الاثنين، 21 ديسمبر، 2009

اخر تاج في دنيتي دنياااااااااااااااا

 

ان شاء الله ده اخر تاج ليه في البلوجر

اكرر وانبه والا منبه صيني رخم مابيسكتش غير لما نصحي صحيان قريفه يوم الامتحان

ده اخرررررررررر تاج انا بقول اهو

 

س1: أنتِ مين بقى؟

 دنيا

هو ليه كل تاج في السؤال ده

ده تحقيق نيابه مش تاج

س2: هل أنتِ متزوجة ؟ وهل عندكِ أولاد؟

لا الحقيقه كان هيحصل لكن رحمة ربنا انقذت العريس في اخر لحظه والحمد لله طفشته نهاااااائي 

 

س3: ماذا تفعلين بوقت فراغك ؟

انا كل وقتي وقت فراغ متفرغه لوقت الفراغ

كل حاجه بقرا بقعد علي النت بتفرج علي التليفزيون افلام علي الكمبيوتر

وطبعا الصلاه والقرآن

والنوم بناااااااام نوم 

 

س4: هل لديكِ هوايات؟ وهل تمارسينها ؟

 انظر السؤال السابق حيث كل مااقوم بيه هوايه اصلا

 

س5: هل تحبي؟ومن بقلبك الآن؟

 سؤال رخم رخم يعني

يعني لو بحب هقول وليس بقلبي الا الايمان بالله ورسوله وحب الله ورسوله

س6: لو لم تجدي من تحبي فماذا ستفعلين

ههههههههههههه

هنزل اعلان في صفحة الوفيات اطلب حد احبه 

 

س7: عندما تكونين في موقف اتخاذ القرار..تخالفين الجماعة.. أم تشركين معك الآخرين ؟

 لا احب الخلاف وطبعا احلي كلام اننا نشور بعض علشان ماحدش يفرض علي حد حاجه

 

س8: هل تتعاملين بواقعيه؟

 جدا جدا لدرجة الصدمه

مع احتفاظي باحلامي

وده مش معناه اني افتقد للرومانسيه لكن انا ليه وجهة نظر اخري عن الرومانسيه

س9: ما هو الشيء الذي فعلته وندمت عليه طول عمرك ؟

 حاجه واحده

ده انا لما بنزل اسوق وارجع بندم اني نزلت الشارع اصلا

هههههههه

انا لااندم علي قرار اتخذته بعد تفكير ولكن اندم علي القرارات اللي بخدها تحت اي ضغط

 

س10: هل تصارحين غيرك بالحقيقة ؟ أم تقولين له ما يريد سماعه؟

 لا طبعا مافيش احسن من الحقيقه ورزقي علي الله

الصراحه بتريح الضمير

س11: صفِ إنسان يمكن أن تحبيه عمرك كله ؟

 السؤال ده صعب

سبحان مقلب القلوب

الانسان الحنين القوي الشخصيه مع طيبه

المتحمل للمسؤليه مهما كانت

يعني يكون كده رجل جدع

مش عارفه اللي عامل التاج ده بيدور علي عروسه والا ايه؟؟؟؟؟؟؟؟؟

هههههههههههههه

 

س12: متى يقسو قلبك ؟

 

 مابعرفش اقسوي خالص

لكن في الدفاع عن الحق بتحول الي شخصيه قريبه كده من الرجل الاصفر علي اخضر

س13: هل يمكن أن تحبي أحد من المدونين؟

 

 انا قلت من الاول ان اللي عمل التاج ده بيدور علي عروسه

عموما انا ضد التعارف والحب عن طريق النت

س14: وهل يمكن أن يكون شريك حياتك؟

 بناء علي ماسبق طبعا لا

 

س15: ماذا تعنى لكِ المرأة أو الرجل؟

 

لا مافهمتش السؤال عايز ايه

لكن المفروض انهم بيكملوا بعض 

س16: في زمن البحث عن المادة ..عن ماذا تبحثِ أنتِ

 

 ابحث عن الحقيقه

نفسي الناس تعمل اللي بتنطقه بلسانهم

 

س17: متى تعرفي أنكِ تحبي ؟

 

 اول مااعرف هاجي جري اقول

ههههههههههه

؟؟؟؟؟؟؟؟؟؟؟؟؟

!!!!!!!!!!!

