الاثنين، 14 ديسمبر، 2009

الغرور

images

ازيكم وحشتوني معلش كنت مشغوله شويتين وبعتذر عن تقصيري

هرد علي تعليقات البوست اللي فات وهحاول ازور كل البوستات اللي فاتتني

عايزه اتكلم عن الغرور

والحياه في الصداقه والحب

وايه الفرق بين الغرور والثقه

وهل الحب يقدر يعيش مع الغرور؟

وهل الصداقه تقدر تعيش مع الغرور؟

راي هقوله مع الرد علي التعليقات وفي اخر البوست

*تحياتي

هناك 49 تعليقًا:

اسماء واحلام فى وجدانى يقول...

حمدلله على سلامتك يا دنيا

MOHAMMED ELBANNA يقول...

دنيا
اولاً نورتى مدونتك
ثانياً الغرور من اسوء الصفات التى تظهر في الانسان .
فالغرور يدمر صاحبه قبل الاخرين .
تقبلي تحياتي
محمد البنا
طريق النجاح

يساري نوبي يقول...

أنغااااااام
حرام عليكي ....حد يحط اغنيه لانغام
علي فكره الصداقه ممكن تعيش مع اي حاجه بس ماتقدرش تعيش مع انغام
عامة انتي وحشتينا اكتر والله و النت كان منور من غيرك و كن مغمضين حتي من كتر النور
تحياتي

dodoo يقول...

ازيك يادنيا

بصى انا عن نفسى مابحبش الغرور نهاااائى واى حد مغرور اما اتجاهله تماما او اتغر عليه

وبيتهيالى حد زى ده استحاله هنتفق او نبقى اصحاب او احباب

عشان كده انا شايفه ان الغرور بيبوظ اى علاقه يكون فيها

اما الفرق بين الغرور والثقه

فالفرق بينهم شعره يعنى الثقه الزايده عن اللزوم بتتحول لغرور لكن طبعا الثقه دى شىء جميل جداااا لازم نكون واثقين من نفسنا عشان نقدر نعيش وننجح اما الغرور فده شىء وحش جداااا
واول مابيضر بيضر صاحبه

بس ياجميل ده راى ومستنيه ردك ياقمر

دمتى بوود

Angel يقول...



مساء الخير..

حمد الله ع السلامة يا دنيا منورة مدونتك يا حبيبتي

الغرور..
من اسوء الصفات اللي ممكن تفسد أي علاقة حب صداقة أخوية اجتماعية

ومن وجهة نظري أن مينفعش يستمر الحب أو الصداقة مع وجود الغرور

مع الأيام لن يتقبلها الطرف الأخر

لكن نقدر نستبدلها بشوية ثقة بالنفس ليس إلا .

ودمت بكا ود واحترام يا دودو

Angel love

وردشان smilyrose يقول...

السلام عليكم

وحشانى يا احلى دنيا

عارفه يا دنيا الفرق بين الغرور

والثقة خيط رفيع جدا والعاقل هو من

يتحكم به فاذا قلت قدرته على التحكم

فيه قد يصل الى الغرور والغرور شئ لا

يتقبله احدا غير هذا الشخص

والحب صعب انا يحيا مع الغرور


فالمغرور لا يعرف معنى التضحية

والحب الصداقة تضحية ووفاء وهذان

لا يتواجدان لدى الغرور

دمتى حبيبتى

سجود يقول...

حمدا لله ع السلامه
وبين الغرور والثقه شعره من وجهه نظري
والحب لا يعيش مع الغرور
ولا الصداقه تقدر تعيش مع الغرور

donya يقول...

اسماء واحلام في وجداني
=======================
الله يسلمك يااحمد

فيييييييين التعليق علي البوست
خيررررررر مافيش مناقشات المره دي والا ايه

تحياتي

donya يقول...

