الثلاثاء، 1 ديسمبر 2009

البلوج بلوجنا ؟؟؟

شمع ابيض

 خلص العيد و اكلنا اللحمه والفته والرقاق والذي منه

عايزين نتكلم شيويه مع بعض

بقالي دلوقتي في البلوجر حوالي شهرين ولي لو تسمحوا لي بعض الملاحظات البسيطة في مظهرها العميقة في معناها

لاحظت طبعا الحب في الله بين الجميع وده اللي شجعني

اكتب البوست ده

اولا

بعض المدونين لا يقرئون البوست كامل يكتفون بسطر او سطرين ويعلقون وبالتالي يكون التعليق منقوص و البعض لا يقراء البوست

ثانيا

التعليقات البعض يعلق ولا يرجع لتعليقه ربما يكون صاحب المدونه ترك له تعليق يرد عليه بتعليق اخر

ثالثا

ملاحظه ان كل ما حد يكتب تدوينه تحتوي علي مشاعر و احاسيس او تجربه

التعليقات تنصب ان كاتبها هو صاحب التجربة

وهذا ليس بالضروري

رابعا

بعض المدونين لا يردون علي المعلقين عندهم و لا يقومون برد الزيارة ايضا

وهذا تصرف لا افهمه

خامسا

مما سبق احس ان بعض المدونين يدونون لنفسهم ولا يحبون التواصل مع الاخر

ولتلك الفئة اقول اكتب علي مدونتك ذلك ليكون واضح للجميع ذلك او اقفل التعليقات

انتم ايه رأيكم في الخمس نقاط دول ؟؟

*تحياتي

هناك 117 تعليقًا:

Sweet Violet يقول...

اووووووووووووول تعليق
نيهاهاهاهاهاهاهاهاهاها

فكرة من الزمن ده يقول...

تاااااااني تعليق

فكرة من الزمن ده يقول...

معاكي في كل الخمس نقط وصح جدا
لكن في نقطة الي مش بيردو علىالتعليقات او مش بيردو الزيارة
فانا واحدة من الناس المقصودة لكن والله بيكون عدم تفرغ في معظم الوقت
واول ما بنفضى بنستقرفي كل الاعمال البلوجية
تحياتي وجميل ما كتبتي

beautiful mind يقول...

عندك حق يا دنيا
بجد والله كل ملاحظاتك دي انا واخد بالي منها
انا اخر موضوع كتبته قبل الجديد
كنت بسال فيه عن واحده مدونة زميلتنا يمكن يكون حد يعرف عنها حاجه
بس للاسف
محدش قرا البوست للاخر
وبالتالي محدش عرف يقول حاجه
تسلمي علي البوست الحلو
ويارب كل الناس تقراه وتعمل بيه
وتقبلي مني كل تحيه

الشعب لابد له من حكومه تشكمه يقول...

بعض المدونين لا يردون علي المعلقين عندهم و لا يقومون برد الزيارة ايضا.

عاوزه اعلق على النقطه دى,بس مش انا طبعا المقصوده هههههههههه.بس هقولك على حاجه بتضايقنى:
اولا :انتى بتابعى حد علشان انتى عاوزه تابعى افكاره وكتاباته وهيقول ايه انهاردا,الموضوع مش زياره بزياره.انا فى ناس بتابعها وعمرهم مسابو عندى تعليق وممكن عمرهم ميعرفونى اصلا بس بتابعهم لانى بحب دماغهم.وبحب افكارهم وعمر متعليقهم او عدمه ياثر,فاهمانى؟؟؟؟؟
متحسبيهاش خالص زياره بزياره.

مشكله الاسقاط دى,مهما تقولى كله هيفتكرك بتتكلمى عن نفسك,انه الاسقاط.

انا باه مين فى دول هههههههههه؟اعتررررررررفى.

Tamer Moghazy يقول...

بصي يا ستي..كلامك مظبوط جدا في حكاية الناس اللي بتعلق (سد خانة) وده انا باكرهه جداااااااا
لكني مع شيما في نقطة رد الزيارة بزيارة..ممكن اكون فعلا حابب اتابع افكار حد او اتعلم من حد وها افضل اشكره على الوقت الحلو اللي قضيته عنده من غير ما انتظر انه يرد الزيارة خالص..لان ممكن افكاره تكون بتعجبني وانا افكاري موش بتعجبه
ومن هنا جات فكرة التدوين وهو العالم الافتراضي الحر اللي كل واحد بيرسمه بطريقته.

'' حطام (ك) بقايا '' يقول...

فعلا معاكي في كل اللي النقط اللي ذكرتيها
وان شاء الله هناخذ بالنا منها اكثر
بس في بعض الاحيان بتيجي للمدون ظروف بيصير غير متابع للمدونة
بس البعض بيظن انه تهاون منه او عدم اكثراث و ده خطا
جواك الله خيرا يا قمر

سجود يقول...

السلم عليكم
انا هنا ثواني اقرا وارجع

سجود يقول...

انا جييييت
معاكي يافندم في كل نقطه والله

سجود يقول...

انا معاكم في كل الكلام ده والله

Cute Kitty **sookra يقول...

دنيا
اولا مساء الخير
ثانيا كل سنه وانتى بخير
اكلتى اللحمه ولا لا
انا الريدر لسه قارى البوست بتاعك حالا
بس تعرفى انا موش عارفه انا مين فى الخمسه دول
بس انا فيه اكتر من حد بتابعه من بعيد لبعيد
بقرالهم كل كلمه وموش بعلق
عادى
وفيه ناس احيانا بيعلقوا عندى ولما اروح عندهم موش الاقى حاجه تشدنى ولاتعجبنى افكارهم
بس بصراحه فيه ناس كتير فى العالم دا بتعجبنى دماغهم اوى
ماتقوليلنا عمنا اوشو له رأى فى موضوع التدوينات دى ولالا؟
ههههههههههههه
وبعدين ممكن اعرف سر ان بوستاتك تقريبا كلها تحمل صور الشموع
؟

Cute Kitty **sookra يقول...

اه صحيح انا من الناس اللى بتابع اى تعليق وبستنى كمان اشوف صاحب المدونه هيرد ويقول ايه

اسماء واحلام فى وجدانى يقول...

ازيك يا دنيا
اولا مشكلة ان اكتب وتطبق الكتابة دى بحذفيرها على شخصى دى حاجة بتضايقنى جدا وانا نبهت قبل كده كذا مرة لكن مفيش فايدة فطبعا السكوت اجمل
وتعرفى انا بازور ناس معينة بيعجبنى اوى كلامهم و عمر حد فيهم ما جانى بس ده شىء مش يزعلنى لانى معجب بكلامهم لكن لو هما مش معجبين بمدونتى دى حرية خاصة بيهم بس وانا مش ازعل منهم
انا عن نفسى مش بـ ارد عندى لكن باروح عند اى حد ارد عنده وساعات بانسى مش تجاهل لكنه سهو ليس اكثر وحصل ان ناس زعلت منى لكن انا بطبيعتى مش باتجاهل الحمدلله


بالنسبة لموضوع مريم انا فعلا شوفت تعليقك وطبعا مقتنع بكل كلمة قولتيها وانا مستنى اجمع عنها اكبر قدر من معلومات عشان لامة اكلمك اكون على وضوح للشخصية دى انتى قولتلى عايزلك اكتر من اسبوع وادينى اهو لسة فى تانى يوم ربنا يسهل واستفاد منها والفضل بعد ربنا يرجعلك وحتى لو مش استفدت منها ادينى عرفت شخصية ليها وجهة نظر وفى ناس بتهاجم الراى ده وفى ناس متوافقة معاه

بس انتى مش شايفة اننا بعدنا خالص عن اوشو ولا تفتكرى هنرجع له تانى

بالنسبة بقى لمغارة الهامى فطبعا لسة والحمدلله مليانة مش تقلقى بس انا بافكر اقفل الرومانسية شوية احسن الناس تتعود على كده وانا اصلا غاوى حزن

حنعيش يعنى حنعيش يقول...

3اشهر وطلعتى 5نقط امال لو 3سنين كدة حنروح...بصراحة عندك حق ...بس بالنسبة لى المشكلة مشكلة وقت ....ماعرفش المدونين التانين اية اعذارهم ....المهم اهلا وسهلا بيكى فى دنيا التدوين يا دنيا

فراشة يقول...

السلام عليكم

طبعا كلامك صح بس مش كل الناس ومش كل الأوقات ولا كل البوستات

انا الحمد لله لازم اكمل البوست للآخر عشان أعلق صح

ممكن معلقش لو بوست قديم شوية اكيد مش هيرجع للقديم

وممكن لضيق الوقت والظروفد

ومش لازم كل اللي اعلق عندة يجيلي يعلق
براحته يعنى يمكن مش عاجبة بوستاتي ولا اسلوبي

انا ساعات بحب اتابع الأول كذا بوست كدا وبعدين ابدأ اعلق

يعنى انا جيت عندك هنا مرتين تقربا معلقتش مش عشان حاجة بس يمكن الوقت

"منى"

صوت من مصر يقول...

