الاثنين، 7 ديسمبر 2009

تاااااااااااااج

images

التاج هديه من ورد شان

والحمد لله عرفت اخده من عندها

فتاة من الصعيد اهدتني تاج قبل كده ماعرفتش اخده من عندها

نبتدي ورزقنا علي الله

اسمك واسم مدونتك؟

اسمي دنيا وكمان مدونتي اسمها دنيا ايه دنيا

احب الالوان؟ الايام؟ الارقام؟

بحب لون السما

الايام الجمعه

الارقام 5

برجك وتاريخ ميلادك؟

العذراء ومش بؤمن بالابراج

اهم مميزاتك؟ واهم عيوبك؟ وماهى الصفه التى تتمنى ان تتوفر فيك؟

اهم مميزاتي اني طيبه

  اهم عيوبي ذكيه

اتمني اني اكون غبيه

ماهو مكانك المفضل؟

البحر

ايه هى هوايتك المفضله؟

القراه اللي مبوظه دماغي

ما المقوله اللى تؤمن بها؟

اتقي شر من احسنت اليه

اجمل هديه قدمت لك من مين؟

من الشغاله بتاعتنا لما كنت عيانه جابت لي ورد

فرحت بيه جدا وحسيت ان الدنيا لسه فيها خير

اسعد يوم فى حياتك؟ واتعس يوم فى حياتك؟

اسعد يوم في حياتي هو هو اللي تحول بقدرة قادر الي اسود يوم في حياتي

موقف طريف لا ينسى من ذاكرتك؟

كنت جايبه عربيه جديده بعد تكسير القديمه في حادثه

ودخلت المول ولما طلعت لاقيت عربيه زي عربيتي القديمه وانا ناسيه خالص قعدت احاول افتحها بريموت الجديده واسمع صوت عو عو

جاي من بعيد والعربيه مش بتفتح

السايس قال لي انتي بتعملي ايه عربيتك الكبيره اللي هناك دي

ده حتي في فرق فالحجم يا ابله دي صغيره

معاك ثلاث وردات لمين تهديهم ؟

اول ورده علي قبر كل غالي علي ومات

تاني ورده لاصحابي في البلوج اللي احبوني وحبيتهم وهمه مايعرافوش عني حاجه 

تالت ورده لدكتوره صديقه ساعدتني كتير اوي كمان بدعيلها وهي في غربتها

معاك ثلاث رصاصات على من تطلقهم؟

انا لااميل للعنف ولااؤمن بالأخذ بالثأر من  من اذاني

لكن لنجعلهم في نحر الجهل والفقر والعدو الصهيوني

ايه رايك فى الحب؟ ولمن تقول اجمل كلمه حب؟

راي في الحب انه جميل طبعا لكن الحقيقي منه وليس المزيف اللي موجود كتير جدا

اقول كلمة الحب لمن يستحقها وللأسف  مابينفعش نعرف انه يستحقها والا لا

الا لما بتكون الدنيا باااااااظت

وكنت اظنها لايمكن تبوظ اوي كده

هل من السهل ان تمثل الحب لشخص يحبك لعدم جرح مشاعره؟

لا طبعا الصراحه والوضوح اجمل شئ في الكون

اصارحه احسن مافي يوم يحس هو وهنا بيكون اكبر جرح ممكن يتسبب فيه انسان لأنسان

المراه فى نظر الرجل . ......... أكمل ؟

مش راجل انا علشان اعرف حد من رجال البلوج يرد

الرجل فى نظر المراه... ..........أكمل؟

بتختلف حسب شخصية الرجل ممكن يكون الحنان والرجوله والامان

وممكن يكون الغدر والخديعه

ماهو اسعد خبر سمعته هذا العام؟ وماهو اتعس خبر؟

اسعد خبر لي صديق كان مشتبه يكون عنده سرطان والحمد لله ماطلعش عنده

اتعس خبر بتاع ضرب المصريين في السودان

لمن تهدى التاج؟

اهديه لكل

المدونين اللي في القائمتين اللي علي الجنب وهاروح افتش بنفسي في مدونتهم عملوا التاج والا لأ

انا جاوبت ورزقي علي الله والله علي مااقول شهيد

تفاحه

*تحياتي

هناك 86 تعليقًا:

يساري نوبي يقول...

مش فاهم اي حاجه
اي المطلوب و ليه و ايه التاج دا اصلا

Arsenal Way يقول...