MOHAMMED ELBANNA
===================
اهلا بيك يامحمد
شكرا مدونتي منوره بوجودكم فيها

ماهو المشكله ان المغرور مابيكنش عارف كده
بحس الانسان المغرور ده ضعيف ومريض

تحياتي

donya يقول...

يساري نوبي
=============
اهلا اهلا (علي طريقة رايا وسكينه)
مالها انغام بقي
طيب كله انغام من هنا ورايح
اومال حضرتك بتحب مين من المغنيات
انا بحب انغام وفيروز وماجده الرومي ومش بسمع غيرهم وشيرين علي خفيف كده

بقي النت كان منور من غيري

اومال الشكاوي من ان المدونين عايشين في ظلام في غيابي دي كانت من مين
والندائات عوووودي يااا دنياااا

يساري نوبي هينتحر
ويتغير ليميني منوفي

ماشي ماشي يايساري
شوف مين من بعدي هينكفك ويتعب قلبك

ههههههههه

تحياتي

donya يقول...

dodoo
========
اهلا بيكي
طبعا الغرور صفه بشعه جدا في الحياه

لكن الثقه لازمه علشان الانسان اللي ماعندوش ثقه في نفسه مابيقدرش يحقق حاجه في حياته

لكن الانسان المغرور انسان ضعيف بيداري وراء غروره
وبيجي ليه يوم يبقي منبوذ

شكرا ليكي

تحياتي

donya يقول...

Angel
=======
اهلا بيكي
كلامك مظبوط

لكن الثقه مطلوبه في اي علاقه
لازم ابقي واثقه من نفسي ومن اللي قصادي

تحياتي

donya يقول...

وردشان smilyrose
===================
اهلا بيكي

كلامك صح الصح
كمان الانسان المغرور اناني بطبعه
وكمان زي ماقلتي مابيعرفش يضحي
عارفه ليه علشان مابيشوفش الا نفسه

تحياتي

donya يقول...

سجود
=======
اهلا بيكي
كلامك صح المغرور لا له صاحب والا حبيب
علشان العلاقتين مبنين علي هات وخد
والمغرور مابيعرفش يدي بيعرف ياخد بس

تحياتي

blue-wave يقول...

الغرور
هو اول مسمار فى نعش اى بنى ادم
لا شئ يعيش مع الغرور
لا حب ولا صداقه
الثقه بالنفس مطلوبه
ويفصلها عن الغرور شعرة
هذة الشعرة هى الإيمان بالله
تحياتى

micheal يقول...

حلو البون أنغام الأخير ده
:)
لأ..طبعا الغرور ده صعب يتعاشر لأنه عمره ما حيرضى يقتنع بأخطائه أو حتى يوصل لتوافق مع شريكه
compromise
تحياتي

اسماء واحلام فى وجدانى يقول...

انا جيت اطمن عليكى لاقيت الناس بتتكلم عن الغرور وغيره بس انا امبارح افتكرت انك هتحضرى موضوع عن الغرور والحب والصداقة يعنى انا فهمت غلط باعتذر وجارى البحث لمعرفة كيف تم هذا التقصير

اسماء واحلام فى وجدانى يقول...

كل الناس مش بتحب الغرور ودى حاجة كويسة طبعا وبرغم ان الغرور داء مش كويس بس مين السبب فى وجوده اولا انا مش عارف هل هو غريزة جوة بعض الناس ولا هو الابن الضال للثقة بمعنى ان الانسان فى بعض الاحيان عندما تصل ثقته بنفسه الى ذروتها فانها تنجب الابن الضال الذى يعوق حركته وياتى له بالمشاكل من كل جانب فالثقة هى ام الغرور والناس هى والده ،،
التوضيح غريب ممكن بس ده اللى جه فى دماغى ،، وطبعا عمرنا ما سمعنا عن ابن ضال ممكن يكون له صديق او حبيب انا مش بادافع عنه لانه ابن سىء بكل تفاصيله

يساري نوبي يقول...