عارفه سويت فايلوت اللى هى اول تعليق
اساليها عملت فيا ايه لسبب واحد من الاسباب دى

blue-wave يقول...

هوا انتى صح طبعا
بس خلى بالك بيكون فيه ظروف منها انشغال صاحب البلوج ومنها ان الموضوع شحصى فهو لا يحب الرد على التعليقات
ولكن فى المطلق كلامك صح جدا

قلم رصاص يقول...

بوجه عام اتفق مع نقاطك الخمسه

دمتي في حفظ الله

well يقول...

كلام تمام...

نحن نبحث عن الاخر حتى نتواصل معه
اقفل التعليقات ..دى ليها وقت مناسب..
بس بجد سعات الواحد بيكون مشغول ومش بإيده وبيرد على التعليقات بعد مدة وهقولك على سبب بسيط لو انتى بتكتبى الكلام ده وانتى فى البيت غيرك بيكتبه وهو داخل سيبر ...علشان معندوش نت فى البيت
تحياتى لموضوعك..
كان معكم ويل ..من بيتنا اتحدث
تحياتى

مواطن مصري يقول...

بعض المدونين لا يردون علي المعلقين عندهم و لا يقومون برد الزيارة ايضا

وهذا تصرف لا افهمه


انا هرد على النقطة دي

يعني ممكن الواحد يكون في مشاغل الحياة و يكون مش واخد بالة بس لما يكون فاضي بيرجع و يرد و يزور و يسلم على الحبايب

او ممكن الواحد النت يقطع من عندةا سبوع او اسبوعين و بتحصل كثير

مواطن مصري يقول...

مما سبق احس ان بعض المدونين يدونون لنفسهم ولا يحبون التواصل مع الاخر


ازاي التواصل مع الاخر اللقائات و كدة يعني لو على اللقائات يمكن الموضوع يكون في نفسنة عم بعض المدونين او الموضوع انة مش حابب يخرب برة العالم الأفتراضي

و سجين و مدمن العالم الأفتراضي

الحسين محمود يقول...

دنيا ,,

سعيد أنك أكلتي لحمة و فتة ورقاق

بس كدهـ خلص ردي

عشان أبقى قريت أول سطرين ..

و بما أني ما قريتش غير أول سطرين و أخر سطرين

نعلف ع أخر سطرين اللي فيهم خامساً

بصي يا ستي جايب لك جملة من (الهيدر) بتاع مدونة واحد صاحبي بيقول فيه
" مكان فاضى اتكلم فيه براحتى وعلى مزاجى
"

و بالفعل هو مش بيحب أن ناس غريبة كتير تتدخل عنده

لكن ده ما يمنعش أنه يسيب مساحة للتعليق ..

من أصحابه .. حبايبه ..

أو حتى عابر سبيل عنده كلام معداش ع بال اللي كتب أو اللي علق ..
و الشخص دهـ اللي هو صحبي - على سبيل المثال - مش ملزم يروح يرد في مدونة الغريب رداً للجميل .. لأن طبقاً لثانياًبتاعتك أن المفروض اللي كتب يتابع التعليق اللي كتبه و بلوجر بيوفر الموضوع ده ..- متابعة الرد عبر الإيميل قصدي - نوصل لأخر الكلام عشان أنا طولت ..

دهـ الفرق بين المنتديات .. و المدونات

عيد سعيد - متأخر - عليكي

Aиgel يقول...


صباح الخير يا دنيا

عامل إيه يا حبيبتي

كل سنة وأنتي طيبة معلش والله عارفه إنها متأخرة بس الانترنت كان عملها فيا وفصل من قبل العيد


بجد موضوعك هايل أنا كنت عايزه اتكلم فيه بس اتكسفت بصراحة
والحق أقول لكِ بأن أنا بقالي كام بوست كده مش رديت على التعليقات بس والله مشغوله خالص بس هرد طبعا عليهم

والزيارات والله بزعل لما بمر على كام مدونة ومش بمر على الباقي

وفعلا انا بضايق لما بلاقي حد بيعتبر كل اللي مكتوب كلام شخصي .. وكمان بصراحة حاجة ضايقتني اوي
وحصلت معايا كتير
أني اعجب بمدونة وازورها كذا مرة والشخص ده مش يردلي حتى الزيارة رغم تكرار زياراتي أو مثلا حد يرد على كام تعليق معينين والباقي مش مهم

حاجات كتير أوي والله يا دندونة بس بجد حلو رأيك لأن أكيد كلنا مرينا بحاجة من اللي ذكرتيها


ودمتِ بود وخير

وأرجوكي متزعليش على تققصيري في الزيارة ):


Angel love

غير معرف يقول...

بصي

اولا في ناس موش بتحب المواضيع الكبيره .... او بتتعب من القرايه .... بس غلط انهم موش يقروا كل الموضوع

وممكن يكونوا بيقروه كله بس بيعلقوا على اللي عجبهم او لزق في دماغهم

الرجوع للتعليق موش الكل بيعمله لانه بيفضل يقرا بوستات جديده

الاسقاط هو اسوء ما في المدونات :)

عدم الرد على التعليقات اختيار المدون وله الحق في ذلك :)

عدم رد الزياره ايضا مكفول للكثيرين بالذات ان في ناس مشغوله

كمان ممكن يزورك وموش يعلق

التدوين اصلا معمول علشان نخرج احاسيسنا وتجاربنا وافكارنا ... فممكن ندون لانفسنا فقط

تحياتي

MOHAMMED ELBANNA يقول...

دنيا
بصراحة نقاط مهمه جداً وعميقه .
وفعلاً بتتكرر كتير جداً في كل مدوناتنا وبالاخص عدم التعليق على الموضوعات المنشوره وعدم رد الزيارات .
ولكنى عن نفسي بالرغم من حبي واحترامي لكل من يعلق على ما اكتب الا انني ..
لا احزن اذا لم يعلق احد على موضوعاتي والاهم عندي هي ان تقرأ وتزداد الزياره لها ويستفيد منها من يقرأها ، فهدفي هو نشر العلم والاصلاح .
تقبلي تحياتي على موضوعك
دمتى بخير
محمد البنا
طريق النجاح

Sweet Violet يقول...

ينهاااااااااااااااااار ابيض
طب الحمدلله انى لحقت اول تعليق علشان اسجل حضور
احم احم لا مش بنق بس يعنى المفروض يعنى يستنوا لحد ما البونية اللى قالت اول تعليق ترجع
الله مش معاملة دى
عااااااااااااااااااااااااااااااااااااااا

جد بقى
اولا دى كانت سبب فى انى اقفل التعليقات
لان للأسف الواحد وقتها بيحتار يرد على التعليق يقول ايه
المشكلة ان مش كل بلوجر داخل علشان يزود رصيد التعليقات فى المدونة
ولا قيمة اللى بيتكتب بيقاس بكم التعليقات
انا عندى تعليق ينقاش معايا اللى بقوله و فعلا يضيف ليه او يوضح لى نقطه مش واخدة بالى منها
احسن مليون مرة لما يكون عندى التعليقات تعدى الميه
و لكن مش كل الناس بتفكر زى بعض للأسف
v_v

تانى نقطة فى بعض المدونين حلها
انه لما يكون منتظر الرد بيروح للشخص فى المدونة و يترك تعليق و يلفت نظره بده
الحمدلله بستخدم الجى ميل وهو قايم بالواجب بقى
^_^

تالت نقطة
بس مش هننكر ان الغالب فعلا بيكون الكاتب هو صاحب التجربة
كانت بتحصل معايا زماااااان و عملت مرة تنويه و بعد كده الصراحة بقيت اسكت
لان اكتشفت اصلا ان اللى بيقرا اى موضوع لما بيرد بيرد عليه مش على صاحب الموضوع
يعنى الموضوع بيلمس حاجة فيه هو و على اساسه بيرد .. علشان كده الواحد مش بقى يدقق فى الموضوع ده

رابعا بقى بردو كانت سبب فى قفل التعليقات عندى
لان الفترة الاخيرة مش كنت عارفة اتابع الردود و لا المدونات
و يااما هرد على المدونات يااما هرد على التعليقات عندى
و اوقات بحس ان تعليقى هيكون واحد مع الكل
فقولت اقفلها بقى بدل ما اضرب و يتقال عليا وصلت لمرحلة الغرور التدوينى
^_^

خامسا بقى انا مش معاك فيها لييييييه
لان ممكن حد يرد عندى و اروح اشوف المدونة مش تعجبنى
وقتها مش هينفع اتواصل لان فى ناس مش بيعرفوا يردو بكلمه شكرا و برافو و جزاك الله خير و رائع و بس
الصراحة اصلا الردود اللى بتكون بالنوعية دى بتعصبنى
فهنا ممكن انتى تشوفى انه مش عايز التواصل لكن هو فعلا مش عارف يرد يقول ايه او المدونة نفسها مش عجباه
يبقى ماينفعش يقول كده على المدونة لانه فعلا ممكن يكون متواصل مع الغير

طبعا شهرين و عرفتى تجيبى معظم عيوب بلوجر
امال لو قاعدتى شوية فى بلوجر هتعملى فينا ايييييييييييه ههههههههههههههههههه

^_^

Sweet Violet يقول...

