الجمعة، 18 ديسمبر، 2009

التاج الثاني اه ياني

التاج ده من فتاه من الصعيد الجوانيimages وماكنتش عارفه اخده من عندها مشكوره بعتت لي اللينك تاني علشان تدبسني فيه طبعا:)
من أنت؟

دنيا

وما الذى تفعله هنا؟

بجاوب التااااااااااااج

والغالب بكتب في مدونتي اللي يجي علي بالي

إسرائيل تقصف كل جنوب ممكن بحثا عنك ، أى شمال تقصد؟

اشمعنا انا يعني ده لازم عملت لهم حاجه جامده والله ياريت اقدر اعمل كده حاجه توجعهم ويبقوا يدوروا زي ماهمه عايزين بقي في الشمال في الجنوب

اقول لكم انا هروح عندهم ويقصفوني معاهم علشان اموت شهيده ونخلص

أنت مكلف بحذف حرف من حروف اللغة العربية .. أيها ستختار ولماذا ؟

طيب ليه كده ماالطيب احسن

لا انا عايزه احذف الحروف المكونه لكلمة غش

-لو قدر لك أن تدخل السجن فما هي القضية التي تتمنى ان تدخل بها إليه؟

ايه ده السجن امممممممم

طيب نقول قضيه سياسيه بس حاجه كده تستاهل

-نحن لا نعيش حياتنا بل نتعلم فيها كيف نعيش ما تعليقك؟

نو

احنا مابنتعلمش لاازاي نعيش والا ازاي مانعش

نحن نعيش ماكتبه الله لنا

-على مفترق طريق لافتتان ، اليمنى تقول ( إلى حلمك ) واليسرى تقول : (إلى مالم يحلم به البشر ) ، أي الطرق ستسلك؟

طيب واللي ماعندوش حلم يعمل ايه

والتانيه مش عيزاها

الا لو تقصدوا الجنه

حد يكره

لكن لو مش كده

مش هروح لا كده والاكده

بجملة واحدة فقط أكتب تعريفاً لكل كلمة من الكلمات التاليه
-الوطن

سكن وحضن كبير مايعرفش قيمته الا المتغرب

-الأم.

حنان وحنيه و الوجود

-الليل

هدوء قاتل

-الحب

لو حقيقي مش زيف

نبع الحياه الصافي

أمريكا

عجوز شمطاء هتموت قريب

المرأة

نصف المجتمع زمان

تلات اربع الان

(اللي عايز يعرف ليه يحاول يناقشني)

الرجل

الرجل الحقيقي

امان وصمام الحياه

هو الاب والاخ والابن

-الانترنت

عفريت العلبه

-أخترمنصباً واتخذ قرارا؟

وزيرة لوزاره جديده خالص

النظافه والصحه

ماهو مافيش صحه من غير مايكون في نظافه يانااااس

هخلي الشباب ينظف الشوارع واللي بيسكنوا فيها

والموظفين ينظفوا المكاتب بتاعتهم

والدكاتره تنظف المستشفيات

من الاخر كل واحد ينظف المكان بتاع ماحدش فوق القانون وهحط عقوبات جاااااااامده

-قيس، عنترة، جميل…. الذين يقولون شعرا….. وليلى وعبلة وعزة”صموت”لماذا هذا التغييب للمرأه..

مين اللي قال انهم سكتولهم

هو لو البنات دي ماسكتهمش وطنشتهم وورتهم شغلهم

كانوا عيطوا وقالوا كل الشعر ده

دول قالوا لهم قواله وبعد كده اتجوزوا غيرهم

بنات زمان دول كانوا جدعان

ههههههههه

-األى أين تمضي كلمات الحب .. بعد أن نقولها?

