامه في وطنه
----------

من اجل
وطن آمن مستقر...حياة افضل.
من اجل
محاربة الفساد....مقاومة التزوير
من اجل
ان تكون مقدرات هذا الوطن بأيدينا
شارك في الحملة الشعبيه للقيد بالجداول الانتخابية
ضع شعار الحملة علي مدونتك

Remas يقول...

بجد مش عارفه اقولك ايه

انا حزينة للغاية

حزينة على اللى حصل واللى بيحصل واللى لسا هايحصل

طول ما المصري مش له اى ثمن خارج وطنه ولا داخلها كمان

حسبنا الله ونعم الوكيل

donya يقول...

م/ الحسيني لزومي
--------------
مش بس بالانتخابات لا بحاجات كتير
اهو احنا في ازمه النقابات عملت ايه التكتلات الاحزاب الاتحادات
ماحدش عمل حاجه
ل
حقوق الانسان في مصر عملت ايه
ان الله لايغير مابقوما حتي يغيروا ما بأنفسهم

donya يقول...

reem
--------
علشان المصري يبقي غالي
لازم هو اللي يحافظ علي كرامته
تقدري تقول لي عملنا ايه لحد دلوقتي
والا حاجه
تحياتي

شفـقــة و إحســــان يقول...

بجد حسبى الله ونعم الوكيل
مش هقول اكتر من كده

صبرني يارب يقول...

دنيا حبيبتى ما تزعليش منى

والله ما كان قصدي ازعلك ولا اجرحك

انا ما اعرفكيش تقريبا حتى اول مره اجي مدونتك

ما اعرفش مين ظلمك ولا ظلمتي مين

لكن اناباتكلم بشكل عااااااااام مش بشكل خاص بيكى انتى

انا ليا سياسه خاصه وقاسيه شويه فى الحكم على النفس

انا رديت عليكى عندي رد طويل ابقى شوفيه

ومش قصداكي انتى والله والله اعلم بحالك

سوري سوري سوري لو كنت ضايقتك

donya يقول...

صبرني يارب
------------
اهلا بيكي في اول زياره للمدونه المتواضعه تبعي

يعني لازم خناقه علشان تزوريني
هههههههه

انا مش زعلانه منك خالص انا مابعرفش ازعل من حد

والاختلاف لايفسد للود قضيه

ونورتي المدونه

تحياتي

donya يقول...

شفقه واحسان
------------
ايوه حسبي الله ونعم الوكيل
لكن لازم نعمل حاجه ماينفعش نسكت خالص

Mafrousa يقول...

انا مش بحب المهلبية
لكن لو فيه عاشورا ماشي
اصلا اصلا ما حدش عنده الاجابة لتساؤلاتنا ديه غير الناس اللى وصلوا حالنا للى وصل ليه
الناس اللى طمعت فى حقوقنا و كذبت علينا و استصغرتنا
و بعدين لما يتعمل فينا كده نقول ليه؟؟؟؟؟؟
و مع كل اللى بيتعمل فينا لسة بنطلع نجيب محفوظ...و ام كلثوم...و عبد الوهاب....و احمد زويل....و عمر الشريف...و عبد الحليم
اكمل؟؟؟؟ ولا وراكي حاجة؟؟؟؟؟
همه بقا معندهومشي حاجة خاااالص....فلازم يغيروا مننا

donya يقول...

واحدة مفروسة
------------
اهلا اهلا
ماهي دي المشكله
اننا عندنا وهمه ماعندهمش

امر الله طيب نعمل ايه يعني نمحي عراقتنا
والا نقطع نفسنا

ربنا يهدهم

تحياتي

الشعب لابد له من حكومه تشكمه يقول...

افسر ده اننا حكومه ضعيفه وبطيييييييييئه وكميله خالص,
ناس مؤدبه

يساري نوبي يقول...

رديت عليكي عندي ف المدونه رد هايفحمك و يخليكي تشجعي الجزائر كمان
استهدوا بالله و بلاش شعلله مهما حصل

يساري نوبي يقول...

http://www.saveegyptfront.org/news/?c=170&a=25519
اللينك دا مهم بس انا مش عارف مدي صحة الخير

MOHAMMED ELBANNA يقول...

دنيا
فعلاً اللي حصل دة حاجة تحزن .
والمشكلة في بلدنا اللي رخصت كل واحد فينا .
تقبلي مروري
محمد البنا
طريق النجاح
ــــــــــــــــــــــــ
اتمنى تشرفيني على طريق النجاح
http://tareekelnagah.blogspot.com/

donya يقول...

الشعب لابد له من حكومه تشكمه
-------------------------------
عندك حق
نااااس زوق زوق يعني

donya يقول...

يساري نوبي
-----------
هههههههه
هتفحمني
ماشي ماشي
هروح اشوف الفحمه حالا
واللينك حسيته كلام عبيط ماحستوش صادق

donya يقول...

MOHAMMED ELBANNA
------------------
اهلا وسهلا بيك في اول زياره
كان نفسي تكون في ظروف احسن
لكن خير

ان شاء الله تقري اوشو علشان تقدر تتابع معانا

زهور الامل يقول...

الاجابة واضحة اوي يا دنيا

ان المصريين مكروهين من كل الدول العربية

بالاضافة الى ان الشعب الجزائري شعب همجي وشعب سيء وليس لديه اي عروبة
واتضح كمان كره السودانيين لينا

لانهم ساعدوهم على كدة

تحياتي

نوادر يقول...

هى فعلا الوحدة العربية والقومية المهلبية مش عارفة احنا اللى طلعنا هبل ولا اللى صهينة مش عارفة وفين دور الاجهزة عندنا فين والمخابرات بتاعتنا فين مش المفروض الناس بتوعنا كانوا هناك ولا احنا بنتشطر على بعض وبس عموما ربنا يستر علينا