بسم الله

دنيا

إجابتك كلها منطقيه .. تدل على إنسانه مثقفه

يمكن عانت شويه من الدنيا بس لسه قويه برضه

مدونه عزيزه علينا كلنا

همسه

حاولي تخلي السؤال بلون والاجابه بلون

تقبلي مروري

mohamed ghalia يقول...

بجد جميلة اوى إجاباتك
واضح انك شخصية هادية ومثقفة
ربنا يسعدك دايما

قلم رصاص يقول...


السلام عليكم

ازيك يادنيا .. عسى تكوني بخير ان شاء

الله..

اجاباتك رائعه جدااااااا

وحسيت فيها بصدق كلامك بأمانه

ربنا يكرمك

وعجبني اوي موقف العربيه
هههههههههههههههههه

ربنا يوفقك

في امان الله

Unknown يقول...

اجابات جميلة
بس نصيحة خلى السؤال بلون
و الإجابة بلون عشان معرفتش اقرا كويس
دايماً داوشك بطلباتى
:-)

Aиgel يقول...


صباح الورد

دنيا

عجبني جداً قراءتي للتاج لأنه بيعرفنا أحياناً على أمور تخص أحبابنا المدونين .. كمان راق لي رأيك وصراحة إجاباتك

دمتِ بكل خير

أنا مش هجاوب ع التاااج ههههههه

أنا مش لاقيت اسمي في القائمة (:
بس قريب هنزل تاج عندي اتدبست فيه عبارة عن 47 سؤال أعتقد كفاية (:

بحبك في الله


Angel love

MOHAMMED ELBANNA يقول...

دنيا
الله على التاج الجميل .
الاجمل اجاباتك الطيبه التى تعبر عن شخصيه مثقفه ومتميزه .
بارك الله فيكي
وانشاء الله سأنشر التاج قريباً في مدونتى .
تقبلي تحياتي .
محمد البنا
طريق النجاح

نوادر يقول...

السلام عليكم ورحمة الله وبركاتة انت تستحقى التاج بجدارة يادونيا انت فعلا شخص جميل اوى وجواكى خير يملى الدنيا كلها واتمنى ان ربنا يديكى من ضميرك ونيتك الحلوى دى وربنا يهدى الحميع

سجود يقول...

السلام عليكم
اجاباتك عسل
ربنا يحميكي
وحلوه التلات رصاصات
وكمان راي الرجل في المراه
وكمان اهم عيوبك
هههههههههههه
ويسلام ع الموقف بتاع العربيه كنت هموت من الضحك لا دا انا موت فعلا
تحيااااااااتي

سجود يقول...

بالنسبه لموضوع التاج
يعني المفروض احل الاسئله ديه عندي ولا ايييييه ؟؟
انتي شكلك بدبسينا
ههههههههههه

blue-wave يقول...

حلوة اجاباتك

اسماء واحلام فى وجدانى يقول...

المراة فى نظر الرجل الصادق

السكن والفء والحنان

Tamer Nabil Moussa يقول...

ازيك دنيا


كل تاج وانتى طيبة

اجابات فى المضمون

ربنا يوفقك ويكرمك

مع خالص تحياتى

وردشان smilyrose يقول...

السلام عليكم

اخبارك يا احلى دنيا فى الدنيا

وحشانى موووووووووت


طب كويس طلعنا بنحب البحر

عارفه بيتهيالى مفيش مخلوق مش بيحب

البحر ولا يعشق لون السما زيك يا قمر


اجباتك جميلة جدا ورققة زيك

عرفتنى بيكى اكتر

وكويس انك بتحبى الورد

ليكى عندى احلى وردة لما نتقابل ان

شاء الله عن قريب

well يقول...

مبروك التاج يا دنيا

اجوبة لذيذة
عجبنى اوى موقف العربية ..
لكى ابتسماتى
تحياتى

هــو..مش ..نـو يقول...

تاااج ....تااااج
تاااج عظيم يا أولاد
أنا خايف من السُلطنيه..
--هو--هو--
آرائك كلها هنا ..زي الدُنيا.
شرفتني و نورتني زيارتك . 
بس أنا خايف يطلعوه حرامي جزم
حرامي الغسيل سهل شويه ...

هــو..مش ..نـو يقول...

يا نهارأسود ...
هو أنا مكتوب ...
لا..لالا والنبي دا التاج عندي ها يبقي سُلطنيه بجد..
ممكن تسامحيني ...

donya يقول...