عملت ايه بس ياكيمو
يابنى هو انا عملت حاجة خااااااااااااالص
ده ايه الظلم ده يا ناس
^_^
ده انا حتى كلمتك براحة جداااااا هههههههههههههههههه
كده ياكيمو على صفحات التعليقات ماشى بس لما اشوفك
×_×

مش تسألى يادنيا انا بقولك اهو
-_-

زهور الامل يقول...

ازيك يا اجمل دنيا

انتي اتكلمتي في موضوع مهم جدا

وعندك حق في كل النقاط
واكترهم نقطة اننا لازم نقرأ البوست كله علشان نقدر نعلق عليه مش مجرد واجب وقمنا بيه وخلاص
ساعات بيبقى في بوستات مفيدة جدا وبنستفيد منها جامد

بالنسبة للردود على التعليقات انا بقالي بوستين مش برد وده لسبب واحد
هو اني كنت مشغولة جدا الايام اللي فاتت وكان عندي مشاكل في الشغل مخلياني مش مركزة لكن الحمدلله بزور كل المدونات اللي بحبها وبقرأ البوست من الاول للاخر وبعلق كمان وبرجع للتعليق علشان اشوف الرد

كل عام وانتي بخير وابقى عبرينا انتي بس وزورينا

تحياتي

Mafrousa يقول...

اولا نورتي المدينة
مدينة البلوجرية
ثانيا ملاحظاتك فى محلها
بس اصبري شوية لما تكبري و يبقى عنك سنة و الريدر بتاعك مليان
و حتلاقى نفسك مش ملحقة لا تزوري ولا تردى على التعليقات
تحياتي و مرة تانية منورة

ست البنات يقول...

السلام عليكم
احم :) أول زيارة لمدونتك الجميلة يارب إلى الأمام دوما
لازم نعدر الآخرين شوية يا دونيا مشاغل الحياة كتير والنبي صلى الله عليه وسلم قال : ليس الواصل بالمكافئ

عموما
انتي بتنوريني بجد :)

Tamer Nabil Moussa يقول...

كلامك سليم يادنيا

واتفق معاكى

اتمنى يكون فى تواصل اكبر واعمق بين المدونين

مع خالص تحياتى

Ahmed يقول...

ممكن اختلف معاكي؟
اكيد طبعا ممكن
بس من غير زعل ومن غير ماتحط في القائمه السوداء

بعض القراء لايقرؤن البوست كامل, ده مش مهم اوي, ده شخص طيار مش زائر حقيقي, وده مش هختلف معاكي في رفضلك ليه او لاسلوبه ده, لاني فعلا مش بحب كده, ياتقرا يامتقراش

ثانيا ورابعا هرد عليهم نفس الرد, بسم الله ماشء الله ربنا يزيد ويبارك عدد المدونين الموجودين على قائمه كل واحد فينا كتيييييييييير جدا وبالتالي لو كل مدونه هسيب فيها تعليق وارجع تاني يوم ابص اذا كان فيه رد تاني ولا لأو كده احنا محتاجين وقت غير عادي لتابعه التعليقات وردودها, لكن بوجه عام لما بنزور المدونه تاني بنبص على اخر تعليق لو فيه رد, طب لو مدونتي, برضه هقولك لان العدد كبير. انا بتابع كل رد طبعا وبستمتع بيه يمكن اكتر من اللي كتبه وبرد لما الموضوع يحتاج رد او مناقشه, بس بشفق على المدونين اني اربطهم انهم لازم يرجعوا عشان يشوفوا ردي وبشفق برضه على نفسي اني الاقي وقت ارد فيه على كل واحد. لكن عمري مااقدر اتجاهل حد دخل وساب تعليقه عندي

ثالثا, انا متفق معاكي فيها بس في بعض الاحيان لما الكاتب بيكتب عن شئ مؤثر او حزين الناس اللي بتابعه وبتحبه بتقلق عليه وعشان كده بيكونوا عايزين يطمنوا عليه

بالنسبه لزياره المدونين اللي بيزورونا, التواصل شئ مهم طبعا, بس مين قالك ان مفيش زيارات, في زيارات بس ممكن تكون من غير تعليق. في تدوينات كتيره مهمه وجميله لكن فعلا مش بتلاقي كلام تقوليه في التعليق, يعني مثلا كل تدوينات الشعر والادب, بستمتع بيها بس عجزت اني اعلق عليها فبكتفي بزيارتها وصرحت بكده لاصحابها

فيه ناس فعلا لتدون لنفسها؟ يمكن؟ بس التدوين بوجه عام استمتاع للقارئ والكاتب والاتنين لازم يستمتعوا بيه. التدوين وسيله للدخول لعالم جميل وكسب اصدقاء كتير كلهم ناس محترمه وجميله جدا

رغيت كتير؟ معلش بس النقط بتاعتك مهمه وكان لازم ارد عليها بوجه نظري

miroooo يقول...

عندك حق فى الخمس نقاط اللى انتى طرحتيهم فى البوست ده وانا متفقه معاكى بس لازم نحط فى اعتبارنا ان ممكن يكون صاحب المدونه مشغول ومش هيقدر يرد الزياره لكل اللى زاروه او يعلق على موضوعاتهم او حتى يرد على تعليقاتهم عنده فى المدونه يعنى ممكن نعذرهم شويه تحياتى ليكى ولمدونتك الرائعه

صوت من مصر يقول...

بس بقى يا ضد
سويت فايلوت
مش عاوز اقول انتى عملتى ايه
بس والنبى يا دنيا اساليها
دى عملت وسوت وشرحت وقطعت واكلت فيا
وكيارة تشهد

اقصوصه يقول...

اممم

فعلا مرات ما نقدر نكمل الموضوع

لانه احيانا يكون طويل

اما اني ارجع لكل رد انا كتبته

هالشي صعب جدا

لاني يوميا اترك عشرات الردود

صعب جدا اتذكر كل اماكن ردودي :)

من وجهة نظري ان المدونه صفحه شخصيه

لهالسبب اشوف ن من الطبيعي

اني اكتب فيها عن نفسي :)

El_Tahan يقول...

كل سنه وانتى طيبه وياترى بقى انتى بتعملى فعلا اللى فى الملحوظات اللى انتى حطاها دى

dr.lecter يقول...

بصي

انا في تدوينات مبردش فيها علي حد لاني بكون عاوز اشوف تعليفاتكم وبس او لاني مش قادر ارد ومش جايلي نفس وبابقي عاوز ادون وبس واطلع اللي جوايا واشارككم

انا عارف ان دي قله زوق بس انا مش من هواه ان اخلي عدد التعليقات 100 تعليق علشان يتقال عليا عندي زوار كتير وعندي موضوعات التعليقات وصلت فيها ل 70 و 50 تعليق لكن مش ده غرضي من التدوين

انا ياما بدون حاله خاصه بيا وساعتاها ياما باقفل التعليقات او بافتحها علشان تشاركوني

ياما بدون حاله عامه وساعتها بشاركمم وارد عليكم

انا اسف مره تانيه علي اني مكنتش برد عليكي بس حبيت اوضح لك

الشاعر الفنان أحمد فتحى فؤاد يقول...

أنا معاكى فى كل كلمة و كل حرف
و أحييكى على وضوح الرؤية
تشرفت بزيارتك
أحمد

غير معرف يقول...