س18: ما هي الشخصية التي أثرت بحياتك ؟

 جدتي رحمها الله

س19: هل يوجد من ترينه سعيدا في الدنيا ولماذا ؟

 طبعا في ناس في الدنيا سعداء

ولما ندور ليه تلاقيهم عندهم قناعه وايمان صحيح بالله وقدره

 

س20: ما هي درجة صراحتك ؟

 100%

مابعرفش غير الحقيقه

 

س21: وما هي المواقف التي يمكن أن تكذبي فيها ؟

مافيش حاجه تجبرني اكدب

لكن لو بصلح بين اتنين ممكن علي خفيف بما يحنن قلوبهم علي بعض 

 

س22: هل يتغير الحب بعد الزواج؟

من اللي شيفاه حواليهه ايوه 

 

س23: فيما تفكري الآن ؟

 

 بفكر ان التيجان دي موضوع رخم

وهكتب في اول البوست اني هعتذر عن اي تاج تاني

س24: لو لم تعيشي بمدينتك؟ فأي مدينة أخرى تفضليها ؟

 

 افضل مدينتي اسافر واروح اي بلد انا بحب السفر جدا للفسحه لكن احب اعيش في مدينتي

س25: أول من يأتي ببالك لتحكي له أسرارك ؟

 

 مش بحب احكي اسراري لحد

بحب اكلم ربنا بس

س26: من هو ألد أعدائك ؟

 الغش والكدب بتجنن

س27: من هو صديقك ؟

الوفي الكتاب 

 

 

س28: لو ربنا خلق الدنيا كلها زيك .. لمن تقولِ هذه العبارة ؟

 لا  احد

الا لو قابلت رسول الله

 

س29: ماذا تكرهِ في الحياة ؟

 

 الكدب والغش

س30: و ماذا تحبِ فيها ؟

 

 

 الصدق والصراحه

س31: كيف تواجهي ما يضايقك وماذا تفعلِ عند المفاجآت ؟

 

 بالصبر والاحتساب

ربنا بيلهمني في الغالب الاحيان حسن التصرف

س32: لو معكِ فلوس أكثر مما تتخيلِ ... فماذا ستفعلين بها ؟

 حاجات كتير

هساعد بيها ناس كتير جدا

حياتهم مقلوبه بسبب الفلوس

 

س33: هل الفقر يصنع حباً ؟

 

 لا مااعرفش

 

س34: ماذا لو وجد الحب في زمن الفقر المادي؟

 ايه الاسئله الصعبه دي

انا مش فهماها اصلا

 

 

س35: ما هي أقسى صدمه تعرضتِ لها حتى وقتنا هذا ؟

 صدمه واحده بس

نو

دول كتييييييييير

 

 

 

س36: هل تعلمتِ منها شيء ؟

 لا للأسف مااتعلمتش اطلاقا لكن المفروض اني هتعلم

 

س37: هل أنت على استعداد لتلقى صدمات أخرى ؟

 انا ماعنديش استعداد طبعا لأي صدمه

لكن الله واعلم ربنا مخبي لي ايه

نسأل الله السلامه من الصدمات

 

س38: كيف ترد على من لا تصدقه ؟

ببتسامه بلهاء جدا 

 

 

س39: إذا أحببت إنسان ما ...هل تصرح له بحبك ؟

 لا طبعا لازم يكون في حياء

 

س40: ماذا تفعل لو لم يتجاوب معك ؟

مش فاهمه يعني لو قلت وقال نو

والا لو ماقلتش وهو مافهمش لوحده

في كل الاحوال لاحيله في اي شئ يعتمد علي طرف اخر 

 

س41: هل تؤمن بالمثل القائل: أنا أحب فأنا أعيش ؟

 

 طبعا الانسان لازم يحب كل اللي حواليه مش لازم يعني الحب بتاع الولد والبنت

لا

اللي قلبه في كرهه ده انسان ميت

 

 

س42: ما هي القضايا التي تشغل بالك ؟

 اليومين دول شغلني اوي

ليه الناس بتضحك علي بعض وفهمنها شطاره وفهلوه

 

س43: هل تستطيع تحقيق كل أحلامك ؟

 

 اي انسان بيحلم بيبقي عنده امل انه يحقق حلمه

وبيسعس لده

لو حققه خير طبعا لكن ماحدش بيقدر يعرف هيحصل والا مش هيحصل

 

س44: ماذا ترى في نفسك مميزا عن الآخرين ؟

 