يساري نوبي
===========
اهلا اهلا
مش فاهم
ماشي المدونه المجاوره لمدونتي المتواضعه عامله درس تقويه للتيجان
هههههه

شوف حسب ماشرحت لي فتاة من الصعيد قبل كده بمااني جديده في التدوين
ان التاج ده اسأله شخصيه بتجاوب عليها بتعمل تعارف بين المدونين

ومن عندي كده عامله زي الاسئله اللي بيسألوها للفنانين كده

تمام كده والا تاخد درس تقويه في السنتر اللي جنبنا

تحياتي

donya يقول...

مصطفي ابو زيد
=============

اهلا بيك
وشكرا علي كلامك

انا مبسوطه بوجودي معاكم اوي

اخلي الاجابه بلون والسؤال بلون
ده انا علي ماعملت التاج كنت مت وصحوني تاني
اه
رجعت في كلامي قلت خليني في وسطكم احسن

تحياتي

donya يقول...

mohamed ghalia
=================
اهلا بيك
شكرا علي كلامك
انت كمان كتاباتك هاديه وفي المضمون

تحياتي

donya يقول...

قلم رصاص
=========
اهلا بيك
وشكرا علي كلامك
وموقف العربيه ده موقف واحد ده انا ليه مع العربيات مواقف وقواعد تفطس من الضحك

تحياتي

donya يقول...

بدراااااااوي
==============
منور اهلا اهلا
الاجابه بلون والسؤال بلون
ده انا مت من التاج وهو لون واحد
اوم اعمله بلونين

هههههه
حاضر المره الجايه يافندم
انت تؤمر

ومافيش تعب والا حاجه

تحياتي

donya يقول...

Angel
=========
اهلا بيكي عامله ايه

يعني هتجوبي تاج غير تاجي

طيب زي بعضه

تحياتي

donya يقول...

MOHAMMED ELBANNA
=================
اهلا بيك

شكرا علي تعليقك
وكمان انت الامير اللي قبل مني الهديه
الباقي طنشوا هديتي
عاااااااا

نورتني

تحياتي

donya يقول...

نوادر
=======
اهلا بيكي
شكرا علي مديحك

نورتيني

تحياتي

donya يقول...

سجود
========
اهلا بيكي
شكرا علي كلامك

ايوه ياجميله هتاخدي الاسأله كوبي بيست
وتعمليها بوست عندك بعد ماتجاوبي عليها

وكمان خلي السؤال بلون والاجابه بلون علشان الناس اشتكت من الموضوع ده

وشكرا انك قبلتي الهديه

نورتيني
تحياتي

donya يقول...

blue-wave
============
اهلا بيك
وشكرا
لكن ماقلتش موقفك ايه من التاج

تحياتي

donya يقول...

اسماء واحلام في وجداني
======================
كلامك صح عن الرجل الصح

تحياتي

donya يقول...

Tamer Nabil
============
وانت بخير

ها هتجاوب عليه عندك والا ايه الموضوع
هههههه

نورتني
تحياتي

donya يقول...

وردشان smilyrose
==================
اهلا اهلا بيكي
ازيك يارب تكوني بخير

شكرا علي كلامك الرقيق
وشوفتي بقبل الهديه وبسمع الكلام ازاي

ان شاء الله

نورتيني
تحياتي

donya يقول...

well
=======
اهلا بيك
شكرا علي تعليقك

ياله جاوب انت كمان
نورتني
تحياتي

donya يقول...

هــو..مش ..نـو
================
اهلا اهلا
لسه منونوه عندك في مدونتك هناك

مش بعيد يطلعوه هو السبب كمان في ضرب الجمهور المصري في السودان
ههههههه

وبعدين هو اللي يبعت هديه لحد يقول له مش عايزها
سلطانيه تاج
هتجاوب هتجاوب
مافيش مفر
نونو

تحياتي الكلبيه
ههههههه

mimi يقول...

مبروك عليكي التاج
لايق علي دنيا أااد الدنيا

ربنا يسعدك يارب

حلم بيعافر يقول...

الذكاء ميزة مش عيب

اقصوصه يقول...

مبرووك التاج :)

صوت من مصر يقول...

طب عربيتك اكيد فيا لون
نفس اللون برضه
تاج هايل واجاباتك عرفتنا عليكى اكتر

Aиgel يقول...


صباح الخيييييييير
أنا قلت اجي اصبح واسلم

يارب تكوني بخير

استعدي بقى عشان أنا قريب هنزل تاج عندي وهدبسك فيه D:


Angel love

Unknown يقول...