من عينيه لما يحصل هاجي جري واقول راحت فين

لكن الطبيعي انها تدخل الودن وبعد الودن رشق علي القلب

وتبرشت علي العقل بمسمارين كده لزوم التثبيت يعني

هل تجد علاقة بشكل أو بآخر بين المرأة وقطاع الطرق ؟

اكيد طبعا في علاقه هتقبض عليهم بالحيله مش كيدهن عظيم

سؤال خبيث خبيث

اكيد اللي مؤلف التاج ده رجل

-هذا فراق بيني وبينك .. متى ولمن تقولها ؟

متي:في الوقت المناسب

لمن:للكاذب المخادع

كيف هو غداً ؟

ان شاء الله احسن من الامس واليوم

ده املي في ربنا

-بتمرر التاج لمين؟

المشكله ماعنديش شخصيه ماحدش بيسمع كلامي

التاج اللي فات ماحدش عمله خالص اعمل ايه

اهديه للسيد رئيس الجمهوريه راعي التيجان في مصر(علي راي عادل امام)

اخيرا خلصت التاج التاني فاضل تاج كمان من انجيل يامسهل

تحياتي*

هناك 20 تعليقًا:

المجاهد الصغير يقول...

السلام عليكم
وفقكم الله لما يحبه ويرضاه
مدونه جميله

هيا نهاجر الان بقلوبنا الى الله تعالى
هيا نترك وراءنا الدنيا وشواغلها
هيا نهجر المعاصى والذنوب ونستقبل العام الهجرى الجديد
بتوبه حقيقيه
وعزيمه صادقه
ونيه خالصه
وامل جديد ان نغير من انفسنا
وكل عام وانتم بخير

اسماء واحلام فى وجدانى يقول...

انتى فاضلك تاج وتبقى هاتريك
على فكرة فكرة التاج انا باحترمها لكن بارفضها لاسباب كتير وهى ان المدونة للكتابة فقط اما حياتى الشخصية او حتى النبذة عنها ولو من بعيد لبعيد فهى خاصة بى فقط مع انى اتكلمت قبل كده فى مرة واحدة بس كنت مضطر عشان اوضح بعض الاخطاء اللى مش كانت فارقة معايا انا بس كان لازم اقولها وبعدها قررت ان احمد مدونة وتعليقات فقط انا باعتذر بجد عن تقبل تاجك اللى فات هو مش تجاهل لا سمح الله
ها مسامحة ولا فينا من كلام تانى

انا كنت جاى ارد عليكى بخصوص الثقة لاقيت بوست جديد اندمجت فيه ونسيت اللى كنت جاى عشانه بس هاروح فين انا موجود اهو

الشعب لابد له من شيما تشكمه يقول...

لا والله ياقمرررر احنا نقدر نرفضلك طلب,,والله قريت التاج اللى فات وقريت ده,,

بس انا جاوبتهم قبل كده ههههههههههههه..
هاتى واحد جديد وانا اعملهولك ولا تزعلى:)

ايه الاجبات الجامده دى:)

وانتى عامله ايه دلوقت:)

إحنا شباب النهارد يقول...

السلام عليكم ورحمة الله وبركاته
أختنا الكريمة دنيا

أنا معاكى فى أنى المفروض أناقش موضوع المدونةاللى بزورها ولكن

أنتى عارفه أن هذه المدونة مدونة مشروع وليست مدونة شخصية ونحن عندما ننشر إعلان بإسمها هو إخبار لأصدقائنا بنزول موضوع جديد وبالتالى يصعب علينا قراءة كل موضوعات المدونات التى ندعوها نظرا لأنه مطلوب إعلان أكبر قدر فى وقت قليل .

أما بالنسبة للتعليقات الخاصة برسالتك المفروض أعلقها بمدونتى الشخصية وأعتذر عن عدم متابعتى لمدونتى الشخصية لأنى مشغول بشدة فى مدونة إحنا شباب النهارده.

وعموماً كل سنة وانتى طيبة يا دنيا
ويارب السنة الجاية تعدى عليكى وقد حققتى ما تتمنيه

تحياتى

أبو مريم

وردشان smilyrose يقول...

السلام عليكم


كل سنة وانتى طيبة

كيفك يا دنيا

يارب تكونى بخير يا احلى دنيا

هو دا التاج اللى قولتى عليه

اسئله جميله جدا

واجابات حلوه من روح احلى

بنوتة حلى التاج اللى فاضل

على ما اخترعلك تاج رابع عشان تبقى

سوبر هاتريك تيجان

سجود يقول...