أيها الفاني
لا سلا م عليك لأنه ديني الإسلام وافتخر به وصاني بان اسلم على من له دين وأنت لا دين لديك انته وجماعتك تعانون من نقص ومرض نفسي وانا متاكد من الشي هذا لأنه أنت وشاكلتك تعرضتم للقهر والاضطهاد الأسري من ضرب وذل وعدم اهتمام من الاهل وقصور في التربيه مما نتج عنه نقص في الشخصيه وخوف وشك وعدم استقرار عاطفي ونفسي وانصحك انت وشاكلتك زور اقرب طبيب نفسي للتاكد من كلامي لذلك انت انسان رافض للواقع وتلجا الي الخيال والحلم بالعيش بالحياه الماسنويه الي انت وغير درسها وهي تقدس الشيطان وتكفر بكل الاديان وتتلذذ بالخمر والنساء والجنس وانت بنفسك تهاجم الجنس والنساء المسلمات ؟؟

اسال نفسك واسال كل انسان على شاكلتك .. هل انت مرتاح نفسيا ؟ لا والله واقسم بالله انك تموت باليوم الواحد الف مليون موته لانك لا تجد الراحه النفسيه حياتك ضنك وجحيم وقهر ووساوس وهذا اكبر دليل واتحادك فييه انه كلامي صحيح ودليل على ذلك من خلال كتاباتك التي لا تخلو من السب والشتم والرفض للواقع لانه اي انسان راضي النفس سعيد يرا نظره تفاءل وحب للحياه ولكن انت واشكالك ترا الحياه موت وكره وبغضاء تبحث عن الراحه ولا ولن تجدها الى ان تموت وحتى بالموت ….اسال الله ان يهديك بس

اتقي الله في نفسك وفي اهلك وفي دينك اتقي الله في نفسك الذي كل يوم يعطيك الفرصه انت واشكالك للتوبه النصوحه حتى تعود الي ربك وتستغفر ذنبك وانت تعلم انك غلطان ولكنك تكابر نفسك على ذلك اتقي الله الذي لم ياخذ بصرك حتى ترى الحق .. اتقي الله الذي لم يشل يديك وانت تسب وتلعن لدين حتى تستغفر وتتوب اتقي الذي الذي تاكل وتشرب وتعيش على ارضه عاار عليك اذا جاءك شخص في بيتك واكل وشرب وشتمك تغضب وتثور فما بالك بالذي خلقك واشكالك من عدم واتمنى من الله العلي انه يردك اليه رد جميلا ..

وحسبنا الله ونعم الوكيل
ترقبوا ردودي المزلزلة من الآن فصاعدا
وكن جريئا وانشر تعليقي لو كنت تجرؤ

with you يقول...

السلام عليكم ورحمة الله وبركاته

تحياتي لفهمك السريع وتلميحاتك الصحيحة

وأوافق علي أغلب نقاطك كالأتي:

1:تمام أوافق.

2:تمام أوافق.وأزيد أن التعليقات أهم من البوست ذاته.

3:تمام أوافق.وأزيد عسي أن تكون هذه الرسائل أكثر إفادة من التحليلات.

4:أوافق علي النصف الأول : لا هذه كالضيف الذي حضر إلي بيتك وأنت لم تضايفه بالضيافة اللازمة.
وأوافق علي النصف الثاني.

5:تمام مظبوط أوافق

الله الله دا أنا موافق علي الـ5 نقاط لماذا لم أقل هذا من البداية أه أنا عامل زي الشريك المخالف أو نواب مجلس الشعب المهم أن أكون غير موافق


هههههه

تحياتي لحضرتك ولفكرك وسمو ذوقك

أتمني دائما التواصل

ففي التواصل نقلا للخبرات وتعميقا للفكر

تحياتي

محمد حياتنا

donya يقول...

Sweet Violet
-------------
دايما منوره اول تعليق
لكن ماتتأخريش
تحياتي

donya يقول...

فكرة من الزمن ده
----------------
اهلا اهلا
احب اوضح ان انا لم اقصد حد بعينه انا كتبت الملحوظات نتاج بحث في البلوجر كله
نورتيني

تحياتي

donya يقول...

beautiful mind
--------------
اهلا بيك
فعلا في ناس بتكون كاتبه بوست طويل لكن مهم جدا
ودايما الخلاصه بتكون في اخر البوست
ومش مهم نفعد ليل نهار علي البلوجر
كفايه ساعتين بس ندي المواضيع حقها علشان في بوستات قريتها عند ناس كنت حابه نتناقش فيها
وتركت تعليق ومااتردش عليا
طيب ليه مش فاهمه

تحياتي

donya يقول...

غير معرف
--------
مش فاهمه ليه انت كتبت بغير معرف والمدونه اللي بتقول عليها انا مازرتهاش لكن هزورها واشوف وفعلا مايصحش نسرق افكار بعض
لكن لو بوست عجبني او فكره عجبتني ممكن احط اللينك بتعها بأسم صاحبها ونتشارك كلنا في الفايده

تحياتي

donya يقول...

الشعب لابد له من حكومه تشكمه
----------------------------
اهلا اهلا
انا كمان بعمل كده وعمري ماحسبت زياره بزياره
وبدخل اقري ومااعلقش لأن تعليقي ساعات كتير بيكون نقاش في موضوع البوست طيب لو صاحب البوست مااتناقش في تعليقي وتساؤلي ايه لزمة اني اسيب تعليق تاني
خلاص بروح عنده برضه ومابسبش تعليق
بعرف انه بيكتب لنشر دعوه او فكر من غير ماحد يناقشه
ترفع بقي قلت فضي مش عجبينه مش فاهمه
فين بقي التواصل مش عارفه

ومش مهم انه يزورني لا المهم انه يرد علي تساؤلاتي عنده

تحياتي

donya يقول...

Timo..
------
اهلا بيك
اقري ردي علي شيما

والمفروض ان التدوين تواصل والتعليقات والنقاش مهم مش اساسي بس مهم برضه
يمكن لما تناقشني في فكرتي نخرج بحاجه او فكره اكمل واحسن

تحياتي

donya يقول...

'' حطام (ك) بقايا ''
-------------------
اهلا بيكي
انا مش بتكلم علي الظروف الطارئه
لا ده بيكون سياسة المدون كده مايردش علي التعليقات وكمان مايروحش عند حد

تحياتي

donya يقول...

سجود
-----
اهلا اهلا بيكي

نورتيني

تحياتي

donya يقول...

sookra
-------
اهلا بيكي
مساء النور
كل سنه وانتي طيبه
الحمد لله اكلت كل حاجه ههههههه
ماتدوريش علي نفسك في البوست انا لم اقصد اي حد بعينه
ملاخظتي كانت علي البلوجو كله

اما اخونا اوشو مالوش رأي في التدوين ده راجل عامل صيدليه للحياه
وعامل فيها فيلسوف

بالنسبه للشموع بحبها جدا هي جميله ورقيقه وفي نفس الوقت بتضحي بنفسها وجمالها علشان تنور لنا وننبسط
وياسالام لو معاها وحوليها ورد
بتكون جميله وبتدي جمال للمكان

تحياتي

donya يقول...

اسماء واحلام فى وجدانى
--------------------
اهلا بيك ياشاعرنا
كلامك جميل مافيهوش حاجه لكن في ناس بتتعمد تجاهل التعليقات
وياريت تقري ردي علي شيما وسكره

بالنسبه لمريم نور ربنا معاك دي عامله كذا بيت علي النت بيت الحق وبيت السلام وبيت الله مش فاضل غير بيت العز يابيتنا
هتلاقي كلام كتير مافيهوش حاجه من اللي مكتوب في اللينك اللي اديتهوني
الناس بتحارب اي فكر جديد مش عايزين الناس تشغل عقلها اللي ربنا اللي خلق العقل ده امرنا اننا نشغله

ومش هنرجع لأوشو ليه علشان بوستاته تقيله اغلب اللي بيجوا مابيقروش البوست كامل وماحدش حاول يتناقش في كلامه خالص

البوست الجاي هحط اللينك واللي عايز يزوره يبقي يروح عنده يقرا هو

بالنسبه للمغاره ادينا دخلناها وعمالين ننهل منها
لكن ليه الحزن مع انك بتحب القطط

تحياتي

donya يقول...

حنعيش يعنى حنعيش
-----------------
اهلا بيك
شكرا علي ترحيبك بي

وكل سنه وانت طيب

تحياتي

donya يقول...

فراشة
------
اهلا بيكي يامني
نورتي المدونه

مش شرط اني ازور حد اطلب منه ان يجي عندي ويعلق

لكن لما اناقشه في اللي كتبه يناقشني

تحياتي

donya يقول...

صوت من مصر
------------
اهلا بيك
حاضر هسألها لكن انت ماقلتش رأيك

تحياتي

donya يقول...

blue-wave
-------------
اهلا بيك
لو موضوع وقت وكده علي الاقل هيرد علي التعليق اللي اتسئل فيه سؤال

وبيكون مره مش كل مره


تحياتي

donya يقول...

قلم رصاص
--------
اهلا بيك

كل سنه وانت طيب
نورتني

تحياتي

donya يقول...

well
-----
اهلا وسهلا

ماهي الظروف بتكون مش علي طول
والا ايه
نورتني
تحياتي

donya يقول...