يرد الرجل فى نظر المراه

السؤال يقصد الصفة الاساسية للرجل من وجه نظرك كمراة

ameen يقول...

دنيا انتى شقيه

وشكلك كده فيكى حبه طيبه على حبه عدوانيه والله الموفق والاجابه السودان


هههههههه

لا بجد شويه اساله كويسه بس محدش عنده طوله بال يجاوب على ده كله

دا انتى جمل

تحياتى

dr.lecter يقول...

موقف عربيتك ده بيفكرني بموقف مسخره تاني
كنت مع ابن عمتي طالعين من سيتي ستارز بالليل ورايحين علي العربيه فتحنا الشنطه لقينا الشنطه متبهدله وفيه حاجات مسروقه وفتحنا الكبوت لقينا البطاريه متشاله ومحطوط مكانها بطاريه جديده

طبعا اتهبلنا وقتها وجالنا فزع وقلنا ايه الحرامي الجريء البجح ده

وفجاه اكتشفنا ان مش دي عربيتنا وان عربيتنا راكنه ادام هما بس نفس الموديل ونفس اللون ونفس الشكل والدهان وكل حجه وطبعا لو كان حد شافنا ولا صاحب العربيهع شافنا مش عاوز اقولك كان عمل فينا ايه


اما التاج هنعمله ان شالله بس لما نروق كده علشان مزاجنا مش ولا بد اليومين جول

غير معرف يقول...

http://fatahmenalsa3ed.wordpress.com/2009/11/15/%D8%AA%D8%A7%D8%AC-%D8%A7%D9%84%D8%B9%D8%B2-%D9%8A%D8%A7-%D8%AA%D8%A7%D8%AC%D9%86%D8%A7-%D8%AA%D8%A7%D9%86%D9%8A-%D9%85%D8%B1%D9%87/

لينك التاج اهو .... ملكيش حجه بقا

اجاباتك حلوه يا دنيا :)

حياه بلا عنوان يقول...

السلام عليكم ورحمه الله وبركاته
طبعا اجاباتك جميله قوى
وان شاء الله تحققى كل اللى تتمنيه
وربنا يكرمك يارب
تحياتى

micheal يقول...

التاج اللي بلاقيه في كل بلوج
بس كويس أدينا بنعرف حاجات جديدة عن بعض
:))
تحياتي

Dr. Ibrahim يقول...

ههههههههههه
لا معلهش بقى انا مبحبش التيجان:)

بس فعلا لسه الدنيا بخير
وحلو الموقف الطريف بتاع العربية دا:)

دمتم بوافر الصحة والسعادة

miroooo يقول...

ازيك يا دندن مبروك عليكى التاج يا قمر اجاباتك جميله زيك بالضبط ربنا يسعدك ويحقق لك كل احلامك تحياتى

donya يقول...

mimi
=======
اهلا بيكي انتي فين مش بتيجي هنا ليه

ماتبقيش تغيبي كده
وهتجوبي التاج صح

تحياتي

donya يقول...

حلم بيعافر
=============
اهلا بيك
الذكاء عند المراه غالبا وفي معظم الاحيان بيكون عيب مش ميزه خالص

تحياتي

donya يقول...

اقصوصه
========
اهلا بيكي
الله يبارك فيكي
عقبال ماتجوبيه

تحياتي

donya يقول...

صوت من مصر
===========
اهلا بيك
فعلا كانت هي هي نفس العربيه بالظبط كأنهم توم

شكرا ليك ماهو اتعقد التاج علشان نعرف بعض اكتر

تحياتي

غير معرف يقول...

السلام عليكم ورحمة الله وبركاته

شكر وتقدير

يسعدنا ان ندعوكم الى حفل شكر وتكريم بالمدونة نظرا لمشاركتكم فى افتتاح المدونة.

ونحيطكم علما بأن مدونتكم وضعت فى قائمة شركاء النجاح بالمدونة.

كما يسعدنا ان نقدم لكم كما وعدنا إجابة مجمعة للتاج.

كلمة حق .... أخر العنقود

donya يقول...

Angel
========
مساء الفل
اهلا بيكي في اي وقت

كده
تاج تااااااااني

طيب
تحياتي

donya يقول...