صراحه انا بعشق فيروز و تقريبا بعبدها مع الإله رع و حتحور
و بالطبع بحب ماجده الرومي
لكن أنغام اعوذ بالله
و بعدين خليتيني يميني منوفي
يبقي اكيد هابقي رئيس الجمهوريه

beautiful mind يقول...

اكيد يا دنيا في فيرف كبير جدا
بين الغرور والثقه
الثقه بالنفس دي شىء ايجابي بيخلي الواحد واثق انه ماشي صح
وانه بيتعامل صح مع كل اللي حواليه
اما الغرور
فدا شىء سلبي جدا
بيقتل الحب
ويموت الصداقه
لانه بيعمل حاجز كبير اوي
بين اي اننين
تقبلي تحياتي

مواطن مصري يقول...

وهل الحب يقدر يعيش مع الغرور؟

وهل الصداقه تقدر تعيش مع الغرور؟


طبعا لا انا ضد الغرور انا متواضع الي أبعد حد

الغرور صفة سيئة جدا

z!zOoOo يقول...

السلام عليكم

يارب تكوني بخير

عودا احمد

:)

الصداقه لو فيها غرور بتولد كره ونفور ولو إصحاب المغرور بيحبوه هيحاولوا يصلحوه وإذا زهقوا منه هيبقي مهمش في حياتهم

اما في الحب مش هيتوجد اصلا لأن من معاني الحب الايثار هو تفضيل الغير علي النفس

ومستحيل مع واحد مغرور ومع غروره إنه يفضل حد علي نفسه حتي ولو كان الي بيحبه

هيفتكر إنه كتير علي الي بيبحها العكس
وكل مشكله هيبدأ غروره يظهر ويحقر من غيره لحد ما يقتل حبه بإيده

دمتي بكل ود

في رعايه الله

dr.lecter يقول...

الحاجات دي هي اللي بتبوظ الحاجات الحلوه اللي زي الصداقه للاسف

!!! عارفة ... مش عارف ليه يقول...

الجميل إني اتعرف على مدونتك

مع تاج والحمد لله وضح شخصيتك بقدر كبير


وإن شاء الله تكون زيارتي دي مش الأخيرة :)


تحياتي
وليد

mimi يقول...

دنيا
نورتي من جديد ومستنيه أرائك في الغرور والثقة ..

تحياتي

صوت من مصر يقول...

اولا حمدلله على السلام
ثانيا ابعتى الميل بجد مش تقولى بعتت وخلاص ومفيش حاجه وصلتنى

قلم رصاص يقول...

السلام عليكم

حمدلله ع السلامة يااخت دنيا
نورتي المدونة من جديد

انا رأيي ان الغرور جدير بافساد اي علاقة مهما كانت..حب صداقه اي علاقه في الدنيا

وربنا حذرنا منه في القرآن الكريم

اللهم اقسم لنا من خشيتك ماتحول به بيننا وبين معصيتك

دمتي في امان الله

donya يقول...

blue-wave
==========
اهلا بيك

ايوه كلمه جميله مسمار في نعش اي حاجه
اعتقد ان الغرور شيطان

واللي بيبعده الثقه في الله والايمان بالله

تحياتي

donya يقول...

micheal
========
اهلا اهلا
سيادة العميد عندنا يامرحبا يامرحبا

فعلا الالبووووون ده جميل

والاغنيه دي بالذات عجبتني
هي عايزه تنفخ في شخصيته لحد مايبقي بلونه
وماحدش يعرف يفرقعها غيرها

اسمع كده الاغنيه بتمعنن شديد
وانت تفهم ان الاغنيه دي بتغنيها واحده سوسه اوي
هههههههه

اما الغرور ياعيني عليه
مابيدمرش غير صاحبه

تحياتي

donya يقول...