مواطن مصري
------------
وارد ان يكون في ظروف
ماهو انا كتبت البوست وكان عندي ظروف ماعرفتش ارد غير دلوقتي

لكن في مدونين هي دي السياسه علي طول
ولم اقصد بالتواصل المقابالات المنظمه
قصدت التواصل في التعليقات

نورتني

تحياتي

donya يقول...

الحسين محمود
-----------
اهلا بيك
الحمد لله اكلت كل حاجه

اللي كاتب كده صح هو حر دي مدونته يكتب فيها اللي هو عايزه

وكمان انا حره لما اعلق عنده ويكون عندي سؤال ومايردش عليا ادخل واقرا وامشي من غير مااتكلم معاه

ومش بطالب ان كل اللي يزور حد لازم يزوره لكن علي الاقل يرد علي مناقاشاته في التعليق اللي سابه عنده

اقري ردي علي شيما فوق خالص

تحياتي

donya يقول...

Angel
-------
مساء النور
الحمد لله انا تمام
كل سنه وانتي بخير

ومعلش هو لانت كده بقي رخم اليومين دول

ومش زعلانه منك عارفه انها ظروف طارئه
لكن اللي سياسته كده عايزه اعرف ايه وجهة نظره

واظاهر بقي ان كل مامدون يكتب حاجه لازم يقول انها مش ش شخصي
هههههه

نورتيني

تحياتي

donya يقول...

فتاه من الصعيد
---------------
اهلا وسهلا بيكي
كلامك جميل
لكن اللي بيدون لنفسه ماشي ماعنديش اعتراض
مايفتحش التعليقات
او لو هو حابب يعرف راي الناس يفتح التعليقات ويقول انه بيعتذر عن الرد
علشان ماعندوش استعداد يناقش مشاعره مع حد

يكون في احترام للأخر

نورتيني

تحياتي

donya يقول...

MOHAMMED ELBANNA
-----------------
اهلا بيك
كل سنه وانت طيب

عندك حق المهم النشر لكن كمان المهم لما حد يوجه لك كلام ترد عليه
ينفع تكلم حد ومايردش عليك ينفع

نورتني
تحياتي

donya يقول...

Sweet Violet
-------------
علشان تعرفي جيتي متأخره قد ايه
ولو استنينه سياتك هنكتب بوست تاني
في ايه يابنتي ماكنش في مواصلات والا ايه وايه الهيصه اللي عاملها صوت من مصر عملتي فيه ايه والا عمل فيكي ايه
قولي

كلامك كله في الجون وتعليق ميه ميه

اما لو قعدت اكتر هعمل ايه هوله في المدونه وحياتك ههههههههههه

نورتيني يامتأخره جدا عن الموعد

تحياتي

donya يقول...

زهور الامل
-----------
اهلا اهلا بيكي

كل سنه وانتي طيبه

انا بزورك كل ماتنزلي بوست جديد علي طول

وربنا يعينك ويسر لك الاحوال

نورتيني

تحياتي

donya يقول...

واحدة مفروسة
-------------
اهلا بيكي
المدينه منوره بيكم انتم

وكل سنه وانتي طيبه وبخير

انا شخصيا لما بلاقي حد نزل بوست جديد
علي طول بروح واقرا واعلق وعلي فكره مش كل البوستات اللي بتحتاج تعليق ياخد وقت

نورتيني

تحياتي

donya يقول...

ست البنات
------------
اهلا وسهلا بيكي

كل سنه وانتي طيبه

واللهم صلي وسلم وبارك عليك يارسول الله


نورتيني بالزياره

تحياتي

donya يقول...

Tamer Nabil
-----------
اهلا بيك
انا كمان بتمني ان يكون في تواصل اكبر بين المدونين

تحياتي

donya يقول...

أحمـــــــــــــد أبو العلا
-------------------------
اهلا بيك
علي فكره انا معاك في اغلب كلامك
لكن ما ينفعش اني ازور بوست واناقش صاحبه فيه ومايردش عليا
واللي بيعمل مدونه اعتقد ان دي مسؤليه في حاجات كتير
لازم يكون قدها

ويحاول بقدر الامكان يتواصل مع الناس

وارغي يافندم زي ماانت عايز
لو كل الرغي مفيد كده يبقي ياريت الناس تفضل ترغي علي طول

تحياتي

donya يقول...

miroooo
----------
اهلا بيكي
كل سنه وانتي طيبه
ان الانسان ينشغل مره مرتين لكن علي طول
هو ده المقصود

نورتيني
تحياتي

donya يقول...

صوت من مصر
-----------
ماانا سألتها مارديتش عليا

ماتقول انت

ومين كياره

تحياتي

donya يقول...

اقصوصه
--------
اهلا بيكي

يعني بنحاول نرجع لكل رد او زي احمد ابو العلا مابيقول لما ندخل نعلق في بوست تاني نشوف الرد علي البوست الي قبله

نورتيني
تحياتي

donya يقول...

El_Tahan
---------
اهلا وسهلا بيك في اول زياره

الحقيقه بحاول اعمل علي قد مااقدر

علشان اتابع الافكار المطروحه

تحياتي

donya يقول...

dr.lecter
---------
ايوه بصيت اهو

شفت انت قلت ايه بتقفل التعليقات
اهو وشهد شاهد من اهلها اهو

وعلي فكره انا مابقصدش حد معين انا بتكلم علي البلوجر كاكل

نورتني

تحياتي

نوادر يقول...

والله يادنيا انت عندك حق فية كتيير اوى بيعملو ال خمس نقط دول وانا اول واحدة بعمل كدة بس دة علشان انا لسة جديدة على عالم النت والمدونات عموما لكن فعلا احنا محتاجين تواصل اكتر من كدة ولازم التعليقات تكون فى الموضوع والا فعلا كل واحد يكتفى بمدونتة وبس عشان المقصود بالمودونة هو نشر الافكار والمعلومات والاستفادة منها اما بخصوص التجارب الشخصية فكل واحد بيكتب قصة او قصيدة بيكون متقمص الشخصية عشان يكتب الاحساس اللى بيوصل للمتلقى والا تكون قصة غير متواصلة وعموما انا استمتعت جدا بقرائة موضع يادنياوارجوا تتقدمى اكثر

ريمان يقول...

فعلا المفروض ان اللى بيزور المدونه يقرا البوست كامل


وبرضه المفروض على صاحب المدونه انه مش يكتب بوست طويل عشان الملل


وفعلا لازم يبقى فى تواصل فى الزيارات والتعليقات لان دى هى اللى بتعمل روح للتدوين اصلا

تحياتى ليكى


كل سنه وانتى طيبه

سمكه واحده يقول...

مساااااااااااء الخير
اولا
ثانيا
معاكي جدا في الخمس نقط
الا الاخيره والله لسبب بسيط سعات الواحد بيكون حاله المزاجيه مش في المود او مشغول او او مش عدم اهتمام بالاخر
بالعكس
انا الفتره دي اعتبر واحده منهم بس مش هكتب حاجه لان ببساطه بحب جدا الي بيعلق عندي وبحترمه وبجري علي مدونته عشان ارد عليه
بس سبب من الاسباب اللي قولتياه هو اللي بيأخرني
دخلت مدونتك كذا مره والله وكل ما ارد يحصل حاجه ودي بتحصل معايا كتير في كتير من المدونات
وبما اني مبحبش اقري اول سطرين او ارد زياره وواجب وخلاص انا مش من النوع ده تلاقيني بستني لمنا اكتب باهتمام واكون فاضيه
مش كلمتين ومع السلامه فض مجالس
وبجد بعتذر عن غيبابي عنك
وكل سنه وانتي طيبه ياقمر
سماح المره دي
ادعيي انتي بس
لاني تعبانه شويه والله مش بقدر اقعد كتير

donya يقول...

الشاعر الفنان أحمد فتحى فؤاد
----------------------------
اهلا بيك
في اول زياره للمدونه
وان شاء الله ازور مدونتك
تحياتي

donya يقول...

with you
---------
وعليكم السلام ورحمة الله وبركاته
اهلا بيك في اول زياره
وشكرا علي تعليقك المميز

تحياتي

donya يقول...

نوادر
------
اهلا بيكي
كلامك مظبوط يانوادر عندك حق

نورتيني

تحياتي

donya يقول...

ريمان
----
اهلا بيكي
كل سنه وانتي طيبه

ساعات بيكون البوست طويل غصب عن المدون لتوصيل الفكره مش مهم انه يكون طويل المهم انه يكون في المضمون ومش ممل

نورتيني
تحياتي

donya يقول...