السلاااااااااام عليكم
انا هناااااااااااااا
احجز ثم اكمل قراءة بقي
اااه اصل انا بخاف ع مكانتي بين التعليقات
ههههههههههههههههههههههههه

سجود يقول...

دنيا حبيبة قلبي والله
مش تزعلي انا بس مش بعرف اجاوب ع اي تاج اصل كل معلوماتي حاطاها في ملف التعريف ده بس اللي اعرفه عن نفسي والباقي انا معرفوش
مش تززززززززعلي
اجاباتك ممتعه بس انا مختلفه معاكي في نقطه
نحن لا نعيش حياتنا بل نتعلم فيها كيف نعيش ما تعليقك؟ نو احنا مابنتعلمش لاازاي نعيش والا ازاي مانعش نحن نعيش ماكتبه الله لنا
ده رايك
اما رايي فهو :
اكيد ربنا كتبلنا طريقنا بس مش نستسلم ونقول قدرنا احنا فعلا بنصنع حياتنا انتي ممكن تحطي هدف ادامك وتوصليله وبكده تبقي عملتي نفسك وحددتي اتجهاك وصنعتي حياتك

صوت من مصر يقول...

عارفه اللى بيعمل التاجات دى ناس فاضية
يعنى ايه هى علاقه الستات وقطاع الطرق
اكيد مفيش علاقه لانهم واحد

Dr Ibrahim يقول...

مش عارف ربنا هيتوب على المدونين من التاجات دى امتى؟!

فكرة من الزمن ده يقول...

انا عايزة اعرف ليه
يمكن عارفة لكن حابة اعرف نظريتك
تحياتي

blue-wave يقول...

حلوة اجاباتك
عرفتنا عليكى اكتر
تحياتى

mimi يقول...

عاقلة كده أنتي وراسية
يعني من الأخر متأنية

حلوة إجاباتك رزينة .. انتي كده شخصية متزنة

جد شوية يمكن ،، بس طيبة أوي أكيد

ربنا يسعدك يارب

فتاه من الصعيد يقول...

ههههههههههههه

وزاره الصحه موجوده .... لكن النضافه هي اللي موش موجوده

اجاباتك حلوه اوي :)

تحياتي

اسماء واحلام فى وجدانى يقول...

فين الدنيا

قلم رصاص يقول...


ههههههههههههههه

ايه فوبيا التيجان اللي عايشه فيها دي ؟! ^_^

بس بجد اجاباتك رائعه والله ..جزاكِ الله خيرا .

---------

"مين اللي قال انهم سكتولهم

هو لو البنات دي ماسكتهمش وطنشتهم وورتهم شغلهم

كانوا عيطوا وقالوا كل الشعر ده

دول قالوا لهم قواله وبعد كده اتجوزوا غيرهم

بنات زمان دول كانوا جدعان

ههههههههه"

ههههههههههههههههه ايه النرجسية دي
لالالا معلهش ..هما قالوا الشعر لهن زمان عشان كانت بنات هبله وبتصدق
هههههههههه انما بتوع اليومين دول مبيخيلش عليهم ومهما يتقال لهم شعر ..في الفاضي .. دماغهم في المطبخ وبس..
هههههههههههههه

وان شاء الله هجاوب على التاج ده رغم انك لم تهديه لي ..بس هجاوبه لأنه جالي من ناس كتير وظروفي لم تسعفني للاجابة.

دمتي في حفظ الله

وكل سنة وانتي طيبة

dodoo يقول...

ازيك يادنيا

اجابتك جميله اوووى

ربنا يوفقك يااااااارب

MOHAMMED ELBANNA يقول...

دنيا
اجاباتك جميله واحيكي على التاج .
تقبلي مروري
محمد البنا
طريق النجاح
http://tareekelnagah.blogspot.com/

dr.lecter يقول...

التالته تابته ان شالله

نوادر يقول...

حلوة يادنيا البوست اكثر من رائع لكن ياجميل انت سيبتى لينا اية عشان نقولة تانى انا مش لاقيا كلام اقولة

Blogger يقول...

.انضم إلى eToro وقُد ثورة التكنولوجيا المالية

حكمة الجموع المتداولون الذين يستخدمون CopyTrader™ من eToro يزيد احتمال أن يحققوا أرباحًا بنسبة 60%