العيسوى الصغير
===============
اهلا بيك

من اهم الصفات اللي بتنتظرها المراه من الرجل ان يكون
رجل بكل معاني الرجوله اللي خلقها الله في الرجل

تحياتي

donya يقول...

ameen
=======
اهلا بيك

طبعا كل انسان فيه كل الصفات الايجابيه والسلبيه
وحسب الشخصيه بيكون مين فيهم الغالب

وطبعا التاج مجهد في كتابته
علشان تعرف قد ايه انا ضحيت في البوست ده

تحياتي

donya يقول...

dr.lecter
=============
اهلا بيك
ده موقف كان ممكن يؤدي بيكم لمشوار مش بعيد عن سيتي ستارز علي الناحيه التانيه
القسم
ههههههه

شكرا انك هتجاوب التاج ياامير ياللي قبلت الهديه

وربنا يروق بالك ويفرحك
قول امين

تحياتي

donya يقول...

فتاه من الصعيد
===============
اهلا اهلا
حاضر من عينيه
هروح واحاول تاني
هو انا اقدر
الا اهل الصعيد واللي منه

تحياتي

donya يقول...

حياه بلا عنوان
==============
وعليكم السلام
اهلا بيكي
وشكرا علي كلامك

نورتيني
تحياتي

الشاعر الفنان أحمد فتحى فؤاد يقول...

دنيا
مبروك التاج التاج التاج
و الجاى أكيد سلطان طان طية
إجاباتك حلوة يا عينى يا عين
زى الشيكولاتة مع الملوخية

تحية صغيرة سريعة بنفس لون رسائلك
عجبتك؟ أكمل ؟
أحمد

donya يقول...

micheal
==========
اهلا اهلا
ياعمده

اخبار اوشو ايه عملت ايه قريت صيدلية الحياة بتاعته

تحياتي

donya يقول...

Dr Ibrahim
============
اهلا يادكتور
بتحب التاج مابتحبش هتجاوب هتجاوب
ههههههههه

نورتني
تحياتي

donya يقول...

miroooo
===========
اهلا بيكي

الله يبارك فيكي
وعقبال ماابارك لك علي التاج عندك لما تقري وتعترفي وتجوبيه عندك

تحياتي

donya يقول...

الشاعر الفنان أحمد فتحى فؤاد
============================
اهلا بيك
شكرا ليك
نورت

تحياتي

اسماء واحلام فى وجدانى يقول...

طبعا الرجل الصح

بس تعرفى لامة قلت لى انك تعرفى واحد بيحب كده وانا باقولك انى كده الحمدلله
مش غرور بس ثقة فى ربنا وفى قلبى

زهور الامل يقول...

انتي سكر يا دنيا
وواضح اوي انك بنت ناس ورقيقة جدا وحنينة اوي
بصراحة اجاباتك كلها عجبتني

تحياتي

اسماء واحلام فى وجدانى يقول...

ياااااااااااااااااااااااااارب

Unknown يقول...

اشترك معاكى فى
حب البحر والحكمة
القائلة أتقى شـر
من أحسنت اليه:أؤمن
بها جداااااااااااااا.

donya يقول...

زهور الامل
=============
اهلا بيكي
شكرا علي كلامك
وخدي التاج عندك اوعي تنسي
نورتيني
تحياتي

donya يقول...

norahaty
===========
اهلا بيكي يادكتوره
البحر هو في زي جمال البحر

اما الحكمه انا امنت بها بعد تجارب تثبتها فعلا
كنت الاول مش مؤمنه بها لكن الدنيا علمتني انها حقيقه واقعه

نورتيني
تحياتي

يساري نوبي يقول...

يادنيا انا شخصيا عانيت من موضوع العنصريه دا و دا كلام حقيقي مش افتراء علي حد
انا رديت عليكي ع المدونه و لو مقتنعه ابقي قوليلي عشان ابعتلك اثباتات عن عنصرية المصرين كحكومه و شعب ضد الاقليات عامة و بشكل خاص الشعب النوبي
تحياتي

amirelhob يقول...

اجابتك حلوه اوى وربنا يسعدك واجابتك اكتر من رائعه وفيها نوعا من الاتزان لكن اكتر اجابه عجبتينى انك نسك تكونى غبيه حسيت من الاجابه دى انتى قد ايه عاقله ومن قلبى بجد بتمنلك كل خير وسعاده وصحه وتوفيق وفرح وابتسامه تدوم يا رب طول العمر

z!zOoOo يقول...