اسماء واحلام فى وجدانى
====================
اهلا اهلا بصديقي العزيز

عمرك ماتقصر ابدا
الانسان اللي معروف انه حساس مابيعرفش يقصر

الغرور لاينتمي باي صله للثقه اطلاقا
الانسان اللي واثق من نفسه عمره مايتغر
بالعكس هتلاقي اي انسان واثق من نفسه متواضع جدا

الناس هي اللي بتصنع المغرور لو في موقع تملق لكن اول مايترك الموقع بيتصدم ان المنصب هو اللي كان عامله مش هو اللي عامل المنصب

علشان كده كتير من مغروري المناصب لما بيسيبوا مناصبهم بينهاروا وبيجيلهم انهيار

تحياتي

donya يقول...

يساري نوبي
===========
انت عامل زي الشريك المخالف
طيب فيروز وفهمناها

رع ده ايه بقي اللي بتحبه
طب حتحور ماشي اهي زي القمر

واللي يكره حاجه يقول ليه بتكره انغام ليه؟؟؟؟
اعترف
يميني ومنوفي دي عايزه ذكاوه
اديني بشرتك اهو
هههههه
تحياتي

donya يقول...

beautiful mind
=================
اهلا بيك
حمد الله علي السلامه
عجبني كلامك اوي
فعلا الغرور بيعمل حاجز في اي علاقه بين الاتنين

تحياتي

donya يقول...

مواطن مصري
=============
اهلا اهلا
انت فين مش بتيجي ليه

ربنا يديم عليك نعمة التواضع


تحياتي

donya يقول...

z!zOoOo
==========
اههلا بيك
وعليكم السلام ورحمة الله وبركاته
عجبني كلامك اوي
حسيت انه بيلم الموضوع في كلمات بسيطه

تحياتي

donya يقول...

dr.lecter
==========
اهلا بيك

ازيك
ليه علي طول قافل التعليقات عندك

كلامك صح
الغرور قاتل الصداقه والحي

تحياتي

donya يقول...

!!! عارفة ... مش عارف ليه
============================
اهلا وسهلا بيك في اول زياره لمدونتي المتواضعه

واتمني دوام التواصل ان شاء الله
نورتني

تحياتي

donya يقول...

mimi
======
ميمييييييي
ازيك انتي فين ياجميله غايبه عني

ماشي راي اديني بكتبه في التعليقات

انتي فين رايك يااستاذه

تحياتي

donya يقول...

صوت من مصر
=============
اهلا بيك
الله يسلمك
بجد يعني اكتب بوست عن رسم الوطن وابعته انت قبلتني في الجروب

ماشي هكتبه وابعته

تحياتي

donya يقول...

قلم رصاص
===========
اهلا بيك
وعليكم السلام ورحمة الله وبركاته

انا الحمد لله بخير

المدونه منوره بيكم

ايوه ده حتي الكبر علي اهل الكبر صدقه

تحياتي

اسماء واحلام فى وجدانى يقول...

انا سمتها شخصية كرتونية
لانى شبهت نفسى برسمة على ورق وهى اللى بتقدر تحركها رسمة ثلاثية الابعاد زى ما قلت يعنى المقصود انى انا الشخصية الكرتونية طبعا فى ناس اعترضت انى اكون كده ، بس انا الدرجة اللى وصلتلها وانا باكتب خلتنى احس انى كده فعلا اندماجى مع الحبيبة هنا خلانى اعطيها زمام امرى كلها لها ما تشاء ان تفعله بى وانا اعرف ان الانثى عندما تحب لو استطاعت ان تخبى حبيبها فى قلبها حتى لا يراه غيرها لفعلت

على فكرة انا فعلا كان فى دماغى ارد عليكى بس انا مصاب باعراض اولية للزهايمر وكمان فى ناس عندى تقريبا من فترة طويلة جدا مقصر معاهم فاعذرينى لو حصل كده مرة تانية بس هو زوبعة وبتعدى اما بالنسبة لموضوع الثقة فانا ليا فى كلام كتير اوى لو قدرت اجمع كل الخيوط هاقولك دلوقتى ولو مش قدرت يبقى لازم هاقولك لان الحوار اخد شكل عكسى بين الثقة والغرور

donya يقول...