 والا حاجه

كل واحد ربنا خلقه بشكل مميز وخلاص

مش لازم ادخل في سبق مع الاخر

 

س45: من إذا اقترب منك ...هربت منه بعيدا ؟

 ايه تاج تاني هيقرب مني مش هرب بس هقفلها المدونه دي اللي بتصطاد تيجان ومافيش صوره مع التاج ده كمان

 

 

 

س46: من تقول له : قرب منى قرب ...يا قلبي يا متغرب ؟

 

 ههههههههه

مش ممكن التاج ده

رخم رخم

ابوه وكيل نيابه

س47: إهداء التاج لمن ؟

 

 نوووووووووو

مش ههديه لحد  حراااااااام كفايه انا

ايه ده هو اخيرا خلص

اقيموا الافراح

47

سؤال يامفتريين

:(

هناك 11 تعليقًا:

dr.lecter يقول...

ده اطول تاج شفته في حياتي لا كده اوفر اووي 3 تيجان في اسبوعين؟

ب واضح ان صاحب التاج عاوز يوقعك ههههههههه

علي فكره التاج ده عجبني اكتر من الاتنين الاولانيين لانه فيهم صراحه اكتر

Sweet Violet يقول...

ههههههههههههههههههههههههههههههههههه
متسأليش انا بضحك على ايه بقى هه
ههههههههههههههههههههههههههه
خلاص خلاص هقول
بقى انا اغيب ارجع الاقى المدونة بقت مصنع تيجان هههههههههههههه ياعينى
بجد انا مش بحب التيجان دى نهاااااائى سبحان الله بقالى 3 سنين فى التدوين بحاول احبه لكن ابدااااا مش عارفة
بس احييك بجد عرفتى الغرض من التاج ده فعلا ههههههههه عروسة تدوينية
^_^
يلا افلسع بسرعه بدل مااعدى المدونة و اللى فيها
لحسن انا البرد عندى بيدور حاليا على حد غيرى من كتر الخناق معاه D:

فتاه من الصعيد يقول...

ههههههههههههههههههه

ده فعلا بيدور على عروسه

بس التيجان حلوه بتعرفنا ببعض

تحياتي

أحمد الصعيدي يقول...

التاج استفزاز مقنع لكشف بعض من شخصية الانسان

اسعدك الله

السلام عليكم

MOHAMMED ELBANNA يقول...

دنيا
تاج جميل واجابتك تدل على خفه دمك وروحك
تقبلي تحياتي
محمد البنا
طريق النجاح

romansy يقول...

الحمد لله انك مش اهديتى التاج لحد الصراحه طويل قوى
بس عارفه انك صراحتك وكلامك من قلبك دا اللى خلى التاج يتقرى بسرعه

البنفسج الحزين يقول...

هههههههههههه
هو فعلا بصراحه تحقيق مش تاج ...
بس انتي اجاباتك واضح فيها الصراحه وخفه الدم ...
أحسن حاجه عملتيها انك مبلتيش حد تاني بيه ...

وردشان smilyrose يقول...

يااااااااااااااااه يا دنيا

الله يكون فى عونك

وحشانى

اجابات حلوة قوى

بينت بنوتة روحها حلوة

وجدعه ورومانسية

بنوتة مصرية على حق

هههههههههههه

الحمدلله انك مش بعتيه لحد

بس مش اخر تاج يا جميل

سجود يقول...

السلام عليكم
ازيكم يا اصحاب المدونه ديه اللي هي بتاعتي وانا بقيت مقيمه فيها
بس شكلك زهقتي خالص من كتر التيجاااااان بصراحه عندك حق
هههههههههههههههه
بس انا بضحك علي اجابات كتير انتي بتكتبيها
يعني مثلا
متى تعرفي أنكِ تحبي ؟
اول مااعرف هاجي جري اقول
اوك اوك
انا مستنياكي تقولي
هاه
اوووووك
ههههههههههههههههههه
واجابات تانيه كتير ضحكت عليها
تحيااااتي

Che يقول...

كل ده تاج ... انا قفشت شعرتين ابيضوا بعد ما خلصت قرايه التاج ده
سيبك انتى احسن حاجه ان الواحد ملوش فى التاج و الحاجات دى ... و بجد بحسدك على صبرك و طوله بالك فى الرد على التاج ده

حرروف يقول...

كل دة تااج

عندك حق لازم يكون اخر تاج

منوراني يا قمر
وانا رديت عليكي