السلام عليكم

ازيك يا دنيا يارب تكوني بخير

معلش انا عارف اني مقصر في رد الزياره

بس معلش مش بدخل كتير

بالنسبه للتاج

اجاباتك جميله

بس حسيت في بعض الاجابات توضيح اكتر منه اجابه

بس بجد انا رايي إن اي تاج بيعبر دايما عن اي شخص بكل صراحه

طالما وافق يجاوب عليه بصدق

دمتي بكل ود

في رعايه الله

sonnet يقول...

مبروك التاج
أختك sonnet

Tamer Moghazy يقول...

"اقول كلمة الحب لمن يستحقها وللأسف مابينفعش نعرف انه يستحقها والا لا
الا لما بتكون الدنيا باااااااظت
وكنت اظنها لايمكن تبوظ اوي كده"

الكلام ده وراه كلام وكلام وكلاااااام يا دنيا (وش خبيث) والردود فيها اجابات من بره المنهج لاني مش بحب الاسئلة المباشر والاجابات المباشرة اللي بتحسسني اني في تحقيق رسمي.
وعشان كده لما اصمم التاج اللي كله لف ودوران ها ابقى اهديهولك وساعتها بقى ها يبقى فيه اسئلة رسم وتعليل للصبح :)

rovy يقول...

تاج جميل يا دنيا و اجابتك جميله ايضا
يجمعنى بكى عشقك للبحر كما فهمت ..
اجابتك على سؤال اسعد و اتعس يوم فى حياتك كانت غامضه !
شخصيتك من اجابتك احسها قريبه من نفسى .. :)
دمتى غاليتى بكل الود و الخير دائما

تحياتى لكى

Somaya Kamal El Din يقول...

جميلة اجابتك

ربنا يكرمك ويوفقك

اقصوصه يقول...

مبرووك التاج :)

دعاء العطار يقول...

اجاباتك حلوه اوى يادنيا بتدل على بنوته رقيقه اووووى وطيبه اووى

ربنا يوفقك يااااارب

donya يقول...

إحنا شباب النهارد
==================
وعليكم السلام ورحمة الله وبركاته
اهلا وسهلا بيكم
احب اعتذر الاول اني ماشوفتش تعليقكم عندي
وشرف لي ان اكون من ضمن اصدقاء المدونه وبعد ان انتهي من التعليقات هروح جري عندكم

تحياتي

donya يقول...

يساري نوبي
============
اهلا بيك
انا فعلا رحت ورديت علي تعليقك
وعلشان غايبه بقالي فتره هروح تاني اشوف ايه الاخبار عندك
واليساريين عملين ايه اليومين دول

تحياتي

donya يقول...

amirelhob
==========
اهلا بيك
شكرا علي كلماتك الرقيه
طبعا مش امير الحب
ربنا يسعدك كمان وكمان

تحياتي

donya يقول...

z!zOoOo
=========
وعليكم السلام
اهلا بيك
ان شاء الله تروق معاك وتعرف تدخل النت كل يوم

اكيد الاجابه عن اي سؤال بتكون توضيح وماالاجابه علي اي شئ الا توضيح

نورتني

تحياتي

donya يقول...

sonnet
=======
اهلا بيكي
الله يبارك فيكي
عقبال ماتقبليه هديه مني وتجاوبي عليه

تحياتي

donya يقول...

Timo..
=======
اهلا اهلا

كده كده

افهم من كده انك مش هتقبل التاج هديه مني والا ايه

كده
ماشي

لما شوف التاج التفصيل بتاعك

تحياتي

donya يقول...

rovy
=======
اهلا وسهلا بيكي في مدونتي المتواضعه

شكرا علي كلامك وانا كمان رحت مدونتك واخدت فيها لفه طويله شويه لاقيتك فعلا قريبه مني وفي بوستات حسيت ان انا اللي بتكلم وخصوصا اخر بوست

بالنسبه لأسعد يوم اللي تحول لأسوء يوم عادي خالص بتحصل كتير ان يوم فيه ذكري جميله نفس اليوم لما يجي السنه اللي بعدها يكون اسوء يوم عادي علي راي اصاله

نورتيني وتنوريني دايما

تحياتي

donya يقول...

Somaya Kamal El Din
=====================
اهلا وسهلا بيكي
نورتيني في اول زياره
وشكرا علي كلامك
تحياتي

donya يقول...

اقصوصه
========
اهلا بيكي
هههههه
الله يبارك فيكي

تحياتي

donya يقول...

dodoo
======
اهلا بيكي يادودو

شكرا علي كلماتك الرقيقه

نورتيني

تحياتي