سمكه واحده
----------
اهلا بيكي
كل سنه وانتي طيبه
الحقيقه انا مش قصدي الناس التعبانع او اللي ساعات بتكون مش في الموود لا دي حاله طارقه وبتتقدر انا بتكلم علي المدونين اللي هي دي سياستهم

نورتي
تحياتي

Ahmed يقول...

انا رجعت عشان الموضوع مهم
يعني احنا كده ممكن نوصل لمساحة اتفاق


ان التعليقات لو بتفتح باب مناقشه او تساؤل ومحتاجه رد, يبقى نرد لما ده مدونتنا او نعلق ونرجع نشوف التعليق والرد تاني لو دهي مدونه احنا بنزورها. لكن لو وجهات النظر واحده يبقى مفيش مشكله لو محصلش رد. والجزء التاني ان الناس لازم تزور بعضها ويحصل تواصل

ممكن نتفق على ده ولا ايه رأيك؟

نهر الحب يقول...

عندك حق في كل اللي قلتيه علي فكرة
بس نقطة ان حد ممكن يقول تعليق وبعدين ميدخلش تاني يمكن تكوني رديتي عليه دي بتحصل لاني مثلا عن نفسي ممكن في اليوم ادخل مدونات كتير اوي ومفتكرش دخلت عند مين وقلت تعليق عند مين
الناس اللي مش بيردوا علي التعليقات عندهم بتكون بس مشاغل

بالنسبة للكتابات الرومانسية هي الحقيقة حصلت معايا كتير وده لان اللي بيقروا مش بيكونوا عارفين وحتي لو قعدتي تبرري انها مجرد خاطرة مش حيصدقوا

لازم تدي ملاحظة كل شوية عشان الناس يقولوا رايهم في النص مش في التجربة

تحياتي ليكي
رايي ده بعد 3 سنين تدوين توقفت فيهم عن التدوين فترة وعدت تاني

Cute Kitty **sookra يقول...

دنيا الشموع

انا موش كنت بدور على نفسى فى البوست
انا بس اخدتنى انا كمثال
تحياتى ودومتى بخير
حلوه دومتى دى
ممكن اقولك حاجه
انا حاسه ان مدونتك دى موش المدونه الاولى
وحاسه انى اعرفك موش عارفه ليه

almasry يقول...

تعرفى حضرتك ان ده نفس اللى كنت سيبت التدين بسببه



مش عارف ليه المجاملات كترت قوى كده


مفيش مانع منها بس ... نقول رأينا فى فكر بعض ... ولا إيــــــــــه؟؟؟؟



المصرى

donya يقول...

أحمـــــــــــــد أبو العلا
--------------------------
اهلا وسهلا تنور في اي وقت يافندم تاني وتالت ورابع

دايما النقاش الهادف اللي فيه احترام للرأي والرأي الاخر بيوصل فيه الطرفين لحلول جيده واتفاقيات

وانا متفقه معك تمام الاتفاق
والمقصود هو التواصل وتوصيل الافكار الجيده لبعض وكذلك المعلومات المفيده

شكرا علي اهتمامك

تحياتي

donya يقول...

نهر الحب
-------
اهلا وسهلا بيكي في اول زياره لمدونتي المتواضعه

انا بخص التعليقات اللي بيكون فيها سؤال او حوار يجب الرد عليه

واعتقد ان لازم فعلا لو بنكتب بوست عن تجربه ننوه انها ليست تجربه شخصيه

نورتيني
تحياتي

donya يقول...

sookra
------
اهلا بيكي
انت كمان دومتي بالف خير
الحقيقه دي مدونتي الاولي واول تواجد لي في البلوجر

يمكن احنا تقاربنا فكريا فحسيتي اننا نعرف بعض قبل كده
وده شئ يشرفني جدا

نورتيني

تحياتي

donya يقول...

almasry
-------
اهلا وسهلا بيك في اول زياره للمدونه

انا معاك لازم نقري البوست كويس
وكمان نقول رأينا بصراحه الفكر مافيهوش مجاملات

نورتني
تحياتي

amirelhob يقول...

والله انا ببوص على كل التعليقات وبرد عليها وبقرئ كل البوستات عشان مكونش مبالغ فى تعليقى او مكنش ظالم وانا عاكى جدا فى النقاط كلها ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

Dr. Ibrahim يقول...

والله كلام زى الفل يا فندم
انا عن نفسى برد وأعلق وأرجع فى أغلب الأحيان ولكن هذا يتطلب متابعة مدونات بعينها نظرا لضيق الوقت للجميع وهذا تقريباً ما يحدث الكثير منا يتابع مدونات بعينها ولا يتلفت لغيرها إلا فى أحيان قد تكون مصادفة أو يلفت نظر المدون أن تعليق هذا المدون أجمل من غيره أو انه هو الذى فهم الموضوع فى المواضيع التى يوجد فيها ألغاز ولا يفهمه سوى كاتب الموضوع
فيشد إنتباهه ويبدأ يتباعه ويتابع كتاباته وهكذا وقد يكون بعض المدونين مشغولين فى فترات معينة فقد يكون أغلبهم طلبة جامعات وهكذا فترة الشهرين اللى حضرتك قضيتهم تقريباً فى فترة دراسة :) والكل مشغول أصبرى سنة كاملة بأجازتها بكل حاجة وأنتى هتصلى للحكم النهائى :)
وعلى الرغم من ذلك يوجد الكثير بيزور المدونات ويعلق وكل حاجة بس
الصبر ويمكن فترة شهرين مش كفاية أنا عن نفسى فضلت فترة طويلة أشكو من قلة التعليق على الرغم من الزيارات الكثيرة لغيرى

بالتوفيق إن شاء الله
وتقبل الله منا ومنكم صالح الأعمال

mohamed ghalia يقول...

السلام عليكم
أخبارك حضرتك
كل سنة وحضرتك بخير
انا متفق مع حضرتك تماما فى موضوع الخمس نقط الى ناقشتهيم
وسعيد جدا ب{أى حضرتك فى مدونتى
وخصوص موضوع الكتاب والله ده متوقف على دور النشر الى هتعرض عليا
حاليا المتاح بس كتاب الكترونى
وميرسى لإهتمام حضرتك

سامر محمد عرموش يقول...

الاخت الكريمة دنيا
كلامك كله في محله لكن يجب ان نقر ان عالم التدوين عالم كبير ومختلف ومتنوع وكل مدونة تكون صورة لصاحبها فقد يكون شخص اجتماعي او شخص انعزالي شخص
وهكذا طبعا انا لا اجد لهم الاعذار فقط اوضح الامر
جميل ان نعلق في مدونات الاخرين والاجمل ان يعلقوا في مدونتي ومن الضروري الرد على التعليقات احتراما لها ولاصحابها
الف شكر
تحياتي

غير معرف يقول...

أيتها الزانية أيها الزاني
لوثتما الأرض ولوثتما الجو برائحتكما العفنة في كل مكان, استاءت منكما الأرض وانتفضت وتمنت لو تنشق وتهشمكما حتتاً بين أحجارها من غيرتها على انتهاككما لحرمات الله جل في علاه, تمنى الأوكسجين في الجو أن لا يدخل رئتيكما لتموتا خنقاً مثلما خنقت الأحياء رائحة العفن الخارجة من جرمكما, تمنى الدم الذي يجري في عروقكما أن يغلي ليصلخ لحمكما الغارق في الرذيلة لكي لا تذوقا سوى طعم العذاب
أيتها الزانية, اعلمي انك كلك ملك لله, أنت أسيرة عند الله, الله خلق لك هذا الجسد ونفخ فيه الروح وصوركِ كيفما شاء, وأحياك من بعد ما كنتي شيئاً ليس مذكورا, وأخرجكِ من بطن أمكِ, وأحياكِ إلى هذا العمر, وأطعمكِ وكساكِ وحفظكِ ورعاكِ, جسدك هذا أول ما سيتعفن منه بعد زجك في صندوق عملك (القبر) هو البطن والفرج..سبحان الله هذين الجزأين اللذين يركض بني آدم ليشبعهما في الدنيا هما أول ما سيتعفن بعد موته, فهل تختارين أن تشبعي هذا الجسد بالرذيلة؟!
دماغك الذي يساعدك على الإحساس, و وصلاتك العصبية, خلايا جسمك, كريات دمك البيضاء والحمراء, نسيج لحمك وعظمك, قلبك النابض..كل هذا من الممكن أن يفنى في ثانية أو أقل من الثانية, جسمك الضعيف هذا لا يقوى على شيء, فكيف تضمنين انك لن تموتي وأنتي تمارسين الرذيلة؟!

كراكيب يقول...