اسماء واحلام فى وجدانى
=====================
مساء الخير

اه فهمت

المراه عموما او في الغالب علشان مانعممش الموضوع

مابتحبش الحب كده

اه معاك انها بتحب لدرجه كبيره علشان الحب هو كل حياتها
ومنظومة ايامها
بس في نفس الوقت بتحب حبيبها المطيع الواثق الممسك لزمام الامور

اما الغرور والثقه
انا مستنيه اعرف باقي كلامك فيهم

وعلي فكره انا كنت واثقه انك هترد عليا

تحياتي

اسماء واحلام فى وجدانى يقول...

على فكرة نفس الفكرة اللى وصلتنى وصلت لميمى بردوا لانها مستنية انتى اللى تتكلمى كده يبقى اكيد حاجة من الاتنين اما انا وميمى دماغى كل سنة وانتم طيبين واما فى عندك فى البوست جملة ناقصة بس ازاى والناس كلها فهمت كده يبقى فعلا انا وميمى زى ما قلتلك
كل عام وانتم بخير

اسماء واحلام فى وجدانى يقول...

احساسى وانا باكتب قادر اوصله للانسانة دى انه احساسى بيها مع احتفاظى بامتلاك زمام الامور طبعا لان الانثى بطبيعتها تحب تحس بضعفها احيانا وان حبيبها قوى شخصيا ويقدر يحتويه فى غضبها وفى حنانها وكل حاجة

اسماء واحلام فى وجدانى يقول...

وعلى فكرة كان فى بوست من يومين اسمه مدينة للنساء مش عارف شوفتيه ولا لآ بس اكيد ممكن توضحلك حاجات منه بخصوص اللى انا باكتبه ونظرة للمراة بشكل عام فى الكتابة وفى الحقيقة

العازمي يقول...

قال صلي الله عليه وسلم "لا يدخل الجنة من كان في قلبه مثقال ذرة من كبر "

شكرا لك

donya يقول...

اسماء واحلام فى وجدانى
=====================
اهلا بيك
انا كاتبه علي الغرور وحاطه اغنيه بتتكلم علي الانسان المغرور بيتعمل فيه ايه
وحابه اعرف رايكم في الاغنيه وكلامها وهل هو صح والا لاونتناقش من خلال التعليقات في الموضوع

ونوصل لحاجه
بصراحه الناس المغروره كتروا اوي وده دليل تفشي النفاق والجهل
والا ايه رايك

هروح اشوف البوست اللي بتقول عليه ده حااااااالا

وطبعا الست المراه الي ماتقدرش تحس بضعفها وقوامة الرجل عليها يبقي مابتحبوش وكمان شخصيتها اقوي
اقول لك
لازم كده يملي عينها علي راي جدتي كانت تقول لازم الست تحس بهيبت جوزها حبيبها حتي لو كان مدلعها اخر دلع
لازم يكون له هيبه كده تملي العين

تحياتي

donya يقول...

العازمي
========
اهلا وسهلا بيك
في اول زياره

وكل سنه وانت طيب

صح المتكبر المغرور مش هيدخل الجنه

ولنا في قارون مثل

تحياتي

sookra يقول...

اولا مساكى شيكولاته
ثانيا انا اعتقد ان الحب لايحيا مع الغرور

الشاعر الفنان أحمد فتحى فؤاد يقول...

خلاصة الكلام
الثقة بالنفس احد أهم الأبواب الملكية لحياة شخصية و عائلية كريمة

اما الغرور فهو الباب الرئيسى للكبر
و الرسول عليه الصلاة و السلام قال ( لا يدخل الجنة من كان فى قلبه ذرة من كبر ) ...
تحياتى للبوست الرائع