اشطة
كلام تمام التمام
سمع وفهم وينفذ يا معلمة
:)

بس اللي عايزة اقوله فالمدونين اللي ممكن مايردوش الزيارة
الموضوع ده بيبقى في حاجة من التلاتة
يا اما زي حالاتي بيدخل البلوج بتاعه هو شخصيا كل فين وفين لأسباب متعلقة بانه معكوك في الدراسة مثلا او مشغول او اي بتنجان بقى
يا اما انا دخلت عند حد لاول مرة وجيه يرد الزيارة دخل مدونتي ماعجبتهوش ولا عجبه البوست اللي انا كاتباه فبيفضل ما يردش اصلا بدل ما يدخل ينافق او يقول اي كلام في العبيط
اما الحاجة التالتة بقى انه عادي يعني طنش وكبر دماغه زي ما انتي بتقولي كدة

اللي اقصده ان مش الكل بيبقى قاصد يطنش
موووووشي؟؟؟

يلا مستنيين موضوعك الجديد بقى
;)

miro el niro kwaniroooo

الملكة هند يقول...

كلام جميل حبيتى دنيا

ياريت بجد كل المدونين تهتم بما يكتب الاخرين

تحياتى

donya يقول...

amirelhob
----------
اهلا وسهلا بيك
اهو الواحد علي قد مايقدر بيروح يزور ويعلق

نورتني
تحياتي

donya يقول...

Dr Ibrahim
--------------
اهلا بيك يادكتور
الحقيقه الواحد بيحاول يزور المدونات كلها بس مش اي مدونه بزورها بترك فيها تعليق اللي بحس اني لاقيت فكر فيها
وانا لااشكو من قلة التعليقات بال اشكو من عدم التواصل انك تسيب سؤال لصاحب البوست والا يرد عليك والا يتناقش اصلا

كل سنه وانت طيب

تحياتي

donya يقول...

mohamed ghalia
----------------
وعليكم السلام ورحمة الله وبركاته

انا الحمد لله رب العالمين
وكل سنه وانت طيب
تمام اوي ربنا يبعت لك ناشر يكون ابن حلال كده

اما كتاب الكتروني تبقي فكره جميله

تحياتي

donya يقول...

سامر محمد عرموش
-------------------
اهلا بيك

كلامك برضه وجيهه فعلا ممكن يكون من احد الاسباب

والتواصل مهم

تحياتي

donya يقول...

كراكيب
-------
اهلا وسهلا في اول زياره
عامله انا ملف علي الكمبيوتر بتاعي مسمياه كراكيب

ربنا يعينك علي المذاكره

شكرا علي كلامك اللي برضه وجهة نظر جيده

نورتيني ومستنيايك تاني ورايحه حالا اشوفك كركيبك زي كراكيبي والا لا

تحياتي

donya يقول...

الملكه هند
-----------
اهلا وسهلا بيكي

ياريت فعلا نهتم بكلام بعض ونحترم اراء بعض وماحدش يزعل من المناقشه او الاختلاف

نورتيني

تحياتي

سجود يقول...

السلام عليكم
انا معاكي ان الوطن مسلوب وانا بحب ارض الوطن ولكن انكر تصرفات من عليه
واتمني انهم يتصلحوا لان انا واحده منهم

اسماء واحلام فى وجدانى يقول...

ازيك يا دنيا بتغيبى فى اوقات حرجة او يمكن انا اللى بانشر كل يوم بوست معلشى بقى حالة وهتعدى ولازم اانتخ شوية ، بالنسبة لمريم نور ربنا يسهل لانى باشوف حاجات جديدة شوية اما بالنسبة لاوشو فطبعا كنت مبسوط اوى بالحوار اللى مش كمل بينا بس مش مشكلة اى موضوع هينزل هنا لازم اخترع فيه حوار ماليش دعوة بقى ،، ومغارة الهامى مش تخافى قلب السبع ما يخلاش هتلاقى كل ما تتمنيه حزن قتل ضرب نار اكشن كوميدى الخير كتير والحمد لله ،، بالنسبة بقى لبوست النهاردة اللى من غير عنوان انا كتبته فى البيت مش فى مديرية الامن وبعدين كل ما اكتبه مش شرط ان اعيشه بس عادة فيا لو حبيت بحب بجد وما دام بحب بجد يبقى الانسانة دى من حقها تعمل اللى هى عايزها بمعنى ادق انى اخليها تحس انى حتة منها وطبعا حب بالشكل ده لو اتخان يبقى مهما قلت من حقى وممكن اخلى اى حد يتاكد انها باكرهها بجد لانى باعيش الاحساس اللى باكتب فيه بكل تفاصيله ،، اما عن الحزن والقطط فالقطط شىء جميل فى حياتى انما الحزن شىء عابر بيجينى ساعة ما باكتب بس وغير كده صعب تلاقيه او حد يحس به لانه مأمن مكانه جوايا انا بس اللى احس بيه ، نورتينى وبتنورينى دايما

اسماء واحلام فى وجدانى يقول...

نسيت اكلمك عن البنات الامامير
البنت عموما او المرأة بوجه اكمل لا يستطيع الاستغناء عنها وكذلك الرجل ولكن المرأة بكل تاكيد هى النصف الاجمل فى الحياة لما تملكه من عطاء وحب وحنان ودفء واجمل ما فيها احساس الامومة الذى تملكه ، بس انا باتكلم عن حالة فردية

بين الرجالة فى غدراين
وبين البنات فى بردوا غدرين
هو ده حال الدنيا

Ahmed Fayez يقول...

"رابعا

بعض المدونين لا يردون علي المعلقين عندهم و لا يقومون برد الزيارة ايضا
وهذا تصرف لا افهمه"


أحيانا المدون بيكون مشغول .. مابيقدرش يرد على التعليقات .. ممكن نلتمس للناس العذر ..

و بالنسبة لرد الزيارة .. فممكن يكون الشخص اللي علق بيكتب في مواضيع لا تثير اهتمامي و لا تستهويني .. او يكون مواضيع مدونته مش بالدرجة اللي تسمع بالتعليق .. كل واحد بيعلق على تدوينة عجبته او مش عجبته و حب يعلق عليها .. بس مش معنى كدة ان كل شخص يعلق عندي في المدونة يبقى لازم اروحله و اعلق عنده انا كمان من باب رد الزيارة


** باقي النقط انا بتفق معاك فيها.

Unknown يقول...

لولولوىىىى
لولولوىىىىى
لولولوىىىىىى
يسلـــــم فُمك
يااستاذ شحاته:)
انت قلتى المفيد جداً :
حأرد واحدة واحدة بالراحة
محدش يستعجلنى فاااااااااااهمين
1-انا دى وبصراحة بعملها لما
تكون التدوينة طويلة جداً.
2-هذا خطأ اوفقك عليه
لكن برضه ممكن مايكونش فاضى
عايز يلحق يعلق عند حد تانى وبالتالى
يستفيد معلق وتعليق جديد.
3-برضه موافقكِ فيها ولو ان الواحد
ساعات بياخد على كده او ان الكلام بيقى صادق اوى وصعب انه يكون مجرد حكاية!
4-ايوووووووووة هى دى اللى بتضيقنى جداً
لأن كلمة شكراً مش حتكلف المدون حاجة وأحنا مش بربارا والترز مشغولين اوى كده يعنى !
5-سبق وأقترحت هذا على احدهم لما
عاتبته وسألته ليه مابتردش يااستاذ انت (عايزة اقولك كان واحد مشهووووور اوى جداً خالص )
ورد مخصوص عليا ان بيوصله كل يوم اكتر من 600كومنت (اللهم لا حسد)وبالتالى يرد عليهم أمتى وازااااااااى ياجماحة
الله يكون بالعون ياسيدى :)المهم برضه ما سكت وسألت طيب ما تقفل التعليقات يرد يقولوا لأ ما ساعات بتضيف التعليق اشياء للبوست او بيبقى فيه استفسار......شفتى الاخلاص شفتى الوفاء
كفاية كده وابقى لما ارجع من (العذاب)قصدى المحاضرات ابقى اجى اكمل ولا كفاية خالص ها ردى وان اجى:)

يساري نوبي يقول...

و الله انتي دماغك باظت و انا متأكد ان عمنا اوشو هو السبب
بس عامة كلامك صح 100% و ف ناس كتير ككدا بتدون عشام مزاجها الشخصي و بس لكن ف ناس تانيه حبوبه زي مابيقولوا عندنا ف النوبه و بيتعاملوا بشكل ودي و جميل زيك كدا و طبعا انتي عارفه ان مدونتي اصلا بتاعتك و انا قابلك كدا من زمان و انتي مش راحماني و قارفاني هناك و واجعه دماغي
علي فكره انا شيلت التأكيد اللي كنتي بتقولي عليه بس والله ماكنتش واخد بالي منه خالص
شكرا يادوندون
تحياتي

donya يقول...

سجود
------
اهلا بيكي

انا كمان بحب وطني
لكن بكره تصرفات بعض سكانه

تحيات

donya يقول...

اسماء واحلام في وجداني
--------------------

اهلا بيك انا رديت هناك عندك


تحياتي

donya يقول...

winner
-------
اهلا بيك في اول زياره للمدونه

لا مش ده اللي اقصده اللي اقصده ان لما اسيب تساؤل في تعليق او انزل بوست للمناقشه يبقي لازم ارد علي اللي هيناقش

وعلشان اعرف ارد يبقي لازم اعرف علي الاقل توجهات صاحب التعليق يبقي علي الاقل اقوم بزيارة مدونته

انا علقت عند مدون ادخل عنده لأول مره ماكلفش خاطره يجي البروفيل بتاعي يعرف انا بنت والا ولد
وكتر خيره رد عليا في التعليق علي اني ولد

تحياتي

donya يقول...

norahaty
----------
اهلا يادكتوره

اتفضلي حضرتك مدونتك ومطرحك
كلامك صح الصح
ومستنيه حضرتك لماترجعي بالسلامه

نورتيني

تحياتي

donya يقول...

يساري نوبي
-----------
اهلا اهلا
ازيك
انت فين رجعت من النوبه امتي
علي فكره انا دماغي بايظه من زمان
مش اوشو اللي هيجي يبوظها
تقريبا انا مولوده دماغي بايظه اساسا
هههههههه
وكمان مش هرد علي الباقي
ليك مدونه ارد عليك فيها
وانا رايحه مدونتي هناك بتاعت النوبه ارد عليك هنا
ال قرفاك ال

انت لسه شفت حاجه

نورتني

تحياتي

Arsenal Way يقول...


بسم الله

ممكن أشارك ؟

آه طبعا يا فندم إتفضل

شكرا خالص

D:

بصي يا دنيا

عندك حق في كل اللي قولتيه

يعني مثلا انا اهو جاي ارد ع البوست بعدها بعشر ايام

ليه بقى ؟ عشان انا فاشل

هههههههه
و دايما متأخر

فعلا احيانا الناس مش بتقرا البوست وتعلق

و في ناس ترد عليكي و انتي تردي عليها و المفروض تتناقشوا .. يقوم ميجيش تاني ويسيبك تكلمي نفسك

اللي يغيظ اكتر اللي يقرا و ميعلقش هههههههه

اما اللي مش بيرد على الناس احيانا ممكن يكون مشغول او ماشابه

انا شخصيا احيانا مش برد ع التعليقات لاني بكون منشغل جدا رغم اني عاطل هههههه
لكن فعلا بكون مضايق جدا ونفسي اعتذرلهم شخص شخص

حاجه اخيره الناس اللي بتدخل تشتم

انا اتهريت شتايم يا دنيا

عااااااااااااااااااااا

ربنا يهديهم

بوست جميل جدا

ممكن اخد جايزة اخر تعليق

ههههههههههههههه

سلام بقى احسن اكون طولت عليكي و لا حاجه

P; P:

Unknown يقول...

صباح الخيـــر
من ضمن الحاجات
كمان اللى يسيب
الناس تعلق وتكتب
ويجى هو بعد شهرين
يقولك شكراً
ياجمااااااااااااحة:)
بس اصل انا مشغول اووووى
لو حصلت مرة معلش افوتهااااا
لكن لما تتكررررررررررررررررر
مرتين تلاتة يبقى مقصودة بقى وأخد
بعضى وما ارجعش تانى وحتى ما احاولش
ادخل مدونته علشان ما ازودش العدد
بتاع العداد بتاعة يمكن كل 10 تدوينات اروح اشوف كتب ايه
وخلاص .بس بصراحة برضه
يادونيا ياغرامى انتى
لكل قاعدة استثناء
بمعنى هناك مدونات
بتعمل كده لكن
انا بحبهااااااا
اعمل ايه فى نفسى
بحبها يادنياااااااا
واعلق تانى وتالت ورابع
وكمان فيه مدونات تستاهل
تعلقى فيها ويتكتب اسمك فيها
لان اللى بيدخلوها واللى كاتبها
محترم وله وزن وقيمة وكلامه يستحق
التعليق عليه....طولت انا معلشى
بس قلت لك كل اللى بفسى فيه بالمرة
بقى ما تنسيش (الايميلات)ان جايز
المدون بيرد على اللى بيعلق عنده
فى الايميل (نوع من الرد الخاص)
وكفاية رغى كده على:)
سلاااااااااااااااااام

donya يقول...

اهلا بيك
طبعا تشارك يافندم ده شرف لينا
المدونه تحت امرك

مش مهم انك جيت بعد عشر ايام من البوست المهم انك قريته واتفاعلت معاه
والفكره وصلتك
واديني برد عليك

وانا مش بتكلم علي الاسثناء
لا بتكلم علي اللي هو ده سياسته متعالي علي الناس مش بيرد عليهم

اما الشتيمه دي عادي
هي دي حيلة الضعيف انه مش قادر يناقش فابيشتم علشان ترد عليه وتبقي زيه سطحي
احسن حاجه انك تنشر الشتيمه وماتردش عليه ترد علي كل اللي علقوا عندك الا هو
مره في مره هيمشي يجر اذيال خيبته

وطول يافندم زي ماانت عايز

وياخساره الدكتوره نورهاتي اخدت جائزة اخر تعليق منك

تحياتي

donya يقول...

norahaty
----------
مساء الفل يادكتوره
نورتيني

كلامك صح كله

فعلا في مدونات انا دخلتها لاقيت اصحبها مش بيردوا علي اي تعليق خالص
منهم من بحب ادخل واشوف ايه الموضوع واخرج

ومنهم من اج ان من حقهم اني اقول رأي ورزقي علي الله

تحياتي

z!zOoOo يقول...

انا هدخل في الموضوع علطول لأنه مهم

وبصراحه في الجون

ولا بعض المدونين لا يقرئون البوست كامل يكتفون بسطر او سطرين ويعلقون وبالتالي يكون التعليق منقوص و البعض لا يقراء البوست

ده بيحصل كتير فعلا وده شيء ماينفعش لأن ده مش بيضمن قدر اكبر من التواصل

ولازم قبل ما تعلق علي اي حاجه لازم تحس الحاله الاول

ملاحظه ان كل ما حد يكتب تدوينه تحتوي علي مشاعر و احاسيس او تجربه التعليقات تنصب ان كاتبها هو صاحب التجربة وهذا ليس بالضروري


معاكي حق بس انا عامه قليل لما بكتب حاجه مش من كتابتي
ولازم كمان الي منزل الموضوع يوضح


رابعا بعض المدونين لا يردون علي المعلقين عندهم و لا يقومون برد الزيارة ايضا وهذا تصرف لا افهمه

ديه بقي انا

وانا عارف إنه شيء بيضايق الناس
لكن صدقيني انا حصلت معايا كام خناقه مابقتش ارد علي حد

وكمان من بعد وفاه والدي بقيت بنزل واتابع تعليقات الناس وارد الزياره
ولو شيء محتاج توضيح بوضحه يا عندي يا عندهم

النوع الاخير بقي

انا صحيح برضه بدون لنفسي عشان اقتناعي الشخصي بالي بكتبه

لكن بيهمني جدا رأي الناس لأني بشوف إن ليا دور وكلنا لينا دور زي وسائل الاعلام بنوصل رساله للمتلقي وبنفيد الناس

ودايما عشان انا بحترم عقليتي قبل عقليه حد بحترم كمان عقليه اي قاريء

وبقدمله حاجه مختلفه ممكن تفيده او حتي يقول جزاك الله خيرا

وبعيد عن ده كله

بقيت بدون عشان اعرف رأي الناس بجد

لأن تدويني لنفسي بينعكس علي تدويني للأخرين ورأيهم فيما هو مكتوب


والاهم الألفه والحب والاخوه الي بقت بتجمع بيني وبين المدونين الي بحبهم جدا

وببقي حاسس إني عايز اروحلهم اطمن عليهم واشوف اخر افكارهم وإبداعاتهم

علي فكره انا كنت ناوي اعمل تنيوه في البوست الي جاي عن نفس الحوار

وإن شاء الله هعمله

حاجه اخيره نفسي اقولها

انا كتير النسيان بيخليني انسي ناس كتير وبيسبب تقصير مني

وعشان كده اي حد بيقرا كلامي بقوله ماتزعلش مني لو كنت مقصر او ضايقتك

وشكرا ليكي علي الموضوع الرائع ده

والعبره عمرها ما كانت بوقت التدوين

العبره بالتأثير والاضافه

عذرا عذرا عذرا علي الاطاله

دمتي متألقه وبكل ود

في رعايه الله

:)